خاص باستفسارات المعيدين والمعيدات فقط.

فعلا انا سمعت انهم شديدين في النظام بعكس الجامعات فيها مرونه

غير انهم يعينون على سلم المدرسين المستوى الخامس ولما تجيب الماستر يحطونك على السادس

ولو نظرنا لها نظره ماديه ...سلم رواتب اعضاء هيئة التدريس اعلى من سلم المدرسين


لكن بالاخير تبقى افضل من المدرسين بالمدارس كونها تضمن لك الحصول على الماستر في خارج المملكة والتطوير الوظيفي والعلاقات


اتمنى اني افدك

هلا اخوي معاند الجرح

حبيت اسال اذا تعينت في جامعة وقدمت على على جامعة ثانية واجتزت الاختبار والمقابلة ورشحت هل اذا رفضت الجامعة اللي انا فيها انتقالي الى الجامعة الثانية اقدر اقدم استقالتي منها وبعدين اتعين بالثانية........

أخوي المرحلة الخامسة أسمحلي أجاوب على سؤالك بالرغم من أنه موجهه للاخ معاند الجرح

لكن قرار الاستقالة ماانصحك فية أبدا" لانه حسب نظام الخدمة المدنية عند الاستقالة من وظيفة حكومية لا يحق لك التقديم على وظيفة اخرى الا بعد مرور 6 أشهر وهنا تكون ضيعت الفرصة الالولى والثانية عليك
لكن ونصيحة من أخت لك لوجه الله تعالى أفضل حل عندك هو الاستخااارة والوظيفة الي تمشي امورها معاك قدم عليها وتوكل على الله

ما قصرتي اختي ستارين

على كذا ما في الا الكفاح من اجل الحصول على الموافقة للانتقال الى الجامعة الاخرى.....

والله يعين

السلام عليكم ..
بدايه اعتذر عن التأخر في الرد ، ومشكوره اختي ستايرين والله يوفقك دنيا وآخره ..
كفيتي ووفيتي بردك ..
اخوي المرحله الخامسه ، الله يوفقك ويكتب لك الخيره من أمرك ، آمين ..
دمتم بخير .

مارأيكم أخي الفاضل بالدراسة في أمريكا .. لغة و دراسات عليا ..

أنا مبتعثة في بريطانيا لدراسة الدكتوراة و حالياً فيها أدرس اللغة .. و حصلت على قبول مشروط من أمريكا ..

و أفكر بجدية بالتحويل .. مارأيكم ؟ و هل أمر التحويل ممكن؟ و هل ممكن مساعدتي بصياغة أسباب التحويل بحكم تجربتكم في أمريكا ؟

طيب خطاب القبول من المعهد و الجامعة ما كاتبين فيه مدة الدراسة .. بس مثلاً : خريف 2010 ..
يقولون لأننا مانعرف كم المدة إلي تحتاجينها لاجتياز معهد الجامعة .. فهل هذا يمشي مع الجامعة ..؟

و جزاكم الله خير ..

اهلا اختي ..

انصحك بالتحويل لامريكا ، وأمر التحويل ممكن ولكن يجب أن تكون الأسباب مقنعه . وهذا أمر أعتقد انه في صالحك كون أن توجه الدوله الأول هو أمريكا ثم كندا .
من الأسباب المقنعه في التحويل هو ترتيب الجامعات على مستوى العالم ، أو الظروف الصحيه أو النفسيه في بلد الابتعاث ، وأن الطالب خلاص ماعاد يقدر يتحمل وجوده في هالمدينه ، والأسباب كثيره ، ولكن أهم شي موافقه مرجعك أو القسم الي ابتعثتي منه .
بالنسبه للجامعه في امريكا ، أول ماتجين لهم بيسون لك اختبار المتشيقان لتحديد مستواك وبناء عليه تتضح المده .
اختي الكريمه .. كونك فكرتي بس مجرد تفكير في التحويل والله اني احييك على هذا القرار الجرىء ، اغلب البنات يبون بريطانيا عشان اقل مده وبس .
الله يوفقك وييسر أمرك

لو سمحت أخي الفاضل معاند الجرح,

بغيت أسأل عن البدلات التي تعطى للمعيد بعد الابتعاث..

هل يعطى بدل سكن و بدل نقل أم يدفعها من نصف الراتب المتبقي وهل يحسم التقاعد من كامل الراتب ام من نصفه؟؟

وكم تكون المكافأة للمعيد المبتعث لكندا؟

ولكـ جزيل الشكـــــر

حياك اختي ..
جميع البدلات تنقطع عن المعيد المبتعث ، فقط يصرف له نصف راتبه الاساسي ( ويخصم منه التقاعد )
بالاضافه الى مكافأه بلد الابتعاث ..
بالنسبه للمكافأه في امريكا يصرف للمعيد مايقارب 1850 دولار .. وما ادري والله كم في كندا ..
لكن عموما اعتقد انها اكثر بقليل ..
الله يوفقك وييسر أمرك ..

اخوي معاند

ودي اعرف راتب المعيد مع البدلات في جامعة الملك سعود تخصص لغة انجليزية؟