رواتب المعيدين + البدلات الجديدة

؛



الله يسعدكم ابي مشورتكم
انا مرشحه معيده بجامعه وايضا مرشحه مدربه بمؤسسه التدريب التقني

احترت مو عارفه ايهم افضل

عندي تقريبا 7 نقاط بذكرها لك لاني انا مدرب الان من حوالي سنه لكن لم ادخل من البيت

بدل حاسب ءالي كيف أحصل عليه

وانا بانتظارك اخوي

وجزاك الله الف خير مقدما

أسف على التأخير
انا الان مدرب على مرتبة مدرب أ يعني بكالوريوس بذكر لك بعض النقاط اللي خلتني أبحث عن وظيفة معيد بكل مكان وعدواتك انها تجي يارب
1- المدرب أقرب ما يكون على وظيفتين الاولى إداري والثانيه محاظر .. يعني تشريحن للمتدربات واذا رجعتي مكتبك صرتي إداريه من ناحية كثرة الاوراق ولازم لكل متدربه عندك ملف وكل ملف مليان اوراق ويروح يومك تصفين اوراق .! وبالنهاية الاوراق ترمى بالمستودع لو فيها فايدة وحده صح بسسس والله ما الومهم لكن قرار وانت تطبق .!!
2- الدوام من 7:30 حتى 3:30 وبصمه . فيه بعض المعاهد والكليات لم تعمل البصمه لكنه تم تركيبها . عشان كذا لو سئلتي احد غيري بيقول لك الدوام لحد 1:30 وبتقولين طلاب سليمان غير صحيح .!
3- التعامل مع الاداريين اين كانو بالادارة الرئيسية او بالوحدة اللي انتي فيها بيكون صعب شوي بسبب ان معظم الاداريين يحملون مؤهلات ضعيفه لا تصدق .! يعني عادي مدير شؤون الموظفين شهادة معهد .! اي تعادل ثانوي .!!
4- كل ترم تحتاجين إلى 6 اختبارات نظري و 6 عملي .! وكل محاظرة فيها تقييم والسبب ان نظام المؤسسة يعتمد على التقييم ولايوجد اختبار نهائي .
5- الاجازات اقل بكثير من وزارة التعليم العالي والتربية والتعليم حيث ان المؤسسة ثلاث فصول بالسنه والفصل الثالث ينتهي دوامه بتاريخ 1433/8/14 يعني حوالي شهر من التعليم العالي .!
6- مثل ما قلت لك قبل لازم 6 اختبارات على الاقل ونشوف عدد الأترام 3 يعني خلاص السنه لو كان عندك مادة وحده نظري فقط بتصحيين 18 مره لو كان عندك طالبه وحده فقط لو كان عندك 3 مواد نظري وعملي و 13 طالبة فقط يعني بتصححين 702 ورقة .! غير التقييم الشفهي وتصحيح الابحاث .
7- البعض بيذكر لك ان المؤسسة فيها رواتب حلوه . بقول لك ان الرواتب معظمها بدلات وأيضاً ما فيه فرق كبيير مره كلها . يعني المعيد يأخذ قرابة 10 ألف اما المدرب 11207 ريال الفرق بسيط مقارنه بالراحة وحسن المعاملة
8- الساعات المطلوبة من المدرب 24 ساعة بالاسبوع والمعيد حسب ما قريت من المنتدى 16 ساعة وأيضا ساعات العمل الاسبوعيو 40 ساعة بينما المعيد 35 ساعة ولا يوجد توقيع
بالنهاية عيب واحد بالأعادة هو شرط أكمال الدراسة وخصوصا لو كنت غير راغب او لم تتاح لك الفرصه كمحرم وغيرها .
أي استفسار عن المؤسسة تحت امرك لا يردك شي وفيه ملف أسمه دليل المدرب أبحثي عنه بالنت واقريه كامل بتشوفين المدرب أيش يعني وظيفته .!
الله يوفقك وأنصحك بالأستخاره قبل كل شي . وقارني من كل العوامل . كقربها لمدينتك و راحتك وطبيعة العمل وطبيعة حياتك
دعواتك
أعتذر أذا فيه أخطاء إملائية لاني مستعجل مره

