خاص باستفسارات المعيدين والمعيدات فقط.

السلام عليكم

ارجو من ذوي الخبره مساعدتي

انا قدمت على الاعاده في الجامعه وانتظر القبول في شوال وقدمت ايضا على برنامج خادم الحرمين للابتعاث

سؤالي ايش تنصحوني فيه اذا انقبلت في الاثنتين هل اترك الاعاده واروح مع البرنامج او العكس وماهي الافضليه والمميزات خصوصا لزوجي المرافق ولابنائي اللي هم في التعليم العام

الله يسعدكم افيدوني وجزاكم الله خير

وعليكم السلام ورحمه الله وبركاته

طبعا" الاعاادة افضل لعدة اسباب ومنها ::
1- ضمان وظيفة وبعثة مع بعض
2- حساب سنوات الخدمة طول فترة الابتعاث
3- حصولك على نصف الراتب مع مكافأة المبتعث وللمرافقين مكافأة مرافقين

بالنسبة لزوجك ينطبق علية ماينطبق على زوجة المبتعث من مخصصات مالية ودراسية
وفية هذا الرابط يمكن يوضح لك أكثر

http://wwww.mohe.gov.sa/ar/studyaboa...-Benefits.aspx

عندي سؤال لما اجي اقدم على قبول ماستر في نوعين
Taught course
Research course
ايش اختار

اختي الفاضلة انصحك باختيار Taught course لانه الافضل من خلال اعترافه بالنسبه لجامعاتنا وكذلك يكون عندك نطاق واسع في عدة مجالات وهو دراسة كورسات وكذلك سهولته واختصارا للوقت ، اما البحث Research courseفاجد ان غالبية او معظم الذين يدرسون الماستر لايحبذونه .
اولا لصعوبته مع ان الشخص اذا ثابر واجتهد فلن يجد صعوبة باذن الله وكذلك تركيزه على مجال معين وياخذ فترة زمنية في الغالب تكون اطول وفي كلتا الحالتين استخيري ربك في اختيارك ووفقك الله لما يحبه ويرضاه .

الله يسعدك ويسدد خطاك

اهلا...اختي تعينت معيدة والقرار جاء في الصيف
راحت للجامعه و وقعت مباشرة و قالولها بما ان مباشرتك في الصيف لازم تداومين الترم الصيفي لان القسم بحاجه..ولان تعيينك و مباشرتك في الصيف فما يصير توقعين و بس لازم تباشرين العمل....اللي انا اعرفه ان المعيد مايجبر عالعمل صيفا حتى لو تعين في العطلة؟؟وانه اذا رفضت مو من صالحك وهذا الشي يأثر على سمعتك انك غير متعاونة وممكن اذا طلبت اجازة بعدين ترفض مثلا...هم ماعطوها مجال ترفض و غير كذا ماجابوا طاري زيادة في الراتب بحكم انه عطلة....وش السواة ؟؟هل تطنشهم و لا كيف و ايش العواقب

السؤال الثاني: هم قالوا لها انها سنه تجريبية ...وش معناه؟؟يعني خلال هالسنة ماتكون بامان وظيفي وممكن انها تتعرض للفصل؟؟؟

السلام عليكم ورحمة الله وبركاته

اذا في معلومه يعطيكم العافيه عن شروط التعيين في الجامعات السعودية مثلا ... انا عندي بكالوريوس لغه عربيها وادابها وعندي فرصه اكمال الماجستير في التربية الخاصة .... هل يشترط عند التقديم لوظائف أعضاء هيئة التدريس ان يكون الماستر بنفس التخصص ؟

وشكرا

وعليكم السلام ورحمة الله وبركاته ..

حياك أخوي ..
المتعارف عليه بأنه يجب أن يكون تخصص الماستر امتداد لتخصص مرحلة البكالوريوس .
ولكن أنا أعرف بعض الأشخاص أكملوا الماستر في تخصصات قريبة من تخصصاتهم .
في جميع الأحوال ، أفضل شي إنك تسأل القسم الي بتقدم عليه مباشره . كذلك حاول تأخذ كورسات في التربية الخاصة
لأنها بتدعم موقفك إن شاء الله .
بالتوفيق يالغالي .

لا مو لازم يكون نفس تخصصك ... عادي تختار اي شئ دام انه من نفس الكليه تبعك والماده اصلا انت درستها فعادي

انا تخصصي غير وقدمت معيده بتخصص تاني

الله يوفقك ويسهل امورك

بارك الله فيك اخوي ومشكور لتجاوبك ... المشكلة اني لم ارشح للاعادة لكني احمل دبلوم مهني في التربية الخاصة بعد البكالوريوس ( لغة عربيه وادابها ) وعندي فرصة ابتعاث لاستكمال الماجستير ولذلك انا في حيرة من امري
شكرا لك