خاص باستفسارات المعيدين والمعيدات فقط.

عندي استفسار بخصوص القبول المشروط؟
اللي اعرفه ان القبول المشروط يعني انهم يقبلوني بشرط اكمال اللغه في المعهد واختبر واحصل على درجه عاليه مثل اختبار التوفل تقريبا
سؤالي لو اختبرت التوفل او الايلتس في السعودية وماحصلت على الدرجة المطلوبة بس حصلت على درجة نوعا ما قريبة منها... هل يمكن اني ابدا في دراسة الماجستير وخلال دراسة الماجستير احاول اختبر التوفل او الايلتس من غير الدراسة في معاهد اللغة
ولا لابد من تجاوز شرط اللغة بدخول المعاهد التابعة للجامعات؟
وشكرا

هم ماحطو شرط اللغة الا انهم يبغوكي تجيبيه و لا راح يسمحولك بدراسة الماستر الا بعد ما تجتازيه و هذا اللي اعرفه ،، حتى انهم يمكن يتغاضو عن بعض الامور في حال كان المعدل عالي
زي التوصيات او درجة GRE لو كانت الجامعة تطلبه ،، اما اختبار اللغة (توفل/ ايلتس .. او غيره) ماتوقع راح يتساهلو فيه نهائيا
حاولي انك تجيبي درجة فالسعودية او لو حابه الابتعاث بدري قدمي على لغة و ماجستير و حاولي تجيبي الدرجة المطلوبة و انتي في دراستك فالمعهد
لو جبتيها من اول شهر او ثاني شهر و قدمي ع الجامعة و خلااص ،، موفقة.

السلام عليكم
الاخوان الكرام انا معيد مبتعث واخطأت خطأ المفروض اني ما اخطيه
واتمنى ان ما احد يوقع في نفس الخطا وخصوصا اللي جاااااااااي ماجستير
الخطا هو اني طلعت على قبول لغة فقط والجامعة ما تقبل شهادة المعهد
ضروري اختبار توفل .... وجيمات
الان انا ابحث عن جامعة تخصص مالية اذا تعرفون شرط اجتياز معهد اللغة والجيمات بدون توفل
وتكون معتمدة من AACSB
وجزاكم الله خير

السلام عليكم ورحمه الله.,

اخواني انا معيد بجامعه واريد ان انقل خدماتي الى جامعه اخرى لكن اداري وليس معيد ,,
وذالك لظروف صعبه جدا + عدم رغبتي بإكمال الدراسه خارجيا

انا تقدمت للوظيفه كنت وقتها عاطل وابي اقرب وظيفه وكنت اجهل شرط اكمال الدراسه خارج المملكه ..

سؤالي الاول .. مامدى صعوبه التحويل الى اداري الى جامعه اخرى ؟؟
سؤالي الثاني .. على اي مرتبه تكون الوظيفه اذا حولت اداري علما ان تخصصي نظم معلومات اداريه ؟؟


ف ياليت اللي عنده خلفيه عن هالاستفسارات مايبخل علي
اللهم في هذا الشهر المبارك وفّق من يعينني على اجابه هالاستفسارات ..

وعليكم السلام ورحمه الله وبركاته ،،

على حد علمي ان التحويل من جامعه لجامعه اخرى ممكن وغير مستحيل ، ولكنه يعتمد بالدرجه الاولى على مدى احتياج ورغبه الجامعه الاخرى بك كموظف . يعني لازم تكون الجامعه المحول منها ( اي جامعتك ) موافقه على نقل خدماتك للجامعه الاخرى + تكون الجامعه المحول إليها موافقه على استقبالك لديها سواء كإداري او معيد .
يعني المسأله ممكنه اذا الجهتين موافقين .
بلغ عميد كليتك بظروفك ورغبتك بالنقل . ومايمنع ان تاخذ رأيه .

بل وتستطيع ان تطلب التحويل لإداري بذات الجامعه دون تغييرها ، إذا وافقت كليتك بذلك .

وبخصوص المرتبه الي بتكون عليها عند التحويل لإداري .. فهي المرتبه السادسه إن كنتَ من حملة البكالوريس . والراتب سيتغير طبعا والبدلات كذلك . بحيث لن تكون على سلم رواتب اعضاء هيئة التدريس ، بل على سلم الموظفين العام .

هذا ، والله اعلم .

والله يوفقك وييسر امرك وامر كل مسلم ومسلمه .

