إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

السلام عليكم ورحمة الله
جزاك الله خير ياخ موارد بشريه
والله يكثر من امثالك
حبيت استفسر انا حصلت قبول وقدمته على رئيس القسم وباقي بيقدمه للعميد
هل للعميد حق في انه ياخر بعثتي علما ان موعد دراستي محدد في الاي توني
وحجزت في السفاره والجامعه معترف فيها ومن اقوى الجامعات
وشاكر لك مقدما

اهلا فيك , ويجزاك الف خير,,
سؤالي ليه تتوقع أن العميد يأخر بعثتك ؟
عموما العميد بيده سلطه على الكلية اللتي هو يترأسها لذلك زبط أمورك معه
بعدين العميد مهوب هو اللي يقرر في موضوع ابتعاث هذي صلاحية مجلس الكلية.
والسلام

لو سمحت أخوي الموارد البشرية ايش سالفة اذن الصرف، كل شوي طالع لنا شي جديد الله يعين بس..

لاعلم لي بشي عن أذن صرف , أجراءات الملحقية لا علم لي بها كثيراً
والسلام

طموحة & الموارد البشرية
الله يعطيكم العافية على هالمعلومات القيمة وأسأل الله ان يكتب ذلك في موازين حسناتكم ...

ودمتم في رعاية الله .

السلام عليكم
خوي موارد بشريه الله يعطيك العافيه
انا حصلت قبول وقدمته خلص من مجلس القسم وراح مجلس الكليه واللي بيعقد ان شاء الله الاسبوع القادم
ودراستي تبدا في سبتمبر
هل الوقت كافي لانهاء الاجراءات اقصد مجلس الجامعه زي مانت عارف باقي 3 اسابيع على الاجازه
هل اذا ماامداني على مجلس الجامعه القادم يمكن يعقد مجلس جامعه في الاجازه ؟؟
وشاكر لك

وعليكم السلام,,,
أن كانت دراستك في سبتمبر فبإذن الله يمديك والأمور زينه.
للعلم أن مواضيع الابتعاث الجديد ما تعرض على مجلس الجامعة بل تعرض على لجنة الابتعاث والتدريب
والسلام

بارك الله فيك ورحم الله والديك
واغبطك على الاجر المترتب على مساعدة اخوانك
وشكرا لك

العفو ,,,

ولك التحية والشكر

هل فيه نموذج خاص لتعهد المحرم؟؟

ولا أخليه يكتبه بورقة عادية ويوقعه؟ وهل يلزم ارفاق صورة البطاقة الخاصة به؟

وجزيت ألـــــــفـــ خيـــــــــــر