خاص باستفسارات المعيدين والمعيدات فقط.

العفو أخي الكريم
انا من رايي انك ترسل الخطاب اول وتنتظر الموافقة لانه حسب كلام بعض الاخوه هنا ان الرد مايطول يكون خلال ايام
وبعدها عبي الابليكيشن لانه اذا عبيت الابليكيشن راح تدفع رسوم التسجيل فاذا ماكان عندهم قبول مشروط راح تخسر فلوسك .
وأتوقع أن الاخ معااندالجرح انه يفيدك اكثر بحكم التجربة ، لاني انا الى الان لم أبدأ بمراسلة الجامعات.
ولكن هل اخذت الضمان المالي من الجامعه الي تعمل فيها لكي تستطيع مراسلة الجامعات او لا ، إذا لا فلن تستطيع احضار القبول النهائي الا بالضمان المالي في هذة الحاله تراسل الجامعات وتأخذ قبول مبدئي وبعد المباشرة تأخذ الضمان المالي من جامعتك وترسلة للجامعه في الخارج ويرسلون لك القبول النهائي .
أتمنى اني اكون قدمت لك مايفيدك .
دعوااتك لنا أخي الكريم...

بالنسبه للضمان المالي ... باقي ما أخذته
وانا في بالي اني احصل على قبول مبدئي أو على الاقل اعرف الجامعة بتعطيني قبول مشروط
ام لا وبعدها بأبدى بالمراسله الفعليه
على العموم ... الف شكر لك ستايرين ... والله يوفقك .. وان شاء الله تحصلين قبول في اسرع وقت
ومنتظر رد الاخ معاند الجرح .. وباقي الاخوان

هلا اخوي حياك الله ..

بداية الف مبروك وظفيتك وعسى الله يكتب الخير ويبارك لك فيها ..

الجامعات التي توفر القبول المشروط كثيرة جدا .. واذا كنت ترغب في الحصول على قبول مشروط
يجب توفر الضمان المالي والسيرة الذاتيه وخطاب التوجهات والاهداف بالاضافه الى متطلبات القسم
المتقدم اليه ( وغيرها من المتطلبات التي تم ذكرها والموجوده في صفحات الموضوع ) .
في حال انك حصلت تخصصك في جامعه مناسبه لك ، تبدأ في مراسلة القسم والاستفسار المبدئي عن التخصص
والمقررات التي سوف تدرسها ( الخطه الدراسيه ) .
بعد توفر جميع متطلبات القبول ، تبدأ بطباعة الابلكيشن الخاص بالقبول وتعبيه وترفق معه جميع متطلبات القبول
وتضعها على ملف PDF وترسلها على ايميل قسم القبول وتنتظر الرد ، وغالبا الرد يكون خلال شهرين او اقل
ان شاء الله باستثناء بعض الجامعات الكبيره .
في حال وجود نواقص في بعض المستندات سوف يبلغك قسم القبول بالنواقص لاكمالها .

أ تمنى لك كل التوفيق والسداد .
دمت بخير .

الف شكر لك .. واتمنى لك التوفيق في دراستك

اهلا بالمعيدين و المعيدات

ياليت تفيدونا بما يلي

ممكن انه المعيد يحصل على قبول بنفسه ( على حسابه)
ثم يقدمه للجامعة وذلك اختصارا للوقت
ام الافضل ان يحصل على موافقة الجامعة اولا وياخذ منهم الضمان المالي

مشكورين و موفقين

اختي العزيزة من الافضل ان المعيد او المعيدة يطلب من قسم الموارد البشرية في اي جامعة سعودية الضمان المالي

ولابد ان تكون هذه الجامعة معترف بها من قبل وزارة التعليم العالي حتى تتم الموافقة والحصول على الضمان المالي

وبالنسبه للضمان المالي ياخذ حالا ولايحتاج فقط الا تعبئة نموذج خاص وصورة من جواز السفر وطباعة قائمة

بالجامعات المعترف بها في اي تخصص كان وبالامكان الحصول على اكثر من ضمان مالي هذا ما حصل معي في

جامعة الملك سعود . ووفقك الله لما يحبه ويرضاه

نسيت نقطة مهمة الا وهي الحصول على قبول بنفسه نعم اذا المعيد لا يعرف كيفية التقديم على الجامعة فلا بد منه التقديم عن طريق احدى مكاتب المراسلات . ,الضمان المالي مطلب اساسي في حالة التقديم على اي جامعة .

السلام عليكم ورحمة الله وبركاته

التوفل هاجس الطلبة المتعثين للولايات المتحدة

واتوقع انه من المرحلة الثالثة وانت طالع يعانون من مشكلة كبيرة والسبب فيها الملحقية ووزارة التعليم العالي

وهي انهم وعلى الرغم من كبر الولايات المتحدة الا انهم حصرو الطلبة السعوديون في معاهد محددة حتى اصبحت الفصول

كلها طلبة سعوديون

واتوقع ان كثير من الطلبة ماحيعدي التوفل بسبب هذه المشكلة

فاذا كانت مخرجات الابتعاث الى الان لاتتعدى ال 5 %

اتوقع ان الان يجب على كل منا تطبيق مبدأ الميدان ياحميدان

كل واحد يشد حيله والباقي على الله

سؤالي بعد الدش الطويل هذا

1- هل عديت اختبار التوفل ؟

2- كم شهر جلست في المعهد عشان تستعد وتدخل التوفل ؟

3- ماهو الجدول الي كنت مسويه لنفسك يوميا ؟

4- نصيحة اخيرة لاخوانك الي ماعدو ؟

واتمنى من الله التوفيق والشكر لمروركم


المصدر: http://www.mbt3th.us/vb/forum127/thr...#ixzz0uVQbNHCW
حفاظاً على حقوق الكاتب نرجو عدم حذف المصدر مبتعث

مشكور اخوي King men لردك المفيد
أسأل الله للجميع التوفيق

مشكور اخوي
لاحرمك الله الاجر و وفقك لكل خير