اذكر الله، لاتحول لإداري لأن الكثير من المميزات بتروح.
أما بالنسبة لإكمال الدراسة في الخارج، على حد علمي لايوجد في الائحة بند يشترط ذلك بمعنى أنه تقدر تكمل دراستك داخلياً(يعني بالعربي لاتهمك فلسفة رئيس قسمكم أو عميد كليتكم)
أما في حال أنه مالك خلق تكمل الدراسة حتى داخلياً، فااستمر على وضعك الحالي ولاتطلب تحويل، وفي أسوأ الأحوال راح يرفع عميد كليتكم لمدير الجامعة طلب تحويلك لإداري بسبب عدم إكمال الدراسة وهذا الطلب إحتمال كبير يواجه بالرفض.
على سبيل المثال:
لي زميلين في نفس القسم لهم أكثر من سبع سنوات يعملون على وظيفة معيد وماأكملو دراستهم ولا حتى التحقو بأي برنامج لدراسة الماجستير وقام عميد الكلية برفع أكثر من طلب لإدارة الجامعة لتحويلهم إداريين وجميع الطلبات قوبلت بالرفض ومازالو مستمرين على وظائفهم ومميزاتهم.
تحياتي،،

وعليكم السلآم .. حيآك الله .. معآك عبدالله الغاآمدي .. أستآذي العزيز .. انآ احب اتوآصل معك بشكل شخصي .. و رقمي رآح يجيك على الخآص .. بخصوص موضوعك ..

السلام عليكم

صياح الخير

حبايبي انا لو بحول ابتعاث داخلي انه اتواصل مع قسمي او ادارة البعثات ؟

الاستفسار الثاني هل المعيد يدخل في منافسة القبول مع طلاب الماجستير وهل تطبق علي شروط القبول للماجستير ..؟ بمعنى الايلتس او القدرات ؟

طيب متى اقدم على الماجستير بمعنى لو كنت بدرس السنة الجاية ابلغ القسم من الان ؟

عليكم السلام ورحمة الله وبركاته
وسع صدرك يارجال، بالعكس أنت اتخذت أفضل قرار (لأنه عموماً حسب وجهة نظري وبالنسبة لتخصصي في أمريكا عدد الجامعات اللي تعطي قبول مشروطوخاصة للماجستير مهيب واجد وأيضاً أغلبها (وليس جميعها)ترتيبها سيء (من ناحية قوة الجامعة)إذا كان يهمك هذا الشيء).
بعدين ترى اختبار التوفل مقدور عليه(بس ترى الطلاب اللي هناك مسووين له دعاية ع الفاضي)، يعني إذا خلصت آخر مستوى بالمعهد وكان معهدك تبع جامعة (أكاديمي) صدقني راح تجيب التوفل بالراحة مع شوية تمارين.
للأسف ماعندي خلفية عن تخصصك، ولكن في حال أنك لاسمح الله مالقيت القبول اللي تبيه ترى تقدر بعد ماتخلص اللغة تقدر تدخل دورة تكثيفية (عادةً مدتها تكون تقريباً شهر ونص إلى ثلاثة أشهر) وبعدها بإذن الله تجيب درجة كويسة وينفتح لك المجال أنك تقدم على كل الجامعات اللي في بالك.
تحياتي،،

حبايبي انا لو بحول ابتعاث داخلي انه اتواصل مع قسمي او ادارة البعثات ؟
أنت مرجعك الأول والأخير القسم ، فيجب أن تتواصل مع القسم أولاً وبعد موافقة القسم، يقوم رئيس القسم برفع الخطاب إلى عميد الكلية ومن العميد إلى إدارة البعثات، بعد ذلك تستطيع أنت التواصل مع إدارة البعثات.

الاستفسار الثاني هل المعيد يدخل في منافسة القبول مع طلاب الماجستير وهل تطبق علي شروط القبول للماجستير ..؟ بمعنى الايلتس او القدرات ؟
إذا كنت بتدرس في نفس القسم اللي أنت معيد فيه، فهذا يرجع إلى سياسة قسمكم بمعنى تواصل مع رئيس قسمكم وهو يعطيك العلم الأكيد
أما إذا كنت بتدرس في قسم آخر أو جامعة أخرى فما أعتقد أنك تستحق أي استثناء لأنك بالنسبة لهم مجرد طالب كأي طالب آخر .

طيب متى اقدم على الماجستير بمعنى لو كنت بدرس السنة الجاية ابلغ القسم من الان ؟[/QUOTE]
يفضل الحصول على موافقة القسم بأسرع وقت ممكن، يعني تقدر تقدم الحين وتشوف وش يردون عليك، لأنه في بعض الأحيان تطيح بناس معقدين وأيضاً ممكن في أي وقت يقوم القسم بوضع شروط إضافية ولتفادي ذلك إرفع طلبك بأسرع شكل.
تحياتي،،