إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

ويوفقك يا رب ,,,
الموضوع الرئيسي فيه تفاصيل جداً واضحه
وخوذية بهيكلة
المعيدة>>>مجلس القسم>>مجلس الكلية>>عماددة شئون الموظفين>>مدير الجامعة>>أصدار قرار الإبتعاث.
وقلت لك أن كانت الدراسة في شهر 9 فأمورك زي الفل يا ست الكل.
ولك التحية

^
^

طيب هل لازم أراجع عمادة شؤون الموظفين؟ أذا انرفعت معاملتي من مجلس الكلية.

ومتى تجي خطوة استخراج الفيزا؟ وهل يلزم اني اراجع الوزارة لأنك ذكرت في بداية الموضوع إني لازم أتابع الوزارة عشان تجي موافقة الوزير أو من ينوب عنه على قرار ابتعاثي..

وتشكـــر على سرعة تجاوبكـ..

أولا لازم يكون عندك رقم المعاملة حتى تقدرين تتابعينها مع عمادة شئون الموظفين عن طريق رقم المعاملة سواء بالتلفون أو أنك تنطين لهم.
بعدين أستخراج الفيزا ماله شغل بمعاملة الابتعاث , انتي روحي لعمادة شئون الموظفين وخوذي منهم ضمان مالي وخروذي لك موعد من السفارة لاستخراج الفيزا وعجلي عليها.
وبالنسبة لخطاب الوزارة (هذا الخطاب ليس له صله بمعاملة الأبتعاث الخاصه بك في الجامعة لكن عند أصدار قرار الابتعاث يجب توفر هذا الخطاب) هنا لازم تتصلين على عمادة شئون الموظفين بقسم الموارد البشرية الارقام موضحه بالموضوع الرئيسي وتعطينهم رقمك الوظيفي وتسألينهم هل عندك خطاب موافقة الوزارة أو لا وأيضا لازم تعجلين في هذا الخطاب.
والسلام

عدنــــــــــــــــــــــــــــــــا

مرحبا يا أطلق موارد بشرية شفتها في الممكلكة العربية السعودية لحد الان
سؤاااااال يسدح نفسه
لو طلعتني الجامعة ادرس لغة باستراليا بناء على قبول اجيبه
وبعد ما خلصت اللغة بغيت ادرس الماستر ببريطانيا <<بعدين اشرح لك السبب
سهل الموضوع ولا صعب ؟وايش الاجراءات اللازمة
وهل راح تعطلني
ومن متى لازم ابدأ اخاطب الجامعة بالتحويل
اذا بتقولي يعتمد على سبب التحويل
فالسبب بصراحة اني بريطانيا اقرب لي بس مااقدر اروح لها من اول شي لاني مرتبطة بزوجي اللي بيطلع على استراليا
بس هو سنة وبيخلص ويرجع ولا ودي اقعد بلحالي في ذيك البلاد البعيدة مرة
افيدني اثابك الله
ولك خالص الشكر والتقدير والدعوات ...


المزعجة شموخ أنثى

ايوة كذا كملت الصورة بس باقي معاملة التعويضات حقت المراسلة هل أبدأ فيها الآن أو تتأجل لحين صدور قرار الابتعاث؟

معليش أزعجتك بس كل ما أدق على الموارد محد يرد علي حتى القسم النسائي ما يردوش !

و تشكر أووي

حياك يا شموخ ,,
دايماً راعية مشاكل
لازم سبورة وقلم
معليش لا ركدت رديت لك خبر لاني مسافر

تعويض المراسلات الأن تحركي فيها وطالبي في التعويض .
وتعويض اصدار التأشيرة بعد صدور القرارا

ايش هذااا
يحسسووون الواحد انه قلقققق
طيب
استناك
تروح وترجع بالسلامة

مرحبا
ألف شكر لك على المعلومات المفيدة وشكرا مقدما لإجابتك على سؤالي
كم المدة اللازمة لإجراءات تمديد بعثة عضو هيئة التدريس؟
وماهي الخطوات اللازمة؟
وهل شهور الصيف تحتسب ضمن المدة؟ أو تكون إجازة ولايمكن إجراء شي خلالها؟

أخي العزيز الموارد البشريه جزاك الله كل خير على ما تقدمه لنا من معلومات مهمه
سؤالي هو :
زوجتي معيده وجابت قبول من معهد وجامعة في بريطانيا وقدمته لرئيسة القسم الاسبوع الماضي وراح تبدأ الدراسه في المعهد شهر سبتمبر 2010م
1- انت قلت لازم خطاب من المرافق يقدم للقسم فهل هو ضروري لانها ما قدمته للقسم قدمت فقط قبول المعهد والجامعة
المشكله اننا الآن على أبوب الاجازه فيكف نعرف اذا الجامعة وافقت على الابتعاث او لا
2- الضمان المالي متى نقدم عليه بعد ما توافق الجامعة او الآن
3- انا موظف متى اقدم على إجازه استثنائيه هل لابد يكون معاي موافقة الجامعة
أرجو الرد على استفساري ولك كل الشكر والتقدير وجزاك الله كل خير