خاص باستفسارات المعيدين والمعيدات فقط.

السلام عليكم ورحمة اللله وبركاته
انا حضرت الماستر لكن مشكلتي اني معيدة بتخصص البكالوريوس واريد اكمال الدكتوراة بتخصص الماستر
لكني لا اعلم طريقة التحويل من كلية لكلية داخل الجامعة وما هي القواعد لذلك وهل يكون بعمل اختبار ام مجرد نقل اوراق؟ وهل تاخذ وقت؟ ومن اين اقوم بالتحويل ارجو لكل من لديه اجابة لاستفساراتي التكرم بمساعدتي
مع خالص تحياتي
همسات

ممكن اعرف اقصى مدة للحصول على قبول مشروط ؟؟
ليا شهر و اسبوع مقدمة ع ohio university وحتى الان لا رد
هو ايميل ارسله للمكتب انو ناقص توصية و ارسلتها لهم و ايميل تاني مكتوب فيه 2011 ؟؟؟
ما اعرف ايش المقصود فيه الماستر يبدء2011 او اللغة ؟؟؟؟؟؟
هل صحيح انه الجامعات دحين ما تقبل اوراق الطلاب الدوليين الا في فبراير ؟؟
واذا ماستر يبدء 2011 متى ابدء لغة ؟؟؟
اكنسل الجامعة و ادور ع جامعة تانية ؟؟؟

ايش الفرق بين المرافق و الدارس ع حسابه الخاص ؟؟؟ ( اتمنى اجابة شافية تعبت من كثر الكلام )

هلا اخوي ..

جميع المبتعثين لهم تذكره واحده فقط في السنه ، يتم احتساب هذه السنه من بداية دخولك لبلد الابتعاث ..
اما بالنسبه لمن يرجع للملكه كل ستة اشهر فهذا يرجع على حسابه ، اعتقد فيه خصم للطلاب 50% على
رحلات الخطوط السعوديه فقط ، أنا حاليا بصدد الحجز للعوده للمملكه ، ولكن ماتوفرت عندي المعلومات الكافيه
عن قيمة التخفيض .
موفق خير أخوي ..



=========
اهلا اختي همسات حب ..

اذا وافقت الكلية التي تريدين الانتقال لها ووافقت الكلية التي تعملين بها حاليا ، فالعمليه سهله جدا ولا تأخذ وقت ..
( يجب حصولك أولا على موافقه الكلية التي تريدين الانتقال لها ، بعد حصولك على الموافقه من هذه الكليه تكتبين
خطاب لكليتك الحاليا وترفقين معها خطاب الكلية التي ترغبين الانتقال لها ، طبعا راح تعرض اوراقك على مجلس القسم اولا ومنه الى مجلس الكليه ثم تنتقل اوراقك لشؤون الموظفين بالجامعه )
موفقه إن شاء الله ..

========


اهلا اختي غيمة عطر ..

دراسة الماستر راح تبدأ عندك في عام 2011 ان شاء الله ، اللغه راح تدرسينها قريب ان شاء الله ( اعتقد راح تبدأين
الدراسه خلال 3 أشهر من الآن )
عموما ارسلي ايميل للجامعه واطلبي استفسار عن اوراقك وراح يردون عليك ان شاء الله .
بالنسبه لقبول الطلاب الدوليين ماله علاقه بالتاريخ ، ممكن تتحصلين على قبول من الان على 2011 او 2012
بما ان اعضاء القسم مداومين فهم من يبت في امر الطالب وهم من يمنحه القبول ..
بعض الاحيان يتأخر الرد وذلك بسبب قلة اجتماعات مجلس القسم المتقدم له الطالب ( طالب دراسات عليا ) ..
كذلك في بعض الجامعات كهارفرد وغيرها من الجامعات الكبيره شيء طبيعي تتأخر الى 6 اشهر او الى سنه حتى ..
عموما اعتقد الرد بيجيك قريب ان شاء الله ، عليك بالاستغفار وان شاء الله ربي راح يسهل امورك ..
بالنسبه للبحث عن جامعة ثانيه فهذا خطأ يقع فيه الكثير من الطلاب ، لانهم يراسلون جامعه واحده بس ، وبعد شهرين او ثلاث اشهر يمكن حتى مايجيه الرد ويصير وقته ضاع ، المفروض تراسلين كذا جامعه من البدايه ، عموما من خلال الرد الي بيجيك تقدرين تحكمين ووقتها تقررين هل تقدمين على جامعه ثانيه ولالا .. عموما الصبر طيب ..

