خاص باستفسارات المعيدين والمعيدات فقط.

وعليكم السلام
إختي.. الأفضل لك إنك تبتعثي من قبل الجامعه. بالنسبه لاختيار الجامعه، مافي أحد يقدر يجبرك إنك تبتعثي لجامعه معينه " جامعات شنقهاي" أهم شي تكون الجامعه معترف وموصى بها من قبل وزارة التعليم العالي.
أنا بس ودي أعرف رئيسة القسم من وين متخرجه؟! هارفارد مثلاً!!
إنتي تقولين إنك راح تبتعثين لدراسة الدكتوراه، فأعتقد إنك لازم تترقين من معيده إلى محاضره أولاً، ثم تبتعثين( وهذا الأفضل لك من الناحيه الماديه). بالنسبه لنقطة تعديل المهنه، ياليت توضحين النقطه أكثر.
دمتي بخير
معاند

وعليكم السلام ورحمة الله وبركاته

شخصياً أنصحك بالدراسه في أمريكا، لكن لو حبيتي تدرسين في بريطانيا مافي فرق كبير. البعض يرى بأن البريطانيين فيهم شوفة نفس، لكن والله مارحت لبريطانيا ولا عندي اجابه اكيده. لكن انصحك انك تسألين الطلاب اللي يدرسون حاليا في بريطانيا. مع العلم اني اعرف بعض الزملاء يدرسون في بريطانيا وامورهم ماشيه ولله الحمد( ولا تنسين ان حنا يالسعوديين نحب نكبر السوالف ونخلي من الحبه قبه).
ماعندك أي مشكله بالنسبه للفيزا وتقدرين تلغينها طبعاً ( او تتركينها حتى يعني مو لازم تلغينها.. يمكن تغيرين رأيك مستقبلاً) أخيراً بالنسبه لطريقة الانسحاب من برنامج خادم الحرمين، ياليت تسألين الاخوان والاخوات في القسم المختص. لكن عموما الاجراءات بسيطه جداً حسب ماسمعت من بعض اقاربي.
دمت بخير
معاند

الحل الله يسلمك لازم ترسل ايميل للدكتور العيسى وتشرح له وضعك وماراح يقصر معك ان شاء الله. الرجل متفهم ومتعاون جداً. ادخل على موقع الملحقيه وراح تلاقي ايميله. انا قبل فتره مرسل له وتجاوب معي.
والجميل في الموضوع انهم اصدروا لك ضمان مالي، يعني الحين تقدر تتكلم معهم وتطالب بحقك وصدقني بمشية الله راح يوافقون على طلبك.
بالتوفيق اخوي.

المشكلة ان رئيسة القسم متخرجة من جامعة برونيل في بريطانيا وموقوووفة:s
هو اكيد الافضل اني انتظر وابتعث وانا محاضرة بس مشكلتها ممكن تطول لان مافي ارقام وظيفية وانا احضرت قبول وتبدأ الدراسة في اوقست عشان كدا احتمال اروح على بعثات خادم الحرمين،، نقطة تعديل المهنة اقصد اني في الاحوال صرت موظفة حكومية ولو دققو الوزارة وقت اصدار قرار الابتعاث بيرفضو لان من شروط المرحلة السابعة اني ماكون موظفة
اشكرك اخوي على الرد

لو حصل لا سمح الله انهم رفضوا، انا اشوف انها خيره لك.
كل التوفيق

طيب سؤال ياجماعة في حال ماتيسرت ظروفي وماقدرت ابتعث
شلون احول للتعليم العام
بدل مااتحول ادارية؟؟؟؟
ماهي الخطوات للتحويل من العالي للعام؟؟

مع اني عارفة ان التعليم العام كرف وتعب لكن الشكوى لله


ياااارب ياكريم فرررج همي ويسر بعثتي ولاحول ولاقوة الا بك

دعوااااتكم

تقدرين تنقلين خدماتك لوزارة التربية والتعليم.

هذا مانص عليه أحد مواد نظام خدمة أعضاء هيئة التدريس:
المادة الحادية والثمانون :
يجوز بقرار من مجلس الجامعة بناءً على توصية مجلس القسم ومجلس الكلية المختصين الموافقة على نقل عضو هيئة التدريس ومن في حكمه إلى وظيفة خارج الجامعة.

يعني أول شي لازم تبدين من مجلس القسم وتقدمين لهم خطاب يفيد برغبتك بالانتقال للعمل في وزارة التربيه والتعليم.

بالتوفيق

جزاااك الله خير

طيب اخووي بما انهم عطوني مهلة (سنتين )ابحث عن قبوول بالخارج
متى اطلب نقل خدماتي للتعليم العام قبل ماتنتهي المدة بكم؟؟؟
واخاف يرفضووون؟؟


صراحة مدري ليه يجبرونا ع الابتعاث الخارجي
حنا حريم مهما كان ظروفنا مو بكيفنا حسبنا الله وكفى،،

يارب فرررج همي وهم كل البنات اللي مثلي ويارب يسمحون بالدراسة بالمملكة

طموحنااا عالي وشهاداتنا افضل الشهادات نتحول اداري ليه

شوفي اختي، أنا ما اعتقد انهم راح يحولونك الى وظيفه اداريه.
انتي تناقشي معهم وحاولي تشرحين ظروفك بشكل رسمي ( خطاب لرئيسة القسم) وراح يعرض طلبك على
مجلس الكليه. في حال قدروا ظروفك كان بها والحمد لله. واذا العكس لا سمح الله، تكون وقتها الصوره واضحه لك
وتعرفين طريقك وتكونين على بينه. ووقتها تقدرين تتركينهم في اي وقت وتقدمين خطاب طلب نقل الخدمات لوزارة التربيه والتعليم.
وفي حل ثاني إن تنقلين لجامعه ثانيه ماتشترط الابتعاث للخارج.
بالتوفيق ان شاء الله

السلام عليكم ورحمة الله وبركاتة
صباح/ مساء الخير على الجميع

لدي استفسار اتمنى الاجابة عليه من الاخوه الافاضل .
انا معيد وابغى اقدم على جامعة اعجبني برنامج الماجستير عندهم, لكن تخصصي للاسف موقفة من الملحقية.
لذا سؤالي هل نحن كمعيدين ومحاضرين في الجامعات السعودية مسموح لنا الدراسة في الجامعات الموقفة او لا ؟
بمعنى هل هي موقفة على مبتعثي برنامج الملك فقط او على الكل ؟
ارجوا التفصيل لان هذا الموضوع يهم الكثير .

ودمتم بصحة وعافية .