خاص باستفسارات المعيدين والمعيدات فقط.

يتم تثبيت المعيد تلقائيا بعد مرور سنه على صدور عقد العمل

ويحق لرئيس القسم يستغني عنك في حالات نادره جدا
مثلا انك ماتداومين ابد او رافضه العمل اللي انتي مكلفه فيه او سربتي امتحانات يعني امور كبيره شوي ونادره الحدوث

هذا على حسب خبرتي معيده لمده 3 سنوات

واجراءات ترسيم المعيد
اذا كنتي مستلمه قرار تعيينك وصدر لك رقم وظيفي بيكون كذا مافيه اي اجراء تسوينه يعني خلاص تعتبرين رسميه مالم يصدر منك امر يستدعي الاستغناء عنك..

ودعواتك

وعليكم السلام ورحمة الله
يتم خصم راتب المعيد اذا رفعت الملحقيه للجامعه انه وصل لها وفتح ملفه .
بالنسبه لي ابتعثت ونزل لي راتبي في السعوديه ( بعد ابتعاثي 23 يوم ) وكذلك استملت المكافأه من الملحقيه .
الشهر الي بعده نزل لي نصف راتبي الاساسي فقط ، أما هنا في بلد الابتعاث فتنزل لي المكافأه على تاريخ 25 ومرات ينزلوها بتاريخ 22 او 23 هجري ، امورك طيبه بس اطلع يالغالي .
موفق خير .

ممكن تشرح لنا الاجراءات لما وصلت امريكا؟هل يختلف المعيد عن المبتعثين تبع البرنامج ام انها نفسها ولو في اختلافات ممكن توضحها ؟
شاكرة لك مقدما

عندي استفسار بخصوص التقديم على الجامعه ؟؟
اذا كنت بقدم على جامعه وناويه ادرس اللغه في نفس معهد الجامعه هل اقدم طلب قبول مرة للجامعه ومرة للمعهد ؟
ام ان الحصول على قبول مشروط من الجامعه يعني قبول في معهدها؟؟
وتاريخ بدايه الدراسه هل يكون لبدايه دراسه اللغه ام بدايه الماستر
وشاكره لكم حسن تعاونكم وجزاكم الله عني خير الجزاء

اهلا .. اذا سافر المبتعث عن طريق الخطوط السعوديه راح تستقبله الملحقيه اوردي ، خلال الرحلة راح تعبي
نموذج i-94 نموذج سهل للغايه ، ، عند الوصول على خير ان شاء الله راح تاخذ الاجراءات مايقارب الساعتين
والعمليه مسهلة جدا ، بشيكون على اوراقك بعدين بتروح لمنطقة تجمع الطلاب القادمين لامريكا لاول مره فقط ،
راح تنتظر تقريبا ساعه وبعدها راح يختم جوازك وراح يسألك موظف الجوازات اسئله عاديه مثل : اي مرحله راح تدرس ، اي جامعه ، عنوانك بالسعوديه ، تعرف احد في امريكا ، بعدها بياخذ لك صوره ويعطيك ملف فيه جميع الانظمه الي تحتاجها في امريكا ، ويعدها تطلع تلاقي موظف الملحقيه رافع لوحة مكتوب عليها ( سفارة المملكة العربية السعوديه )
راح ياخذون الطلاب جميعا للفندق ، طبعا انت تدفع ، الليله ب 70 دولار وتقدر تسكن مع احد من الطلاب المبتعثين معك اذا حبيت وتخففون عن بعض ، بعد كذا راح يرجعون موظفي الملحقيه في الصباح وراح يسوون لكم ملفات الملحقيه ولازم تكون اوراقك معك ( خذ كل شي ) ولا تنسى الصور ، بعدها بياخذونكم الصباح للملحقيه وراح يعلمونكم كل شي ، وراح يسوون لكم تأمين طبي ويعطونكم الضمان المالي ( غير عن حق الجامعه المبتعث من خلالها ) وكذلك راح يصرف لكل طالب بطاقة الملحقيه ، وبيعلمونكم تفاصيل كثيره ومهمه مثل حساب البنك وبعض انظمة الولايه الي راح تروح لها ان شاء الله ، بشكل عام الموظفين متعاونين مره ومتفهمين .
كان معنا طلاب من برنامج خادم الحرمين للابتعاث ، وكانت اجراءاتهم مثلنا ومافي شي تغير .
بعد كذا تتوكل على الله وتروح لولايتك ، يفضل انك تتصل بالطلاب السعوديين او النوادي السعوديه الموجوده في اغلب الولايات ، وبالغالب راح يستقبلونك ويزينون الامور باذن الله وراح يساعدونك في فتح حساب البنك ( حساب طالب )
وكذلك افضل شركة للجوال ، بعد ما تستقر الامور راح تبدأ الدراسه وراح يعلمونكم الجامعه كل شي وبالغالب ياخذونكم برحله حول الجامعه ويعرفونكم بمرافقها .
وبعدها تسمي بالرحمن وتبدأ دراستك ، وما اقول الا الله يوفق الجميع ، بالنسبه للكتب لا احد يتوهق مثلي ويشتري كتب جديده ، خذ اسم الكتاب الي تبيه ورح اشتره من الكتاب المستخدم ( تلاقيه نظيف مره ، مو مثل اغلب كتبنا المستخدمه ) وسعرها يكون زين مره .

