خاص باستفسارات المعيدين والمعيدات فقط.

السلام عليكم

عندي سؤال وياليت تفيدوني

زوجتي راح تبتعث إن شاء الله عن طريق جامعة الملك سعود لبريطانيا ,, كيف أقدر أنظم للبعثة؟ وكم تكون المكافأه قبل وبعد الإنظمام؟

سهل الله دربكم ,,ويسر أمركم أخونا معاند

اهلااختي
جميع المبتعثين يخضعون لنظام الجامعات الموصى بها من قبل وزارة التعليم العالي

بالنسبه للدول التي ذكرتيها ، آمل التأكد من قائمة الجامعات المسموح الابتعاث لها
في وزارة التعليم العالي

اتمنى لك التوفيق

=========

اختي يارب يسر آمري

تستطيعين التأكد من هذه الجامعه عبر الدخول لموقع وزارة التعليم العالي
بالنسبه للقبول ، اذا كانت الجامعه معترف فيها العمليه سهله جدا
ادخلي لموقع الجامعه وراسلي منسق القبول لديهم وسيطلب منك الاوراق
التي يجب عليك ارسالها عبر الايميل او الذهاب مباشره لدولة البحرين
وتسليم الاوراق مناوله ، اذا اردتي مكتب قبول ( ولا انصح به كون العمليه سهله )
ابحثي في الصفحات السابقه وستجدين عنوان مكتب " بعثه "

بالتوفيق

=========

اخوي مهندس صناعي

اهلا بك ، تستطيع الانضمام للبعثه من خلال المشرفه على زوجتك في الملحقيه السعوديه في بريطانيا
بالنسبه للمكافأه ( طبعا بعد الانضمام ولا اعلم ماذا تقصد بقبل الانضمام ) هي على حسب الدوله
http://www.mbt3th.us/vb/forum66/thread71844.html


=========

اخوي ابومنيرة

تستطيع الحصول على قبول من خلال مكاتب مثل مكتب " بعثه " او غيره
وعنوان هذا المكتب موجود في الصفحات السابقه ، فقط ابحث في ايقونة البحث .

كان ودي ابحث لك يالغالي بس المشكله ماعندي نت حاليا ، وجالس اتصل عبر الوايرلس حق جارتي
المكسيكيه وكل شوي تطفيه

بركب النت قريب ان شاء الله والله لايشكر فضلها


اخواني واخواتي ، يعلم الله كم انا مشتاق لكم جميعا ، ولكن كما تعلمون ماهي ظروف المبتعث في الخارج
ولكن كما قلت لكم من قبل لي عوده ويبقى " مبتعث " بيت الجميع

اتمنى لكل فرد من افراد مبتعث كل التوفيق والسداد
دمتم جميعا بخير

اخواني تكفون ابي المساعده0بالنسبه للمكاتب راسلت اكثر من مكتب على اساس الحصول على قبول ماستر صيدلانيات وللاسف اخذوا وقت طويل ومبالغ هائله وبدون اي فائده لذا ارجو المساعده لمن لديه خبره في قبولات العلوم الصيدلية

السلام عليكم ورحمة الله وبركاته

عندي سؤال اذا تكرمتوا

انا معيدة بجامعة الملك سعود ورح ابتعث لجامعة جنوب فلوريدا ان شاء الله

قبل كذا جاني قبول معهد تابع للجامعة من اجل دراسة اللغة


ولما وصلني الاي تويني بعد جهد , وبدت اوراقي تاخذ مجراها مجلس قسم - مجلس كلية ,,,, الخ

اكتشفت ان الملحقية اوقفت المعهد هذا بس الجامعة لسه معترف فيها

ف وش راح اسوي !!!!!!!

الله يرضى عليكم دبروني

اخوي ابو منيرة ,,

قبول مشروط في تخصص الصيدلانيات , صعب جداً خصوصاً اذا كانت درجاتك في التوفل او الجي ار اي
اقل من الحد المطلوب ,
وخذها مني وانا اخوك المكاتب ماراح تضيف لك شيء , استنزاف اموال و وقت على لاشيء ,,
وثاني شي الددلاين للكثير من الجامعات انتهى , فمالك الا انك تطلع لغه سنه , و اذا رحت هناك راح تكون على دراية كافيه بماذا يجب عليك فعله و اي الجامعات هي الانسب لك , توكل ع الله

اتمنى لك التوفيق ,,



blueberry.2008

ياهلا بك ,
الي اعطاك الضمان المالي لمعهد اللغه , هو الي يتحمل المسؤليه بالكامل , المفروض يكونون على علم بالتحديثات اول بأول الي تصدر من الملحقيه ,

لكن ما علينا ,

نصيحه مني يادكتوره ,لاتشتتين تفكيرك و لاتضيعين وقتك في جدالهم عن " ليش المعهد موقف " !
بحكم ان عندك وقت قبل موعد الدراسه القادم الي راح يكون في مارس ,
( لان اغلب معاهد الجامعات تبدأ في مارس )

الخطوات الي انصحك فيها :
1-تصدرين ضمان مالي جديد لجامعه اخرى معترف فيها وفيها تخصصك
( حبذا لو تكون جامعه في ولاية فلوريدا لانك واضح تبين فلوريدا ) .
2- ترسلين اوراقك للجامعه بنفسك وفي اقرب وقت , وبعد 10 ايام يجيك قبول اللغه ,

رأيي بتواضع


انا تحت امركم يادكاتره , بألي اقدر اسويه ,
وعندي استعداد اسأل بالجامعه ( الملك سعود ) لمن لايستطيع السؤال والذهاب الى هناك ,
امتداد للخدمات التي كان يقوم بها الاخ العزيز معاند الجرح
وكذلك بحكم التمغيط الي صقل فيني حب المراجعات و الخبره بهالامور ,

قبول اللغه موجود معي بس ادارة الجامعة رافضين ذلك يقولون لازم تجيب قبول مشروط في الصيدلانيات ونطلعك.والله انا في ورطه ومدري وش اسوي.

السويلم ,, يعطيك الف عافية ....

طيب تقدر لو تكرمت تسأل لي الجامعة عن هالموضوع !!

يعني انا كل اللي ابغاه هل المعهد موقوف او لا !!

لإنه صعبة ابدا الخطوات من جديد متى بيلقون لي مكان بمجلس الكلية

تحياتي لك

ابومنيرة ,

انا مدري انت بأي جامعه , لاني كنت اتكلم عن الجامعات التي تبتعث المعيدين سنه لغه ,
على العموم كم درجاتك في التوفل والجي ار اي ,
وايضاً هل انت قدمت على جامعات معينه ولا لا ,

blueberry.2008


عفواً يادكتوره بس لو تعطيني اسم الجامعه
انا بالجامعه الحين , وان شاء الله اسألك