إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

أخي الحبيب الموارد البشرية ... أنا محاضر في جامعة المجمعة وموضوع ابتعاثي تم الموفقة عليه من اللجنة ومن مدير الجامعة ما الإجراء بعد ذلك ؟
هل ترسل اوراقي إلى جامعة الملك سعود , الموارد البشرية لاصدار القرار ؟
وبخصوص اوراق اخلاء طرفي من كليتي المشكلة لا يوجد مسؤول في كليتنا الان !! العميد انتقل ووكيل الكلية في إجازة ؟
ومن ضمن الأوراق بيان بتكاليف المراسلة فإذا كانت جامعتي لايوجد لديها بند لتعويض المبتعث عن رسوم المراسلات والتاشيرات فهل جامعة الملك سعود تعوضني عنها ؟
وشكرا لك أخي الكريم *

حياك الله,
أوراقك تحال إلى جامعة الملك سعود لإدارة الموارد البشرية لاصدار القرار.
وأخلا الطرف يوقّع عليه من ينب عميد الكلية او نائب وكيل الكلية أو مدير إدارة الكلية.
وجامعة الملك سعود هي اللتي تعوضك عن المراسلات والتأشيرة, و لو ترجع للموضوع الرئيسي مشروح فيه طريقة التعويض عن المراسلات والتأشيرة.
هذا والله اعلم

كم ياخذ الموضوع تقريبا اذا وصلت الاوراق إلى الموارد البشرية ؟
وشكرا لك على سرعة تجاوبك معنا ... بارك الله فيك أخي الكريم ..

موارد شلونك .... بارك لي وافقوا ع التعيين وتعييني قريب ... والحين وقعوني ع ورقه يقولون فيها انه في خلال 9 شهور تجيبين قبول بس ماحددوا معهد او جامعه وتاشيره ... سؤالي الحين القبول موجود بس معهد لغه ... اما التاشيره فالله يعين اذا رجعت بزينها لهم ... لانهم كاتبين لازم اذا ماجبتيها بنلغي قرار تعيينك ... سؤالي لك هل فعلا يقدرون يلغون قراري ؟؟؟ ولا بس كلام ...لانه جد بجيب بس مابقدر اطلع نهائي ...

صباح الخيرات
انا دخلت الموضوع وكان صفحه وحده والحين ماشاء الله الله يقويك ويجزيك خير
عندي سؤال الحين جامعة الخرج معيدينها تابعين للملك سعود بكل شي ولا شلون
يعني هل يقدرون يسجلون في وحدة مساندة المعيدين والمحاضرين ؟

السلام عليكم,

أنا ولله الحمد جبت قبول من جامعة أمريكية وأموري في الجامعة كلها تمام (تمت الموافقة عليها من أقسام الجامعة ككل) ودراستي راح تبدأ بعد أيام قليلة. بس عندي مشكلة صغيرة وهي الوزارة, معاملتي باقي كم يوم وتكمل شهر وعلى حسب كلامك إن المعاملة تظل عند الوزارة من شهر إلى شهر ونص تقريبا, فما أدري إذا فيه عمل أقدر أسويه علشان أسرع الموضوع, ينفع مثلا أروح الرياض للوزارة, أو فيه أرقام أقدر أتصل عليها؟
ولا مافيه حل غير الصبر؟

رزقك الله الجنة,
تحياتي لك, وياليت كل الموارد البشرية مثلك

أن كنت حصلت على موافقة مدير جامعة المجمعة على ابتعاثك فتروح لهم وتأخد قرارك وأنت وافق لكن تأكد أن عندك خطاب موافقة الوزارة.

حياك الله

أولاً انا طيب وبخير وسلامه, وألف مبروك التعيين وإنشاء الله تكوني دكتوره أأد الدونيا
مادري بس هنا كن فيه كلام مش مزبوط
طيب عندك قبول المعهد صح!
أرفعي طلب لعميد الكلية بالإبتعاث وكان اللي عايقك التأشيرة خوذي ضمان وطلعي التاشيرة.
لكن كان عندك رأي ثاني ولا عندك نية أبتعاث خلال 9 شهور فهذا عاد كلام ثاني ما أقدر أفّتيك فيه لازم ترجعين للكلية وتزبطين أمورك معهم, بالعربي يخلّولنك تباشرين العمل بالكلية ثم بعد ما تزين أمورك تروحين بعثة, وترى الأمور سهلة لكن الواحد لازم يتحرك وخصوصا الجامعة اللسان وحسن الكلام يزبط أمورك.

هذا والله أعلم.

صباح النور.

ايه الصبح يكون فيه جرد للردود حقت الناس السهرانه

سؤالك هذا أجابته عند وحدة مساندة المعيدين والمحاضرين وبعدين كان عندك رقم وظيفي وملف في جامعة الملك سعود فيحقك لك المشاركة معهم. وتأكدوا منهم.

الله يعطيك العافيه
ودي لو يعطونك ادارة الموارد البشريه صدق
بس من بعيد لبعيد كمشرف يعني مانبيك تخل عندهم وتأثر بالطقس الموجود ههههه
الله يوفقك