الله يوفقك الجميع ويسهل اموركم ياكريم ..


===================

اهلا اختي ستايرين ، اذا كان المعهد موجود في نفس الجامعه ماتحتاجين تقدمين طلب آخر ، القبول المشروط يكون شامل كل شي زي ماحصل معي .
اما بالنسبه لتاريخ بداية الدراسه ، المعهد راح يبلغك بتاريخ بداية الدراسه ، وتاريخ بداية درساة برنامجك تلاقينها في القبول المشروط .

الله يوفقك ويسهل امرك .

جزاك الله خير اخوي .... معااند الجرح
ربي يسهل أمرك ويفتحها في وجهك ويسخرلك الطيبين من خلقة
وشاكره لك حسن تعاونك معنا

بغيت اسأل عن القبول ؟؟ الحين لي شهر ونص انتظر قبولي للماستر والى الحين ماجاء
كل مرة اسألهم عنة يقولوا ان القبول المشروط يتطلب اجتماع مجلس الكلية حتى يعطونا رد وانهم الى الحين مااجتمعوا
و في البداية الجامعة ارسلت لي قبول مبدئي لكن احس انهم تأخروا ... وانا ماعندي خيار الا الجامعة هذة لأن مرافقي يدرس بها
احد صار معة كذا ؟؟
وجزاكم الله خير الجزاء ...

اهلا اختي ..
عادي جدا التأخير ، واذا فعلا قالوا لك ان اعضاء القسم لازم يجتمعون فمالك الا تنتظرين ، الي راح ماهو اكثر من الي جاي ، وان شاء الله بيجيك قبولك لا تخافين ، بما انهم وافقوا على اوراقك ووصلت للقسم المختص اقدر اقولك الف مبروك القبول مقدما << تراني متفائل جداً
واذا وصلك القبول ياليت تعطيني خبر ..
الي اشوفه مناسب انك ترسلين ايميل لقسم القبول وتستفسرين عن طلبك وراح يردون لك بسرعه ان شاء الله ، اغلب
الجامعات الامريكية تعاملها سريع للغايه ، الله يوفقك ويسهل امرك .. امين

الله يوفقكـ اخ معاند وين مارحت وييسر لك جميع امورك . . ماقصرت يعطيك العافية

طمنتني الله يطمنك دوووم
بصراحة بعثت بنفسي التفاؤل بعد ماكنت اعتقد انهم طنشوني واذا على الانتظار راح انتظر اهم شيء يعطوني القبول
وان شاء الله راح اسوي مثل ماقلت لي واسألهم ...
واذا جاء القبول ابشر راح اخبرك ..


شاكرة لك حسن تعاونك أخوي ,,,,

السلام عليكم.......
كيفكم...يامعيدين ومعيدات...
باركولي تم بحمدالله قبولي معيد ....
وناوي أبدأ في اجراءات الابتعاث....
أنا عندي قبول معهد من أول يوم كنت مسجل في برنامج الملك للابتعاث...
والجامعة وافقت على هذا القبول....
لكن هل هناك أي مشكلة في أن يكون أستخدم هذا القول في ابتعاثي من قبل الجامعة...
في حال ابتعثت فمن سيعطيني الضماض المالي الجامعة أم الملحقية....
ومن سيدفع تذاكر السفر....
.........
أتمنى من أي واحد يقدر يساعدني لأني عني استفسارات ويتصل على جوالي O556663O55
أو يرسلي رقم جواله على الخاص....
الله يخليييييييييييييكم