إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

الله يعين و نشوف اخرتها معهم
على العموم ما تقصر و الله يعطيك العافية

مشكور وماقصرت والله يرحم والديك ويجزاك خير

أخوي الموارد انا استفسرت عن المعامله حقت الابتعاث لقيتها عند مجلس الكلية يعني لسى ما راحت لمدير الجامعة ولا وزارة التعليم العالي وأنا موعد سفري 13 شوال 1431هـ هل تعتقد الموضوع يمديه يخلص أو نأجل السفره او وش رايك

ما اقدر افتيك وأقولك أن الوقت ضيق بحكم عدم الإطلاع على أرواقك. لكن بإذن الله كان معاملتك طلعت هالأسبوع من مجلس الكلية فالامور طيبة والوقت كافي.
بس تأكد من وجود خطاب موافقة الوزارة
وحتى تعرف خطاب موافقة الوزارة أرجع للموضوع الرئيسي.
والله يوفقك

ياموارد يعني مايقدرون يفصلوني ؟؟؟ لو مارحت بعثه ؟؟؟ والله ادوشوني قالولي خلاص بنرفع المعامله لمدير الجامعه وبتباشرين ماعندك مشكله ..... وعقبها عاد اكيد بتطلع لي هالشغله بس ناويه اتميلح عند رئيس القسم لانه متفهم ,, ولعل وعسى يتعاون معي ...

إذا باشرتي العمل وحسبوا لك المباشرة ما يفصلك إلا وزير التعليم العالي ووزير الخدمة المدنية ولازم كلهم يوقعون على فصلك من العمل بإسباب مقنعة. لكن اللي يقدورن عليه وهو اللي نصت عليه لائحة الإبتعاث لمنسوبي الجامعات:

إبقاء المعيد أو المحاضر على وظيفة وتحديد المدة اللازمة لإستكمال دراسته العليا على أن لا تتجاوز تلك المدة السنتين من تاريخ مباشرته العمل وفي حال تجاوزه لها يحال إلى وظيفة إدارية إذا كانت الجامعة في حاجة لخدماته.

وللعلم يوم المعيد والمحاضر يوقّع على تعهد بإستكمال الدراسة وأن ما كمل الدراسة يطبق بحقه ما هو أعلاه.

طبعاً هذا نظام لكن محد يطبقه بحكم الإنسان وظروفه والجامعة تتساعد مع موظفينها لكن عاد ما حد وده يكون تحت رحمه أحد لذلك كملي الدراسة وإنتي ما تشوفين الدرب.

هذا والله اعلم

اخوي ممكن افيدك بالموضوع هذا عن تجربه ،،،

بما ان خطابك لسى عند مجلس الجامعه فتحتاج وقت من اجل توصل لمدير الجامعه ومن ثم تصدر من مكتبه إلى وزارة التعليم العالي لاصدار الموافقه النهائيه لك ..

هذي المسألة تحتاج وقت بصراحه .. لكن بإمكانك الآن تتابع معاملتك من مكتب مدير الجامعه واذا صدرت للوزارة فتواصل مع لجنة الابتعاث والتدريب في الجامعه وهي المسئوله عن ابلاغك عن مدى وصول قرار ابتعاثك من عدمه ،،،

ما أحب احبطك بس هذا الأمر يحتاج وقت بصراحه ، لذلك ضع في بالك انك تعمل تأجيل وقتي للبعثه حتى ما يوصلك قرار الابتعاث ومعاه طبعاً يكون استمارات اخلاء الطرف وأمر الإركاب وغيرها ...

نصيحه اخيره مني .. لا تنتظر قرارك يوصل لعندك .. ابحث وتواصل مع لجنة التدريب والابتعاث لان المعاملات كثيره وامور الابتعاث متعدده فاحتمال معاملتك تأخذ وقت على بال ما توصل لقسمك ...

موفق خير يا رب ،،،

أخوي الموارد ..
ربي يسعدك ويشرح بالك .. كثير تفيدنا وان شاء الله يكون في ميزان حسناتك يا رب ،،،

عندي سؤال محيرني كثير ...

أنا صدر لي قرار الإبتعاث قبل اسبوعين تقريباً لبريطانيا من الوزارة وتم ارسال الخطاب لمدير الجامعه وعميدة الكليه .. لكن هذا انا عرفته من تواصلي مع لجنة التدريب والابتعاث بجامعة الملك سعود .. والى الآن لم يتم ابلاغي من الجامعة نهائياً ، علما ان دراستي تبدأ في 14 سبتمبر ..
وظروفي لا زالت متغيره ...
سؤالي .. هل يسمح لي التأجيل بعد حصولي على قرار الابتعاث ؟؟؟

شكراً لك ،،،

حياك الله يا نورة.
ممكن أعرف وش لون صدر لك قرار من الوزارة؟؟
قرار الإبتعاث يصدر من جامعة الملك سعود.
والوزارة يصدر منها (الموافقة على الإبتعاث)
واتوقع أنك تقصدين موافقة الوزارة تم تحويلها إلى مكتب مدير جامعة الملك سعود.
وبالنسبة للتأجيل فيحتاج منك ترفعين خطاب لعميد الكلية بظروف التأجيل وتأخد العملية مجراها مثل مجرائ الإبتعاث.
هذا والله اعلم

حياك ربي ،،،

أعتذر عن الخطأ .. انا قصدت قرار الابتعاث من الجامعه اللي انا تبعها وهي جامعة الخرج لكن هي ترفع القرار لجامعة الملك سعود لمخاطبة الوزراة والوزراة أصدرت الموافقة على الابتعاث ،،،

شكراً لك وربي يسعدك