اما بالنسبه للمرافق ، هو من يرافق المبتعث من قبل البرنامج او احدى الجامعات السعوديه ، يكون له مكافأه تقريبا 900 دولار ، يستطيع الدراسه بارت تايم ( فيزا F2 ) او فل تايم ( فيزا F1 ) ، بمجرد حصوله على فيزا F1 يستطيع اكمال دراسته وكذلك يستطيع الانفصال عن بعثة من كان يرافق معه ووقتها .. طبعا اذا صار يدرس بفيزا F1 تنزل له مكافأه مثل المبتعث المرافق معه ( 1847 دولار ) .
الشخص الذي يدرس على حسابه فهو ملزم بدفع كافه التكاليف الدراسيه والمعيشيه داخل بلد الابتعاث ، يحق له الانضمام للبعثه اذا استوفى شروط الانضمام ، بنسبه كبيره جدا تم ضم الدارسين على حسابهم الخاص .

موفقه خير ان شاء الله

السلام عليكم ورحمة الله وبركاته
عندي سؤال بخصوص المرافق ياليت محد يبخل علي
انا مرافقي هو ابوي بس انة ما راح يدرس
ولا راح يجلس معي فترة الابتعاث كلها
يمكن سنة او اقل
في هذي الحالة هل يوجد مشكلة او لا من قبل الملحقية او السفارة او اي شئ؟
لاني خايفة ان لازم مرافق يكون جالس معي فترة الابتعاث كلها وانا ماعندي مرافق

جزاكم الله خير الجزاء

السلام عليكم ورحمة الله وبركاته
اشكرك على ردك اخي معاند لكن هل لاكمال الانتقال يتوجب علي خوض اختبار للكلية المراد الانتقال اليها؟
كما اني لم احصل على وثيقتي بعد هل يمكنني رفع الخطاب بدونها؟ او يمكن استخدام قرار القسم بالتخرج؟
لاني اريد التاكد قبل اي اجراء لصعوبة مزاج رئيس الكلية التي اتواجد فيها الان
مع خالص شكري

اهلا اختي ..
كنظاما ، يتوجب على المرافق للمبتعث البقاء معه طيلة فترة الابتعاث ، ولكن في حال رغبته الرجوع للمملكه يستطيع
ذلك ولكن بدون علم الملحقيه .
زميلي مرافق مع زوجته ثم عاد للمملكه لمدة 6 أشهر بدون علم الملحقيه ، والان عاد مره اخرى لامريكا والامر عادي جدا .
احرصي اختي على عدم علم الملحقيه برجوع مرافقك ، وفقك الله وحفظك أينما كنتي .

==========

اهلا اختي همسات حب

ما اعتقد راح يكون هنالك اختبار ، ولكن ماني متأكد من معلومتي والله ..
أتمنى تتصلين على الكلية التي تريدين الانتقال اليها وتحدثي مع المسؤول المختص .
الله يوفقك ويسهل أمرك ياكريم .

اخوي معاند الجرح

هل من الممكن ان يصدر قرار التعيين مع بداية الاجازة الصيفية وبالتالي ينزل الراتب اثناء العطلة؟؟؟

اهلا اخوي ..

اذا نزل قرار التعيين يبدأ من تاريخه احتساب بداية الراتب ، بحيث اذا نزل مثلا قبل الراتب بخمسة ايام فيصرف مع
نزول الرواتب راتب خمسة ايام فقط ، كذلك يصرف بدل تعيين للمعيد اعتقد خمسة الاف ريال .
بالنسبه لبدل التعيين يتم صرفه كاش في الجامعه واجراءاته بسيطه جدا .

بالتوفيق اخوي ..

اهلا اخوي معاند
شكرا على المجهود اللي تبذلة والله يفرج عليك مثل مافرجت علينا
بس حبيت اسأل جامعة الملك سعود ترضى بالابتعاث لاستراليا والا لا ؟
ابغى احد رفع اوراقه ووافقوا له يطلع لاني عجزت القى في امريكا جامعة تعطيني قبول مشروط بتخصصي .
والله مرررره تعبت لي 7 شهور وانا ابحث .

اهلا اختي ..
تستطيعين الابتعاث الى استراليا ، وعلى حد علمي بأنه لم يصدر قرار بمنع الابتعاث الى استراليا ..
عموما اكتبي لي اسم تخصصك وبحاول اشوف لك هنا في امريكا وعسى الله يسهل الأمور .
دمت بخير .