إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

طيب
هذا هو الهدف والمقصود
لكن الآن أنت تقول أنه لما أخلص لغة اجيب قبول ثم أرسله للجامعة
ثم مجلس القسم
ثم مجلس الكلية
ثم أنتم ثم ترفعونه لمكتب المدير
يعني شغله مو مضمونه
****
من جد استغرب ليه تطول السالفه وهي قصيرة!!!
الآن المدير وجه بالمواققه على الماجستير والدكتوراه فليه يرجع الموضوع مره ثانيه مع العلم أن المدير ماأعطى القرار من فراغ
ولاهيب شغلة واسطات
***
أ.الموارد البشرية سؤالي كيف اثبت هذا القرار وأطلع على أساسه ؟؟

ما قلنا شي كان مدير الجامعة موافق على دراستك للماجستير والدكتوراه لكن هل حدد المدير التخصص اللي بتدرسينه أو الجامعة المفروض تدرسين فيها؟
هل أوراقك اللي وافق عليها مدير الجامعة فيه أسم التخصص او الجامعة؟
لو كان فيها هالشي بيكون قرارك لدراسة اللغة والماجستير والدكتوراه لكن أن لم يذكر التخصص والجامعة اللتي ستدرسين بها لازم الملحقية ترفع لجامعة الملك سعود حتى يحدد التخصص والجامعة المفروض الدراسة بها.

والله اعلم

سلام وتحية للجميع... عندي استفسار لو سمحتوا :

السؤال الأول :

بالنسبة لموافقة لجنة الابتعاث و مدير الجامعة في اجراءات الابتعاث.. سؤالي عند عرض الاوراق والمعاملات عليهما

كيف نظام اجتماع لجنة الابتعاث , هل هو اسبوعي أو شهري أو متى ما جاءات الاوراق تعرض عليهم مباشرة؟؟
وبعدين موافقة مدير الجامعة هل تستلزم دخول الاوراق لاجتماع مجلس الجامعة الذي يعقد شهرياً أو يتم ادخال الاوراق مباشرة للمدير في مكتبه أو من ينوب عنه ؟؟ والهدف من هذا السؤال محاولة التقدير بالضبط كم يلزم من الوقت لانهاء الاجراءات , لأن كلمة من شهر إلى ثلاثة أشهر مطاطة وغير واضحة.

السؤال الثاني:

بالنسبة لأمر الاركاب هل يعتمد مسار الرحلة على ماهو مكتوب بقرار الابتعاث أو ماذا؟؟ يعني هل من الممكن أن أضع مسار الرحلة من
السعودية إلى المدينة التي فيها الملحقية ومن ثم إلى المدينة التي فيها الجامعة التي سوف أدرس بها؟؟ ومحطات الترانزيت هل تؤثر ؟؟

و آسف على الآطالة , وشكراً مقدماً على الرد.

حياك الله,
الأجابة الأولى:
اللجنة الدائمة للإبتعاث والتدريب تعقد كل أسبوع وتناقش مواضيع الإبتعاث وكلها يعني موضوع ابتعاثك ومواضيع ابتعاث موظفين أخرين سواء ابتعاث جديد أو تمديد أو تغيير تخصص أو إنتقال وكذا.
وبعد موافقة اللجنة يعد محضر بكل المواضيع وتحال إلى مكتب مدير الجامعة ولا دخل لمجلس الجامعة بمواضيع الإبتعاث النظامية.

الاجابة الثانية:
بالنسبة لأمر الإركاب لا يذكر مسار الرحلة بقرار الإبتعاث فقط الذي يذكر هو دولة الدراسة, والذي يذكر في أمر الأركاب لمبتعثين جامعة الملك سعود هو (الرياض - مدينة الجامعة اللتي فيها الدراسة).
وإن كان هناك توقفات ومدن تقف فيها الرحلة فهذي من اختصاص وكالة الطيار هي اللتي تحدد مسار الرحلة وكل ما كانت الرحلة مباشرة (إذا كان في مدينة الدراسة مطار دولي) كل ما كان أفضل لوكالة الطيار بحكم أنها لا تكون مكلفة عليهم.

أتمنى أن الاجابات واضحه, هذا والله أعلم.

معقولة كل أسبووع!!!!!!

أنا صار لها شهر معلقة وللأسف ما صلحوا لها عرض ولا شي!
وكل ما أتصل يقولون ايه ع الاسبوع الجاي !! ومن اسبوع لأسبوع ومكانك سر

كل هذا لأن معاملتي للأسف صارت بيد وحدة حامل وماخذه حاليا اجازة ولادة
وما ادري متى بيجي دوري من كومة الملفات المركومه عندها

الله يعين ..

أقول ما ينفع أحول ملفي عندك أخوي الموارد .. أحس أنكم ماشاء الله قسمكم أنشط وأكثر من قسم الحريم

حلوة وحده حامل
يعني لا صارت حامل يعطلون الناس, للعلم أن اللي عنده اجازة يسلم المعاملات للموظف البديل له حتى يكمل الإجراءات.

وما يصلح تحولين ملفك لاحد
لكن نصيحتي لك كان عندك واحد شقردي يطمر لهم بقسم الرجال ويكلم مدير الإدارة ولا يقصرون معك, و ترى راعي الحاجة لحوح.

طيب وان صار الشغل كله على وحده, والباقي ماخذات اجازة وش اصلح وقتها
عشان كذا رحمتها لأني سبق وانكرفت في قسمي لقلة الاعضاء اللي فيه, فما احب اشتكي على احد ان كان فعلا فيه نقص حاد عندهم (كلهم بس ثلاث)
وبنفس الوقت مقهورة أبي معاملتي تخلص

ما يصلح يجيبون موظفة متعاونة من برا تمسك محل اللي تاخذ اجازة اتوقع كذا تنحل أو يرسلون الملفات لكم يارجال وتخلصونها
أو انتظر الين تخلص اجازتها !! بس بتأخر على كذا

أو هل عندك حل يرضي جميع الاطراف؟

ما قلت أنك تشتكين على أحد ولا فيه شي اسمه يجيبون أحد من برا يساعدهم, وممكن الرجال يخلصون الشغل, لكن ترى يمكن معاملتك ناسينها أو ما أستلمها أحد بعد اللي اخذت اجازة أمومة لذلك أنا قلت لك شوفي لك رجل (أخوك , أبوك, خالك, عمك, جدك, أي أحد ينفعك) يروح لهم ويخليهم يتحركون ويسوون لها عرض ترى السالفة ما تبي شكوى لكن كتذكير أو تحريك للأوراق.

اهااا فهمت اوكي ان شاء الله قريب برسل احد يحرك المعاملة

ومشكووووور الله يوفقك دايما تحل المشاكل

حياك الله
نعين ونعاااون
الله يعينك ويوفقك