قبل كل شي

اسأل الله بمنه وكرمه وجوده واحسان ان يرزقك بما تمنيت ويكون خير لك بالدنيا والاخره

،

وانا كمان مرشحه لمدرب أ
بعد كلامك المفصل ومن باب خبرتك بالمجال
بتوكل على الله واغض النظر عن المؤسسه
الشي الوحيد اللي على اساسه راح افضل المعيده
الراحه النفسيه فانا متخرجه من الجامعه ذاتها العام الماضي اما المؤسسه بيئه جديده علي

بس عندي استفسار اخير واسفه بزعجك معي

طبعا الى الحين ما طلعت اسماء المرشحات النهائيه لمدربات المؤسسه ولا عندي خبر متى بتطلع
بس سوينا كشف طبي ووقعنا على اوراق ناسيه وشن بالضبط
والجامعه خلال هالاسبوعين راح تسوي لي الاختبار والمقابله

بحال اخترت وظيفه معيده .. هل المؤسسه تفرض علي قرارات معينه بناءً على الاوراق اللي وقعتها

او مجرد ما انهي اجراءات الجامعه وكل شي تمام احسب على المؤسسه شر سحبه

انا لا املي عليك فقط اعطيك اللي اشوفه
تغيير البيئة امر مطلوب وكان عندي بعد ما تخرجت من الجامعة والان اشوف جامعتي جنه لكن جتني وظيفة معيد الحمد لله بسعود وبكل الحالات انا اشوف انه افضل من المؤسسة.
يعني التغيير اذا ما كان للافضل بلاااااش منه
ايضاً نسيت اذكر لك ان لو نويتي تكملين دراستك بالمؤسسة يبغى لك سنتين بعدين تقدمين اوراقك .! ومشددين مرره بخصوص التمديد وسبق ورجعو ناس من برا
والدكتورة حتى يومك مقفله يعني ممنوعه
وبالنسبه لحالتك
اذا اتصلو عليك المؤسسة يقولون لك باشري وظيفتك عندنا أسئليهم تاريخ كم نزل قرار تعيينك لانه بعد القرار لك ١٥ يوم اذا باشتري يوم واحد خلاص تصيرين موظفه عندهم واذا ما بشرتي يصير كانك ما سويتي شي
الاهم هو عصفور باليد افضل من ١٠ علي الشجرة لا ترفضين اي وظيفة تجيك لحد ما تضمنين انك معيدة ولا يهمك كلام الاداريين او الرؤساء من وعود وغيرة اهم شي يصير معك اوراق عشان ما تضيعين بكلام فاضي
وبالنسبه للأعادة اذا انتي بسعود عطيني خبر حتى اوضح لك شي بيفيدك
بالتوفيق

؛ الله يجزاك خيري الدنيا والاخره

اللهم صلي ليش سنتين واقدم اوراقي

بالنسبه لي مهم عندي تكميل دراستي الماستر والدكتوراه وهذا كل اللي اتمناه
المؤسسه بدخلها على عماي مو عارفه البيئه هل هي تساعد على العطاء او لا .. هذا اللي مخوفني

معك حق عصفور باليد افضل من 10 على الشجره
والله يقدم اللي فيه الخير + دعواتك لنا


لا والله بجامعة حائل

ما شاء حلوه حائل وراتبها اعلى لان فيها بدل ٤٠٪ جامعة ناشئة ما شاء الله
كان ظروفك ماشيه معك لاتوقفين ابببد الا ومعك الدكتوراه وابعدي عن المؤسسة. ودعواتك ان اوراقي تخلص بأسرع وقت واطلع منهم
بالتوفيق

ما قصرت اخوي كفيت ووفيت

الله ييسر امورك ويفتح لك ابواب الخير
ويفرج عليك كل ضيقه مثل ما فرجتها علي << كأنها دعوات عجوز