حوار تجمع معيدي ومعيدات جامعة الملك عبدالعزيز

الأخت أم يمون
ما أتوقع ان الأوراق في إدارة البعثات تتأخر
يعني الضمان المالي لما كنا في دورة الابتعاث قالوا لنا ماياخذ وقت طويل
لكن الأهم واللي ياخذ وقت هو القبول
وفي الأخير أذا ما اختبرت اختبار اللغة الانجليزية فلن تتم الموافقة على البعثة لأنك لازم توقع على تعهد اللغة

سلام عليكم ورحمة الله ياشباب .....

انا فهمت ان فيه بدل تعليم جامعي ةبدل حاسب وبدل ندرة .... بس المشكلة ماعرفت كم هي النسبة وايش البدلات اللي ممكن يحصل عليها معيدي الهندسة الكهربائية

يعني بدل الندرة كم وبدل الحاسب كم وبدل التعليم كم ؟ واذا فيه بدلات ثانيه نورونا الله يسعدكم جميييييييعا يارب ...

جامعة عزوز احبها مررررررررررررررررة. يشهد الله اعضاء هيئة التدريس لما كنا طلبة كانوا قمة في التعاون و مرررررررة طيبين
طبعا أتكلم عن كليتي علوم طبية. و برضوه كانوا بيسمعوا للشكاوي. الحمدلله جات معيديتي في هذي الجامعة.

بالنسبة للابتعاث, كانوا بيحثونا عليه و في اقرب وقت ممكن. حتى مكاتبنا و الله كانت جديدة تلمع بس ماكان فيها كومبيوترز قالوا مانبغاكم تجلسوا نباكم تروحوا تكملوا دراسة و الكومبيوترز و الوايرليسس لما ترجعوا. كان الجو تحفيزي جداااااااااااااااا. و كمان قالوا الي مايبتعث خلال مدة اقصاها 3 سنوات حتتحول الوظيفة ادارية. الكثير شكك في هذا القرار و انو مجرد تحفيز لا أكثر.

الخدمة في الجامعة على حسب علمي على قد مدة دراستك بالخارج, فدا للجامعة!!!

السلام عليكم يا دكاترة المستقبل
اولا .. بالنسبة للاختبار دا حق الانجلش اللي داوش دماغنا ترا يعني ان شالله ممكن تمشي اموره حتى لو ما جبت العلامة المطلوبة بس يعني هاه تكون قريب منها بس انتو زبطو مع رؤساء اقسامكم وكلموهم على الموضوع وان شالله الامور تمشي وربنا يسهلها .. فيه ما شالله اتنين معايا في القسم امورهم مشيت وما جابو الدرجة المطلوبة بس زي ما قلت تكون قريبة ما تكون درجتكم في الشرق والدرجة المطلوبة في الغرب ..>>> يعني اكيد استوعبتو انا عارفة ما يحتاااج

وابغا اسالك يا new اش تقصدي ب >>> الخدمة في الجامعة على قد مدة دراستك في الخارج ما فهمت ممكن توضحيلي يا قمر بعد اذن سعادتك وترا انا زيك علوم طبية يعني جييران

الله يسهل يااااااارب وانتو سووا دعااء وربنا يفرجها ويمشي الامور

^
يعني لو درستي برة ست سنوات مثلا تخدمي في الجامعة ست سنوات, بعدها ممكن تسيبي العمل. طبعا هذا الكلام ماعندي اي تأكيد عليه, يعني انا سمعته من البنات و صراحة ما دققت.

السلام عليكم
انا شاركت في المنتدى بعد ما شوفت موضوعكم
حلمي اسير معيدة
وبكره مقابلتي الشخصية, وفعلا متخوفة, ياريت تفيدوني بخبراتكم واكون شاكرة لكم

اه ياجامعتي احبك
الحمد الله اتخرجت منها و ربي رزقني المعيديه فيها!
اجراءات ابتعاثي تمت في اسبوع و نص بعد ما جبت الفيزا و سبب التأخير كان السيول الي خربت الجامعه!
اخت DDDD الله يوفقك يارب

ديدو شكرا الله يوفقك انتي كمان
بس ياريت احد يفيدني بخصوص الاسئلة

^
^
أهم شيء في المقابلة الشخصية روقان الأعصاب. و لمن تدخلي تسلمي و تصافحي الي بيسووا المقابلة لو كانوا حريم صراحة انا ماصافحت الحرمتين الي كانوا موجودين نسيت. و اذا كان الكرسي له يدين حطي يدينك عليها هذي الحركة تبين انو انتي واثقة و لا تلفي الكرسي يمين و يسار زي البزورة لانو حيعلقوا عليها و امكن تكون سبب في الرفض.
بعد كذا اول سؤال حتنساليه عرفي بنفسك : اسمك, متى اتخرجتي, كم معدلك, خبراتك, اذا عندك اي مهارات ممكن تنقال. بعد كذا شخصيا استلموني اسألة في نفس المادة الي قدمت عليها الحمدلله مشي حالي فيها بس الدكتور الله يهديه مابطل اسألة يسأل و يسأل و يسأل. بعد كذا بيسألوا سؤال مرة مألوف انو المعيدية تحتم عليك السفر هل عندك مشكلة انا قلتلهم لاءة. و صلى الله و بارك.

السلام عليكم ورحمة الله وبركاته
بالنسبة لدرجة التوفل الملطوبه للمعيدين
صراحه القرار من وجهة نظري صحيح لكن تنفيذ القرار خاطئ 500 صراحه كثيره لجميع المعيدين
وكان بامكانهم يحطوا الدرجه حسب التخصص العلمي
مثلا 500 لمعيدين الطب والصيدله
450 لمعيدين الهندسه والحاسبات
وهكذا
و انا سألت مدير ادارة البعثات وقال لي اذا انت سويت الضمان المالي قبل صدور قرار التوفل وماوقعت تعهد اللغه ممكن يستثنى منك
وبالفعل انا اخذت 442 في بديل التوفل واجراءات بعثتي واصلة عند مدير الجامعه
صراحة احب جامعة عزوز موووووت احلى جامعه واحلى ذكريات الدراسه كانت فيها
الله يوفقكم ويسهل امركم