إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

طيب انا بجامعة ناشئه وكيل الدراسات رافض بريطانيا وقال روحوا كندا او امريكا وانا ابي بريطانيا وش الحل بنظرك

نفس مشكلتي بريطاينا موقوفة ومقدر اروح لغيرها

مرحباً,
طبعا تقدرين تسوين حجز وهم يعطونك تاريخ ألغاء الحجز , كل ما قرب إلغاء الحجز كلميهم أو روحي لهم وجددي حجزك حتى يصدر قرار ابتعاثك وتسلمين أمر الأركاب.

الله يعينك , هاتي لهم ظروف أو اعذار تقضي على ابتعاثك لبريطانيا وعساهم يوفقون

تنحي على كيفك لين ما يطيعونك , لكن إذا تقولين أن ما تقدرين تروحين لغيرها عطيهم الأسباب المقنعة وبإذن الله ما عندك مشكلة يمكن يوفقون

السلام عليكم ,,,

ما شاء الله عليك أخوي الموارد البشرية ,, شعلة نشاط ,,,

باشرح لك وضعي و عطني رأيك : أنا موظف غير حكومي ,,, و عندي قبول من جامعة في كندا للدكتوراة و قبولي يبدأ في شهر 1 من العام الميلادي القادم يعني بعد 8 شهور تقريبا ,,, و ما أحتاج لغة ,,,

أنا ناوي اقدم على جامعة الملك سعود و اتوظف على اني محاضر و ابغاهم يبتعثوني على طول ,,,

فبرأيك ,,, ماهي المدة اللازمة ,, ليتم تعييني ,,, و من بعدها يتم ابتعاثي ,,, عشان اعرف متى أقدم استقالتي من عملي الحالي ,,,؟

هل تتوقع مثلا ان 4 شهور تكون كافية لعمل كل هالاجراءات؟

يعطيك العافية ,,,

مرحباً بك , وشكرا على كلامك وأطراءاك الجميل
ما بالنسبة للجامعة والتعيين فيها ماله وقت معين أو فترة معينه , إنت خلك في عملك الحالي وأطلب التعيين في جامعة الملك سعود على وظيفية محاضر وأهم شي المقابلة وهي اللي تقرر قبولك كمحاضر أو لا, والي اقدر افيدك فيه أنهم يأخذون فترة شهرين إلى 6 شهور إذا قبلوك بعد المقابلة الشخصية. ونصيحتي لك لا تخلي وظيفتك حتى تشوفهم قبولك وطلبوا منك المباشرة. ولا تدري عنهم من تالي التعيينات أقل من أول لكن على محاضر الشاغر كثير وربي يسهل أمرك.
وللعلم يا الحبيب ان جامعة الملك سعود تطلب منك أن تحضر قبول الدراسة بالخارج قبل مباشرتك العمل. بالعربي صار قبول الدراسة بالخارج من متطلبات التعيين .
والله يوفقك

الله يعطيك العافية ,,, و شاكر لك تجاوبك و سرعة تفاعلك ,,,

طيب الآن قلت ان التعيين ممكن يكون من شهرين الى 6 شهور ,,,,,,,

طيب بالنسبة للابتعاث ,,, كم أحتاج من يوم ما أقول بسم الله الى أن آخذ تذاكر السفر ؟ شهر شهرين أكثر ؟

يعطيك العافية ,,,

الله يعافيك,
شوف يا أبو الشباب , قبل ما يصدرون قرار تعيينك يعطونك ضمان مالي حتى تروح تجيب قبول ودام أنك تقول معك قبول فأنت ترفع القبول للكلية اللتي تعينت بها ومن تعطيهم القبول وتطلب الابتعاث وفي الحالات العادية التي لا يدخل فيها اي مشاكل تأخذ العملية من شهر إلى 4 شهور , وأنت لازم تتابع كل الخطوات مع الكلية التي تعينت بها
والسلام

الله يعطيك الف عافية ,,, و بيض الله وجهك ,,,