خاص باستفسارات المعيدين والمعيدات فقط.

المفترض أن قائمة التكدس خاصة بطلاب بعثة خادم الحرمين فقط ولاتشمل المعيدين
ولكن المعمول به غير كذا
فتجد فيه جامعات تبتعث وماعندها مشكله.
وفيه بعض الكليات ترفض بحجة غير مقنعة ألا وهي أنه اذا كان البرنامج مغلق على طلاب خادم الحرمين فمن باب أولى أنه يغلق عليك لأنك أكاديمي

الزبدة ياطويل العمر : كل الموضوع في يد عميد الكلية بعد ماتوصل أوراقك لمجلس الكلية ، فرح وادخل على عميدكم واسأل فإذا قالك لامانع في مجلس الكلية مشت أمورك والعكس صحيح
ولو قلت لهم أنه مايحقلكم رفض الجامعة المتكدسة يقدرون يطقطقون عليك ويقولون لك البرنامج غير مناسب

أنا سبق وتم رفض أحد قبولاتي بهذا السبب

تحياتي،

يا أخوان


وش رايكم نوصل صوتنـا للمسؤولين أنهم يزودون راتب المعيد المبتعث


راتب المعيد حلو تقريبا 11 الف

لكن لما يبتعث مثل ما تعرفون يصبح راتبه تقريبا 2800

وهذا والله ظلم و أجحاف بحق المبتعث

وش رايكم نقدم على الوزارة .. أو تفتح صفحة بالفيس بوك أو بتويتر .. علشان يعدلون وضعنـا الميؤس منه



وشكرا

صفحة الفيس بوك الخاصة بالمعيدين والمحاضرين موجودة منذ زمن,,
الإشكالية في عدم الاتحاد على موضوع معين ، وعدم مواصلة المطالبة ، والفشل في استخدام الوسائل الإعلامية لإيصال أصواتنا إلى صاحب القرار,,
أكبر مشكلة تتمثل في الفردية وحب الذات ، وعدم الوقوف كـ جماعة واحدة حتى نهاية المشوار,,
ربنا يوفقك,,

مساء الخير

لدي استفسارات عن البدلات لمعيدين جامعة الخرج :

1/ البدلات كم تستغرق وقت عشان تنزل؟

2/ بدل الحاسب كم مقداره ومتى ينزل؟

3/ البدلات ثابته او تزيد بزيادة الراتب؟


الله يعطيكم العافيه

السلام للجميع

اشترطت الجامعه للقبول المشروط معادلة الشهادة ...


هل في احد عادل شهادته ؟
وهل تعوضني جامعتي تكاليف المعادلة ؟

تحياتي لكم وبالتوفيق للجميع

هل فيه احد قدم على الاعادة بجامعة شقراء ومقابلته السبت او الاحد ؟

وعليكم السلام,,
لابد من معادلة الشهادة من إحدى المؤسسات المعتمدة سواء للقبول المشروط أو القبول النهائي,,
الملحقية ستعوضك عن رسوم المعادلة لاحقا,,
ربنا يوفقك,,

السلام عليكم


الحين اذا صدر قرار الابتعاث لازم اسافر خلال ثلاثة شهور من تاريخ صدور القرار (صح) ؟!
واذا كان صحيح هل اقدر أخر السفر شهرين كمان من غير الثلاثة ولا لا ؟!


ثانيا هل اللغه لازم ادرس في الجامعة اللي عندي منها قبول ؟! او اي مكان حتى لو مدينة اخرى ؟! وهل يمكن تغيير المعهد واستبداله بمعهد اخر في مدينة اخرى ؟!



وشكراا

وعليكم السلام,,
لابد من السفر خلال المدة المحددة ، ولا يمكن تأجيل السفر إلا بعد موافقة مرجع عملك وحصولك على خطاب ابتعاث جديد,,
بإمكانك الدراسة في أي معهد داخل أمريكا ، وليس بالضرورة أن يكون تابعا للجامعة التي ستدرس فيها ، ويمكنك تغيير المعهد كذلك أثناء فترة اللغة مرة واحدة,,
ربنا يوفقك,,

لو عادلتها الان قبل صدور قرار الابتعاث هل ماراح تعوضني الملحقيه على اساس اني عادلت قبل الانضام للبعثه ؟
ايش تنصحني اخوي .. لان ماراح احصل على قبول مشروط الا لما اعادل .. ولسى قراري ماصدر ؟