خاص باستفسارات المعيدين والمعيدات فقط.

هلا وغلا ..

اذا ضاقت مايفرجها غير الحي القيوم .. ونعم بالله ..

من عيوووووني اتحملك يالغالي .. انا كلي فدا اخواني واخواتي ويعلم الله كم اكون مبسوط اذا قدمت المساعده ..

انت اسأل زي ماااااتبي ولا يردك غير كيبوووردك

اول شي ترفع اوراقك للقسم وبيوافقون ان شاء الله .. بعدها تعرض اوراقك على مجلس الكلية ومنه الى الجامعه

الجامعه ماراح تطول اوراقك فيها تقريبا بتاخذ 10 ايام ( في قسم التدريب والابتعاث بتعبي عندهم نموذج 6 أ وهو

عبارة عن عرض مواضيع البعثه مثل المعلومات الشخصية - توصيات الكلية - وهو نموذج مكون من 5 صفحات ..

طبعا الجامعه تبي منك اخلاء طرف من الكلية والفيزا اذا كان البلد الي ترغب الذهاب اليه يشترط وجود الفيزا

لدخوله .. بعد ذلك سوف تصدر لك الجامعه امر الاركاب ( طبعا انت من الان احجز خط السير حقك واختار اي

خطوط بتروح عليها ) وتروح للطيار عشان تقص التذكره .. ولا تنسى ان امر الاركاب ماراح يطلع حتى تاخذ

اخلاء طرف من الجامعه .. الله يعين على التمتير بس <<<< من الحين شايل هم التمتير <<< مجرب سابقا

واذا قصيت التذكره ترجع للبيت وتدخل النت على منتدى اسمه منتدى مبتعث .. المنتدى هذا شي ورهيب بصراحه ..

وبتدخل على موضوع http://www.mbt3th.us/vb/forum8/thread92282.html

وتبدأ تجهز أمورك يالغالي ( تقدر تجهز من الآن ) متفاااااااءل الولد

وفقك الله ويسر أمرك .. واي سؤال انتتتتبه تستحي والكلام للجميع .. وحااااضرين للطيبين

السلام عليكم ورحمة الله وبركاته....
اخواني اتمنى منكم الافادة.... انا متخرج السنة اللي فاتت وقدمت على وظيفة معيد بجامعة الملك عبدالعزيز.. والشيء الايجابي ان القسم
(كيمياء حيوية) ابدى رغبته في اني اكون ضمن المعيدين عندهم في القسم... بس وضحولي ان الموضوع ممكن يتأخر حوالي ستة شهور الين تجي الوظيفة.. وفي نفس الوقت قدمت على برنامج بعثات الملك عبدالله لدراسة تخصص الطب.. وجاني القبول المبدئي للدراسة في كندا...
اتمنى منكم يا اخواني النصيحة... هل الأفضل في نظركم؟؟؟ انتظر الوظيفة في الجامعة واترك البعثة تروح عليا واطلع على حساب الجامعة... والا اتوكل على الله واطلع ادرس الطب...وارجع وقتها من جديد انتظر تجيني الوظيفة... مع العلم يا جماعة اني شخص متزوج جديد وفي انتظار مولود...وكمان لو كان احد عنده فكرة منكم ايش مميزات وعيوب كل وحدة من الوظيفتين لو سمحتم...

السلام عليكم انا معيد في الهيئه الملكيه وطلبت مني الهيئه الملكيه اجيب قبول مشروط يعني من معهد وجامعه في نفس الوقت ولقد حددت يا

كندا او امريكا وانا ارغب في كندا وارجو من الاخوان الذين في كندا ان يساعدونا ويعطونا اسماء الجامعات اللتي تعطي قبول مشروووط

في كندا او المساعده بحيث ارسله اوراقي عن طريق الايميل او طريقه اخرى ويزبط الامور هناك واكون له من الشاكرين

وعليكم السلااااام ورحمة الله وبركاته ..

اول شي الف مبروك وظيفة معيد ( ولو انها بعد 6 شهور )

ماااايبيلها سؤال يابعد قلبي .. اتكل على الحي القيوم وانت وظيفة المعيد .. واصلا كذا ولا كذا انت راح تبتعث ..

