خاص باستفسارات المعيدين والمعيدات فقط.

اللة يعطيك العافية , ما قصرت , و اشكرك على سرعة الردود , وفقك اللة
نلتقي في سؤال اخر

هلا اخوي حياك الله ..

بشكل عام يختلف نظام التعليم من دولة الى دولة اخرى تبعاً لسياسة التعليم العالي في تلك البلدان ..

ويكون نظام الدراسة كالتالي :-

1- الدراسة بنظام thesis : أن يقوم الطالب بمشروع بحث وكتابة أطروحة (رسالة) ويتم مناقشتها في نهاية الدراسة .

2- الدراسة بنظام course work : ويعني دراسة كورسات( semesters) محددة والاختبار فيها دون تقديم اطروحة .. أي أن يدرس الطالب عدة مواد دراسية وبعد الانتهاء منها يحصل على الشهادة .

3- طريقة المواد الدراسة والبحث Mixed : أي أن يكمل الطالب بعض المواد الدراسية قبل البدء بإجراء الأطروحة ..


قد يوجد بعض الطرق والتي تختلف من دولة لدولة اخرى ، ولكن بشكل عام يفضل الكثير

من الطلاب الدراسة بنظام Mixed
وذلك لوجود الاعتراف في كثير من الجامعات وارباب العمل بهذا النوع وتفضيله على الانواع الاخرى وخصوصا عند اجرء المفاضلات بين المتقدمين ..
وبالنسبه للمعيد أنا شخصيا افضل الطريقة السابقة - وهذا رأي الكثير من الاساتذه المساعدين حديثي التخرج - لما لهذه الطريقة من فوائد كثيره من ناحية الاعداد المتميز لطالب الدراسات العليا وقوة تحصيله العلمي .



ولمزيد من المعلومات آمل منك مراجعة وحدة مساندة المعيدين والمحاضرين في جامعة الملك سعود ( الاستاذ الحركان ، نسيت اسمه الاول ) وسوف يقدمون لك النصائح الجيده ، هذا بالاضافه الى نصائح عميد الكلية او الوكيل او حتى رئيس القسم ..


اذا كان لديك اي استفسارات اخرى لا تتردد بالسؤال .. وعذرا على التأخير ..


بالتوفيق ..

لو سمحت انا معيدة جديدة وابغى اكمل ماستر نظم معلومات ادارية في امريكا ان شاء الله
بس بصراحة حاسه اني عايمة وما اعرف كيف ابدا هل اول شي اجيب قبول من معهد والا جامعة والا وش اسوي ؟
ابي اللة يعافيك الخطوات اللي اتبعها لاني ودي اروح على الصيف ان شاء الله

هلا حياك الله اختي .. وشرفتينا بانضمامك لأسرة مبتعث ، وإن شاء الله تستفيدين وتفيدين ..

اغلب الاستفسارات الي تدور في بالك سبق وان طرحت في هذا الموضوع ..

فقط آمل منك الضغط على ايقونة ( البحث في الموضوع ) وطرح سؤالك وستجدين الاجابة ان شاء الله

وفي حالة عدم وجود الاجابة الكافية ، على طول اسألي وان شاء الله راح تجدين الرد باذن الله ..

اجابة سؤالك الحالي على هذا اللينك http://www.mbt3th.us/vb/forum118/thread109424-21.html

دمت بخير ..

اخوي معاند,
هل الجامعة(سعود) تعوضك عن مادفعتة للمكتب حتا ياتيللك بلقبول؟ و اترجمة ؟ وأرسالية أرميكس؟
اذا الاجابة بنعم ! كيف السبيل؟ أروح لمين؟ هل الفواتير لزم تكون بأسم المستفيد! يعني بأسم الزوج مافية مشكلة!
اشكرك مقدما

هلا اخوي ..

