خاص باستفسارات المعيدين والمعيدات فقط.

وأنا أيضاً اثبت أن بريطانيا موقفة بالنسبة لجامعة الملك سعود

حيث أنني معيد بجامعة الملك سعود وتم التقديم من قبلي ومن قبل زملائي على انجلترا واستراليا

وتم رفض طلبنا من قبل العمادة

وأصدروا خطاب للكلية بعدم الرفع للعمادة بأي طلب ابتعاث لبريطانيا لأنه موقفه

شكرا على ردك اخوي ( السويلم)
الله يسعدك ويفقك يارب

بخصوص الضمانات الماليه، انا شخصيا، بدون مبالغه خذت اكثر من خمس عشر ضمان مالي مختلف لجامعات أمريكيه وقدمت عليها مره وحده، فلا تشيلين هم، الموضوع جدا ميسر وبسيط وهم يتعاونون معك لأن هذي وظيفتهم، فيه موظف فقط يطبع ظمانات ماليه، فقط اكتب اسم الجامعه وعطيهياه في ورقه وراح يسجل اسمك اتوماتيكي عنده في السستم بحيث انك إذا جيت تطلب ضمان ثاني لجامعه مختلفه على طول يطبعها لك وانت واقف

بخصوص بريطانيا، أنا في أثناء مقابلتي الشخصيه للوظيفه، قبل سنتين، قالي رئيس القسم بالحرف الواحد " بريطانيا، استراليا ، كندا، مافيه انس الموضوع، ماراح نوديك ألا لأمريكا ما خرب جامعاتنا ألا اللي متخرجين من بريطانيا". هذا الكلام قبل ما يوقفون الأبتعاث بقرار اداري، فيبدو بأن هناك آكثر من عامل لوقف الأبتعاث غير موضوع التكدس، على العموم الله يوفق الجميع.

احممممم مبرووووووك معاند الجرح تثبيت الموضوع ولو انها جات متاخرة بس ما دخلت القسم من زمان ...

جزااااااااك الله خير اخوي ...

وعليكم السلام ورحمة الله وبركاته
حياك أخوي ..
بصراحه مافهمت سؤالك بالضبط ، عموما لو كنت تقصد الاختيار مابين الوظيفتين اقولك اتكل على الله وخلك على الاعاده وحتى لو كانت بتتأخر بعثتك ، بالنسبه للفيزا تبقى ساريه ، ولكن لازم تشعر السفاره بهذا الشي ، لاننهم راح يطلبون منك اوراق اضافيه بما انك على وظيفه حاليا مثل تعريف من العمل وكذلك الضمان المالي حق الجامعه ، بالنسبه للاي تونتي ، بما انك راح تغير وظيفتك ( فرضا يعني ) لازم تصدر اي تونتي جديد من نفس الجامعه الي راح تدرس فيها ان شاء الله ( طبعا كل كلامي هذا اذا كنت مطلع الفيزا علشان بعثات البرنامج ، اما لوكنت مطلعها عشان الاعاده فأمورك ماشيه تمام ) .
سرني تواجدك واتمنى لك التوفيق .


====

اختي المحاسبة الطموحة ، حياك الله اختي والله يبارك فيك ، وعودا حميدا ان شاء الله ..

اعتذر للجميع عن التأخر في الرد ، أشكر كل من تفاعل وتجاوب مع اخوانه وخواته ، وعسى الله

يوفق الجميع .

دمتم بخير وسعاده .

السلام عليكم //
لو سمحتو انا معيدة وان شاء الله بطلع ابتعاث
لكن بتاكد من شي سمعت انهم مايصرفوا راتب للمرافق لاكمال دراسته ؟؟!!او انهم مايلحقوا بالبعثة ؟؟ماني عارفة بس في شي يخص المرافق من ناحية انو مايدرس
فهل هذا الشي صحيح يعني هم يقولو انه نظام جديد بس الله يسعدكم ابغ احد يجبلي خبر اكييييييييد وفي اسرع وقت بلييييز محتاجة الرد ضروري سرييييع وجزاكم الله خير الجزاء

هلا اخوي ..
انا ماعندي خلفيه كامله عن امكانيه تحويل البعثه كما تفضلت ..
ولكن اعتقد انك لازم تلغي البعثه الحاليه ، لانك اذا انقبلت كمعيد ، لازم اوراقك تمر على مجلس الكليه واذا وافق المجلس على تخصصك والدوله الي راح تبتعث لها يرفعون اوراقك لمجلس الكليه ، في حال وافق مجلس الكليه ترتفع اوراقك للجامعه .
بالنسبه لقبولك الحالي ، اذا وافقوا الكلية الي تتبع لها كمعيد على تخصصك فهنا مايحتاج تغير الجامعه ( الي راح تبتعث لها ان شاء الله ) ولكن راح يلزمك تشعرهم بأنك مبتعث حكومي ومن خلال وظيفة .
عموما .. انا زي ماقلت لك اخوي ماني متأكد ، ولكن اذا تعرف اشخاص حولوا بعثتهم ممكن تستفيد من خبرتهم والطريقة الي حولوا فيها البعثه ، وياليت لو تفيدنا عن الطريقة لو فعلا كانت متاحه .
اتمنى لك التوفيق .


========

اختي صدى الاحساس2020
المرافق يصرف له مكافأه ويحق له الدراسه .
اتمنى لك التوفيق .

سلام

الآن ياشباب متى يتم خصم راتب المعيد الى راتب البعثه .؟

هل هو عندما يتم تسجيله في الملحقيه في بلد الابتعاث .. يعني بعد ماترفع الملحقيه اوراقه الى الجامعه .؟
او
انه يتم حسم الراتب من بداية تاريخ الدراسه .؟

لأن الاخوان في الاداره يعطون معلومات غير اكيده .. بعضهم يقول كذا و بعضهم كذا ..؟

مثلاً بداية دراستي تكون في تاريخ 4 / 6 " هجري ".. وموعد وصولي للمحلقيه 18 /5 " هجري ".. هل يحسب لي راتب شهر 5 من الجامعه او لا ..؟

نبي واحد مجرب .. يعطينا الخبر الاكيد .؟

السلام عليكم,,

عندي سؤال والله يجزي اللي يرد خير
متى يتم تثبيت المعيد؟
هل يحق لرئيس القسم الاستغناء عن المعيد في السنة الأولى بحكم انها تجريبية؟
ماهي اجراءات ترسيم المعيد؟