لكن تبتعث وانت معيد اكيد افضل من انك تبتعث على البرنامج ( هذا لايعني ان البرنامج سيء .. ولكن الاعاده وظيفتك امامك ان شاء الله )
بعيد برسملك خطــــــــــــه شي بصراحه .. شوف يالغالي ركز معي انت الان انتظر وظيفة المعيد .. وخلال انتظارك 6 اشهر المقبله تبدأ بالبحث عن قبول - على أهبة الاستعداد اني اساعدك بالبحث - وتشوف لك التخصص الي تبيه والدوله ( ظني بتروح لكندا لاني اشوفك رازها فوق )

واذا ووووصل القبول تكون ان شاء الله متعين وتقدم على الابتعاث ( بتصير اسرع معيد يقدم على الابتعاث وتغطي علي )

هذا مجرد رأيي المتواضع .. طبعا استخر واستشر من ترتاح له ..

وفقك الله وكتب لك الخير من امرك .. اللهم امين ...

دمت بخير

وعليكم السلام ورحمة الله وبركاته ..

مبروك التعيين اخوي والله يوفقك ..

ان شاء الله يفيدونك الاخوان الموجودين في كندا ..

دمت بخير ..

السلام عليكم ورحمة الله وبركاته
شكرا اخوي معاند الجرح على تفاعلك الاكثر من رائع الله يوفقك في دراستك
انا بغيت اسأل هل من الممكن اكمال اجرائات الابتعاث بقبول معهد فقط لاني لم استطيع الحصول على قبول مشروط
انا من جامعة الملك سعود واريد قبول دكتوراه مشروط في امريكا
وشكرا

وعليكم السلام ورحمة الله وبركاته ..

هلا وغلا .. وعذرااا على التأخير في الرد وذلك بسبب كثرة الاشغال ( الله لا يشغلنا الا في طاعته )

ماعاش من يرد لك طلب يالغالي ..

طبعا نصيحتي انك تروووووح لامريكا وامريكا وبس .. والكل يعرف انك امركيا رقم 1 في العالم ..

احسن شي تسويه الان انك تبحث عن تخصصك ( بساعدك في البحث دووونت وووري ) وعلى ماتجهز اوراقك

محصل قبول وتطلع على هذا القبول والله يووووفقك ياارب ..

( ببحث لك عن تخصصك .. فقط عطني مهله وذلك بسبب كثره الطلبات .. وحاااضرين للطيبين )

دمت بخير ..

.............................

حياك الله اختي رايج .. اعتذر عن التأخير في الرد ..

انا بصراحه خلفيتي عن هذا الموضوع قليله .. ولكن اطلعي على هذا اللينك راح يفيدك ان شاء الله http://www.mbt3th.us/vb/forum16/thread135408.html

دمت بخير ..

............................

هلا اخوي Phd-cs

وعليكم السلام ورحمة الله وبركاته ..

طبعا يمديك .. ومدير جامعة الملك سعود نزل قرار الاسبوع الماضي بالسماح للمعيدين والمحاضرين بالابتعاث من

اجل دراسة اللغه فقط .. لحقققق عمرك يالغالي قبل ماينزل قرار ثاني ويهونووون .. تراك في ( نجد )

وفقك الله ويسر امرك ..

أول شي الف شكر للأخوان وفي مقدمتهم معاند الجرح

وعندي كم استفسار:

1-انا قدمت على وظيفة معيد وسويت اختبار ومقابله وقالو لي خلاص قبلناك بس روح سوي الكشف الطبي وسويت الكشف وراح اسلمه يوم الاحد الجاي السؤال : هل انا مقبول نهائي وكم المده واباشر العمل؟

2- هل يصرف بدل تعيين وكم يبلغ؟

3-يوم رحت شؤون الموظفين حصلت عالمكتب ورقة واحد معيد مكتوب فيها (تمت الموافقه على تعيينه معيد براتب 5700 وبدل النقل 600 ) وبس بالرغم من ان الجامعه ناشئه السؤال هل بدل الناشئه يكتب في ورقة التعيين ؟ او يصرف بدون كتابته؟



وشكراا