خاص باستفسارات المعيدين والمعيدات فقط.

الله يعافيك اختي ..

افضل شيء تطلعين على قبول مشروط ، وتدرسين في معهد الجامعه .
هذا أفضل شيء ممكن تسوينه .
بالنسبه للجامعه ممكن تمشي اوراقك عادي ، لكن كثير من الي طلعوا على قبول لغه فقط احتاروا بعد نهاية سنة اللغه
وبعضهم ماحصل قبول فاضطر انه يرجع للسعوديه .
نصيحتي لك اختي اطلعي على قبول مشروط وحتى لو تأخر شوي بالرد .
بالنسبه للجامعه في امريكا اذا قالولك من 4- 6 شهور فهو كثير مره ، حاولي تراسلين جامعات ثانيه
وتستفيدين من الوقت .
بالتوفيق ..

وعليكم السلام .. اهلا اختي ..

صراحه انا ماسبق ومر علي نفس مشكلتك ، لكن عموما ترى تعامل الملحقيه مع الجامعه سريع جداً ..
خليك متفائله دائماً وأنا واثق إن شاء الله انك اول ماتخلصين دراسة اللغه راح يرسل لك خطاب الابتعاث للماستر ..
دعواتي لك بالتوفيق ..

السلام عليكم اخواني

بصراحه انا مررررررررره محتاره

احد يفهمني دراسة اللغه في بريطانيا <<<<<<<<< بجد مافهمت شي :|

انا مبتعثه من جامعة الملك سعود
وحابه ادرس لغه + ماستر

بس المشكل انو مامعي نتيجه اختبار ايلتس يعني مبتدئ في اللغه

كلمت جامعتي قالو نعطيك ضمان مالي لمعهد تابع لجامعه <<< طيب المعاهد اللي تابعه لجامعه ماتقبل مبتدئين !!

يااااااااااااربي

وش الحل ؟؟
طيب نفرض اني طلعت ومشيت اموري على معهد غير تابع لجامعه لكن معتمد
كيف اطلع الفيزا <<<< شوي وانهبل

ساعدوني بلييييييييييييز

يااختي وش سالفة سعود ماتقبل الا بمعهد تابع لجامعة ؟
احنا عادي نطلع على اي معهد معتمد وخلاص وحتى مايطلبون منا لا قبول جامعة ولاحتى مشروط
اللله يسهل لك وفعلا بريطانيا ماتقبل مبتدئين بمعاهدها ... الله يسهل لك
مالك الا انك تروحي امريكا على كذا

مشكوره اختي

بس انا مضبطه وضعي كله على بريطانيا حتى المحرم


<<<<بس الحين انا وش اسووووووووي

وربي ترحموني

السلام عليكم

أرجوكم عندي استفسار بخصوص وظيفة المعيد بمعهد الادارة
الحمدلله اجتزت المقابلة وتم قبولي معيد بالمعهد
ولكن عندي استفسار بخصوص نظام الاجازات والبدلات لان على حدي علمي انه مختلف تماما عن الجامعات
واللي سمعته بعد انه ما نبتعث الا بعد سنتين وفي حالة التاخير يتحول المعيد الى موظف إداري بالمعهد

افيدوني الله يخليكم لان قبولي بالمركز الرئيسي بالرياض وانا من المنطقة الشرقية ومتردد نوعا ما

الاخ معاند الجرح
الله يسعدك وينولك اللي في بالك

وعليكم السلام ورحمه الله ..

مو كل الجامعات ماتقبل المبتدئين في اللغه ، اتمنى تستفسرين من الجامعه الي راح تبتعثين لها ان شاء الله ..
الأمر بسيط جدا ، عموما في بعض الزملاء لي طلعوا من السعوديه مايعرفون شي باللغه ودرسوا في معاهد
تابعه لجامعات بريطانيه وامورهم طيبه ولله الحمد .

الامر الي نتكلم عنه في الاعلى هذا امر اسثنائي وخاص بالاخت الي سألت السؤال وعن جامعتها الي اختارتها ..
يعني في جامعات بريطانيه كثيره تقبل المبتدئين في اللغه .

========


وعليكم السلام ورحمه الله

اهلا اخوي معيد بمعهد الإدارة

اول شي الف مبروك قبولك كمعيد ، وشايف على وجه الوظيفه كل خير إن شاء الله ..
بالنسبه للاجازات وخلافه ، انا حاليا ماعندي اي فكره عن تشابه الانظمه مابين اعضاء هيئة التدريس في
الجامعات ومع الاداره ، ولكن اعتقد بأن هناك تقارب كبير ( كنظام الخدمه المدنيه ) بين المعيد في الجامعه والمعيد
في معهد الاداره وخلافه .
أتمنى منك أخي الكريم سؤال رئيسك المباشر او ادارة الموارد البشريه وراح يفيدونك عن جميع استفساراتك باذن الله .


=============

اختي master2009

مشكوره ، والله يجزاك خير .





الله يوفقك الجميع ويسهل أمورهم .. آمين .

السلام عليكم ورحمة الله وبركاتة ....
الله يعافيك اخ معاند انا كنت انتظر القبول وسبق استفسرت عن تأخر قبولي مدة شهرين اللي صار معي أن الجامعة ردت علي بانها تشترط اختبار GRE والرد ماجاء إلا بعد كل هالفترة لانهم قالوا أن القبول المشروط مايطلع إلا بعد اجتماع مجلس الكلية >>>> يعني ضيعوا وقتي على الفاضي

حاولت ادور قبول مشروط ببعض الجامعات بس للأسف كل مأسالت يطلبون هالاختبار ....

فاذا ماعليك كلافة اخ معاند ...

ابي اي جامعة تعطي قبول مشروط , ماستر فيزياء بدون اختبار GRE مع العلم اني خريجة كلية تربية علمية يعني دراستي مواد تربوية الى جانب مواد التخصص ,,
وما ادري اذا كانت دراستي بكلية التربية هي اللي تجعل الجامعات تطلب اختبار GRE او ان هالشيء ماله علاقة ؟؟؟!!

بصراااحة ما ادري وش اسوي بعد ماكنت اعتقد اني خلاص انتهيت القى نفسي بديت من جديد ....احس اني ضايعة وماادري من وين احصل هالقبول ...
آآآآآآآآآسفة جداً على الاطالة >>> ادري اني طولت عليك بس لاني ما ادري وش اسوي قلت كل اللي صار معي .
اسأل الله لك التوفيق والسداد ...

السلام عليكم ..

الأخ معاند الجرح جزاك الله خير على تعاونك ..

أبغى أتأكد بس متى يخصم راتب المعيد بعد ابتعاثه .. يعني أول شهر و لا ثاني شهر و كيف يحسبونها .. يعني أنا طلع قرار ابتعاثي مثلاً في بداية شهر محرم و سجلت في الملحقية برا بنص الشهر .. فراتب الشهر كم ينزل ؟؟ و هل يعتبر هو أول شهر لي ؟ و لا الشهر إلي بعده ؟؟

الله يعطيك العافية ..