القبول ما اعتقد بعوضونك عن اجور مكتب القبول .. ولكن يعوضونك عن الترجمة

وشحن الاوراق ( فيدكس وغيرها .. )

تروح الله يسلمك لعمادة اعضاء هيئة التدريس الدور الرابع ..

ما اعتقد راح يتجاوبون معك بخصوص تعويضك عن مستفيد اخر ولو كانت الزوجه ..

لكن افضل شي خلي زوجتك تروح بنفسها للقسم النسائي وتخلص امورها بسرعه ان شاء الله ..

اتمنى لك التوفيق ..

السلام عليكم ورحمة الله,,,أخي الكريم عندي سؤال إذا سمحت,,,
كيف اعرف الجامعات الموصى بها (لأعضاء هيئة التدريس) لأن اللي موجود بموقع الوزارة يتعلق ببعثات خادم الحرمين ولم يعد هناك تخصصات نظرية حيث إن تخصصي إدارة وتخطيط تربوي والمرحلة التي اود الابتعاث فيها دكتوراه؟

أخوي معاند يعطيك العافية على هالموضوع الحلو ,,
لو سمحت انا قدمت على وظيفة معيد ووافق لي القسم و مجلس الكلية و ورقي ارسل لعمادة شؤون هيئة التدريس ابغى اعرف وش بقى لي من الاجراءات و هل أطمن خلاص ولا يمكن لا سمح الله يرفضوا و أخيرا كم تقريبا من الوقت لين يردوا علي ..
الله يوفقنا جميع لما يحب و يرضاه

وعليكم السلام ورحمة الله وبركاته ..

حياك الله اختي ..

الجامعات الموصى بها في موقع وزارة التعليم العالي تشمل الجميع اعضاء هيئة التدريس وغيرهم ..

يجب ان تكون الجامعة التي تودين الابتعاث لها مدرجة ضمن الجامعات الموصى بها في القائمة ومعترف بها ..

انا بحث لك عن تخصصك ( اذا كنتي تبين امريكا ) على هذا الرابط ولقيت 426 جامعت توفر هذا التخصص

وعلى مسمى Educational Leadership and Administration ( القيادة والإدارة التربوية )

http://www.petersons.com/gradchannel...rchResults.asp

بالتوفيق يارب ..

( شوفي الجامعة المناسبة لك وشيكي على وزارة التعليم العالي وتأكدي هل هي مدرجة ضمن القائمة ولالا )

بسهل عليك العملية من خلال هذا الرابط ط§ظ„ط¬ط§ظ…ط¹ط§طھ ط§ظ„ظ…ظˆطµظ‰ ط¨ظ‡ط§

الله يعافيك يارب ..

بدايةً أحب أبارك لك وأهنيك على هالوظيفة الطيبة وعسى ربي يوفقك وينفع بك ..

بما ان اوراقك مشت من الكلية ووصلت للجامعة فأمورك طيبة ان شاء الله ..

بختصر كل شي واقولك جهز البشاره <<<<<< متفااااااءل الولد

لا ان شاء الله امورك ماشية صح ومالك الا الانتظار ، واذا مانت قادر تصبر انقز الله لا يهينك

لعمادة شؤون اعضاء هيئة التدريس الدور 4 واسأل عن قاسم ( هذا اذكره من زمان عاد اذا تغير لا تقول الرجال ناوي يوهقني )

ولو ماتبي تروح وحبيت تكبر الوساده <<<< تقدر تتصل على قاسم او فواز على هالرقم وتسألهم عن

وضعك وان شاء الله بيفيدونك ( عاد الله الله بطولة البال ) وهذااااا الرقم 014677888 / 014677855

وبالتوفيق يارب ..

( انا احس انك بجامعة الملك سعود ولا تقولي غيرها عشان ما اتهور واسوي شي بعد كل هالشرح وتطلع مقدم على

جامعة ثانيه ) بس مع ذلك فدا والله .. وحااااضرين للطيبين ..