خاص باستفسارات المعيدين والمعيدات فقط.

يسعدلي ايامكم..
بعد اذنكم عندي سؤال ثاني
حابه ابدأ بارسال خطابات طلب القبول لكم جامعه لكن بالنسبه للغه انا لغتي كويسه نوعا ما "يعني حاسه انو مسأله سنه لغة طويله شوي"
ومو عارفه ايش اسوي
يعني هل لازم اسوي اختبار توفل قبل او هل ممكن انو الجامعه نفسها تحدد مستواي والمدة الي احتاجها وهل لازم اني اوضح هالشي في طلب القبول
شاكرة ومقدرة جهودكم..

هلا اختي ..

انتي اذا رحتي للجامعة راح يجرون لك إختبار تحديد مستوى ، بناء على نتيجتك بالاختبار راح يحددون مستواك وبناء عليه راح يحددون المدة الي تحتاجينها لدراسة اللغة ..

اذكر الوالد سابقا كان في معهد اللغه ما أخذ الا 4 شهور ودخل في الكورس حقه ..


كل التوفيق ان شاء الله .. وكل عام ونتِ بخير ..

السلام عليكم

مساكم الله بالخير جميعاُ

أنا معيد بجامعة الملك سعود هل أستطيع الابتعاث ماجستير إلى بريطانيا

وشكراً

السلام عليكم ورحمة الله وبركاته

أختي الكريمة

دراسة اللغة لمدة سنة هو حق لك , ويرجع لك القرار في الاستفادة من ذلك
أنصحك بتقديم اختبار التوفل في أقرب فرصة لأنه سيسهل لك الحصول على قبول بشكل كبير , كونه أحد الشروط الأساسية للتقديم على الجامعات الأمريكية (عادة التقديم للعام2010 ينتهي بنهاية 2009)

شخصيا لغتي الأنجليزية جيدة جدا وحاصل على التوفل IBT 93
حصلت على قبول ماجستير غير مشروط من Penn State , أستشرت أهل الخبرة وأشاروا علي بأخذ كورس لغة قصير الهدف منه التأقلم واكتساب بعض المهارات الدراسية الضرورية

أجلت الماستر فصل وجبت قبول لبرنامج لغة 3 أشهر, قدمته للجامعة كوني معيد, ومشى الموضوع تمام

الفكرة هي أن الحصول على توفل أو قبول غير مشروط لا يحرم المبتعث من أخذ كورس لغة قصير, والذي يكون مفيد جدا للتأهيئة النفسية للطالب قبل بدء برنامجه الرئيسي.




بالتوفيق

وعليكم السلام ورحمة الله ..

مساك الله بالنور ..

نزل قبل فتره تعميم بالجامعه يسمح للاناث فقط باكمال الدراسة لدول ( بريطانيا نيوزيلاندا واستراليا )

أما الذكور فما اعتقد انه مسموح حاليا ..

وش تخصصك اخوي الي بتبتعث عليه ؟

كل عام وانت بخير وعساك من عواده ..

السلام عليكم ..

مشكور اخي الكريم على تعبك ... و الله يوفقك ...

اتمنى لو تساعدني في معرفة الفرق بين القبول المشروط و الغير مشروط ... و اقوى الجامعات في امريكا تجبرك على واحد منهم او تترك الخيار لك .... مع العلم ان لغتي الحمد لله ممتازة و ما اعتقد اني احتاج ادرس انقليزي في الخارج ...

فهل اقدر ادرس الماستر على طول اذا جبت الدرجة المطلوبة من التوفل ... فيا ريت تساعدني و لك الشكر مقدما ..

سؤال ثاني لو ما نثقل عليك ... الماستر ببريطانيا في المجال الهندسي سمعت انه اقل فترة من امريكا ... هل هذا صح او ايش ...


و يعطيك العافية و كل عام و كل المسلمين و احبابهم بخير ان شاء الله

وعليكم السلام ورحمة الله وبركاته ..

حياك الله أخوي .. وكل عام وأنت بخير وعساك من عواده ياارب ..

بالنسبة للفرق بين القبول المشروط والغير مشروط كالتالي :

القبول المشروط : تم قبولك بشكل مبدئي ، ولن يتم قبولك بشكل نهائي الا عند انطباق كامل شروط الجامعة عليك مثل تحقيق درجة معينة في اختبار التوفل ..

القبول الغير مشروط : تم قبولك بشكل نهائي ..

بالنسبة للجامعات مافي احد يجبرك على شي ، لكن كل جامعة ولها شروط معينة ، لكي يتم قبولك يجب أن تنطبق شروط الجامعة عليك ..

إذا جبت الدرجة المطلوبة في التوفل وانطبقت شروط الجامعة عليك يتم قبولك ان شاء الله ..

بالنسبه للماستر في المجال الهندسي .. انا بصراحه ماعندي معلومات كافيه عن هذا التخصص ، ولكن بشكل عام

الدراسة في بريطانيا اقل منها في امريكا ( هذا الكلام لايشمل جميع التخصصات ) ..

ولكن لوحبيت اني ابحث لك ابشر ومن عيوني .. بس ترسل لي اسم التخصص الي تبيه والدرجة العلمية وانا راح ابحث لك عنه في

بريطانيا وفي امريكا ووقتها نقدر نشوف الفرق بين الدولتين في المدة ..

اتمنى لك التوفيق ..

وأنت ابخير وصحة وسلامة

تخصصي محاسبة

هلا اخوي ..

بالنسبه لامريكا وجدت عدد 698 برنامج بمسمى على مستوى الولايات المتحدة Accounting

http://www.petersons.com/gradchannel...rchResults.asp

ادخل على الرابط اعلاه .. بتجد 3 مربعات .. اختار من المربع الاول " جميع المواضيع "
المربع الي تحت منه شف اول خيار " المحاسبة "

المربع الثالث اختار الدرجة العلمية ..

انا حاولت انسخ لك صفحة النتائج لكن ماقبل معي والله ..

بامكانك تحديد الولاية التي ترغب وسيظهر لك البرنامح عدد البرامج

المتوفرة في تلك الولاية ..

أما مايخص بريطانيا وجدت عدد 601 برنامج على هذا اللينك

New find courses and research - search results

اغلب البرامج الموجودة في بريطانيا لمدة سنه فقط ..

بالنسبة لامريكا مادري وين الولاية الي تبي بس بعضها لقيت لمدة سنتين ..

عموما الله يوفقك ويكتب الخيرة من امرك ..

اذا احتجت شي لاتستحي وانا اخوك .. كل التوفيق ..

جزاك الله خير يا اخي الكريم ... و الله يكثر من امثالك ان شاء الله و يوفقك في حياتك ...

ان شاء الله اني اول ما ارسى على اللي ابغاه ان شاء الله ... راح تكون مشورة شخص خبير مثلك شي جميل ...

و كل عام و انت و الامة الاسلامية بخير .....