خاص باستفسارات المعيدين والمعيدات فقط.

مشكور اخوي معاند الجرح مانستغني عن ردودك الحلوة

الله يحفظك اخوي معاند الجرح على سعيك لخدمة اخوانك وخير الناس انفعهم للناس الله يوفقك يااارب ويسهلك امرك ويوجهلك الخير وين مارحت...

بغيت اسألك يالغالي انا توني متخرج July 2009 هندسه كهربائيه ومعدلي جيدجدا وقدمت على اكثر من وظيفة اعاده في كلية الجبيل الصناعيه وجامعة الطائف(على فكره وش الافضل؟؟) وغيرها وقبلوا اوراقي وقالوا انتظر الين نعقد لجنه لأختبارك بنهاية شهر شوال ..
وقدمت ايضآ على بعثات الملك وجاتني الرساله بالقبول وعطوني موعد 3 رمضان لتدقيق الاوراق ...

انا الان مدري انتظر اختبارات الاعاده واطنش البعثه او اطلع بعثه وارجع بالماستر وابدا اقدم؟؟؟ بصراحه متحير لأني ماادري وش الافضل اصلا هل الاعاده ام الابتعاث بدون وظيفه؟؟؟
تكفى محتاج لرأيك ولرأي الاخوه هنا جميعآ بالتفصيل بأنتظاركم ولكم كل الشكر مقدمآ

السلام عليكم هلا Eng.Theyab يا اخوي الاعاده احسن لك بكثير ولا فيه فرق يا اخي يكفي انها تحسب لك خدمه وانت تدرس غير ان نصف الراتب ماشي غير انك ضمنت الوظيفه وكذلك عرفت التخصص من الجامعه . هذا رايي

هلا وغلا ..

أول شي أحب أباركلك بالتخرج وعسى الله يوفقك بالوظيفه الطيبه ..

شوف حبيبي .. بالنسبه لكلية الجبيل الصناعيه وجامعة الطائف كلهم زينات .. ولكن الي أعرفه إن كلية الجبيل تتبع

للهيئة الملكية للجبيل وينبع .. فبالتالي راح تكون محصور في مدينتين ( إما الجبيل أو ينبع ) والنقطه ذي ترجع لك

يعني بمعنى آخر .. هل إنت عندك إستعداد تمضي باقي حياتك العملية في إحدى هاتين المدينتين ؟

والشي الثاني لازم تعرف وأنا أخوك فرص الإبتعاث .. يعني بصراحه لو كنت بمكانك راح أختار جامعة الطائف

لو حصل وقبلوني .. لأمور كثيره منها :

1- تضمن إنك تمشي مع سفينة التعليم الجامعي بالمملكة وأنت مرتاح البال .

2- تضمن فرصة إبتعاثك للخارج عن طريق الجامعة إن شاء الله .

3- إستقرار نفسي كبير ( الهيئة الملكية ماعندها لعب والله 1+1 = 2 ويدك على قلبك 24 ساعه )

4- عند مقارنة جامعة مع هيئة أعتقد إن الأمر مايحتاج لتفكير لأن كفت الجامعه بتكون راجحه أكيد .

5- مستقبلاً تستطيع التنقل مابين الجامعات ( الهيئة الملكية فقط في مدينتين )

بخصوص تساؤلك الأخير ..

قبل كل شي إستخر الله سبحانه وتعالى .. وأنا من رأيي إنك تنتظر تقديمك على الإعاده .. إن جت زين على زين

وعن طريقها راح تبتعث إن شاء الله ( لا تنسى إن المعيد ينزل له راتبين - نص راتبه الأساسي هنا بالسعوديه

ومكافأه خارج المملكة قدرها 1850 دولار تقريبا .. يعني خلال فترة دراستك بتستلم مايقارب 8500 ريال ..

والشي الأهم من كذا إن الخدمه محسوبه لك أثناء دراستك ..

أسأل الله العظيم أن يكتبلك الخير حيث كان ثم يرضيك فيه .. اللهم آمين ..

أتمنى إني أفدتك ولو بالقليل ..

وإذا محتاج إي مساعده تامر يالغالي

دمت بخير ..

اخي العزيز man.u الله يعطيك العافيه ويحفظك يارب

تحياتي ودعواتي بالتوفيق لك على هالموضوع اخ معاند الجرح

انا مجبورة وغصوبة عالابتعاث الخارجي تخصصي كيمياء عضوية

مشكلتي ماعندي محرم ابوي كبير ومالي رغبة اشحططه معي

وغير متزوجة

واخاف هالوضع يستمر ولا اكمل الدراسة اتمنى يعطونا فرصة لاكمال الماجستير على الاقل داخلي والدكتوراة خارجي

والله مع انكم حايسين وقلقانيين بس مارح اقول حاسدتكم لا والله غابطتكم عالتيسير المحرم

ليتني رجال

قولي آمين ..

الله يوفقك وييسر أمرك ويرزقك الزوج الصالح الي يطلع معك لخارج المملكة وتكملين دراستك ..

والله يا إختي إني حاس فيك ومقدر وضعك لكن مالك مني إلا الدعوات الطيبه ..

الإبتعاث الداخلي مغلق لتخصصك ؟

أنا أعرف قريبه لي تخصصها مثل تخصصك وكملت هنا في السعوديه ..

لكن يمكن الآن الوضع تغير ..

إذا أقدر أساعدك في شي أنا حاضر يا إختي ويسرني هالشي ..

كل عام وأنتي بخير ومبروك عليك الشهر مقدماً

هههههههههههههه ياسلام معقوووول فيه احد يحسدنا ياشباب احنا محسودييييييين هههه
صدق من شاف مصيبة غيره هانت عليه مصيبته
اختي الله يوفقك وييسر امرك بس انتبهي للشايب لاتتعبينه معك شوفي واحد من خوالك او عمامك او ابناء خواتك كلهم محارم لك يعطيهم الوالد وكاله شرعيه ويروحون معك...

وعسى الله يوفقك ويسهل امورك

ومشكور يابعدي يامعاند الجرح ربي يوفقك (اذا احب الله عبدآ حبب اليه خلقه)

لا شكر على واجب .. وياك يارب ..

الله يسمع منك يااارب

الاعاده افضل
ولا يبي لها تفكير
فالك التوفيق