إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

ألف شكر ماتقصر ....

أخوي الموارد البشريه حفظك الله
متى يبدأ صرف نصف راتب المعيده المبتعثه حيث أن قرار الابتعاث سيصدر إن شاء الله 21/9/1431هـ
ولك الشكر

حياك الله,
يكون تاريخ صرف نصف الراتب إبتداء من تاريخ بداية الدارسة بالخارج.

هذا والله اعلم

أخوي الموارد
دقيت على كل الأرقام الموجودة بالموضوع أكثر من مرة خلال وقت الدوام ولاهوب وقت صلاة مثلا
بس ولاأحد يرد
حتى المدير!؟
رقمين منهم فقط كانت مشغولة وفرحت قلت بيسكرون ويردون علي .. بس سكروا ولاردو علي
وش الحل ؟

لا علم لي بهم, ذابحهم العجز.
لكن خلك لحوحه, كسري التلفونات إلى ان يردون.
دقي وخلي التلفون يعيد الأتصال من نفسه إلى أن يرد أحد منهم لو تمسكين التلفون من 8 الصبح إلى 2 الظهر.
أرقام لإدارة الموارد البشرية بجامعة الملك سعود:
قسم النساء:
014670198
014678320
014678319
014678573
قسم الرجال:
014678064
014678087
014678063
نائب مدير الإدارة:
014678079
مدير الإدارة:
014678086
014678122

السلام عليكم ورحمة الله وبركاته
جت ام المشاكل ومعها بعض المشاكل اللي مو متعلقة فيني شخصيا بل طلب مني احدهم ان استفسر
وياليت لو القى جواب

اولا :بالنسبة لقرار الجامعات الثمانية في استراليا اللي سوي ضجة اعلامية واللي مادري وش يحسون فيه لما حطووه
المهم هذا القرار هل يشمل الناس اللي مبتعثتهم المستشفيات الجامعية يعني( مستشفى الملك خالد الجامعي )
لاني اعرف واحد مبتعث ماستر ودكتوراه ويدرس بنيو كاسل له وباقيله كم شهر وينتقل من الماستر للدكتوراه ....فهل القرار يشمله يعني اذا رجع بيقولون له شهادتك مو من الثمانية جامعات ...؟؟؟

ثانيا :
اذا واحد يبي يغير درجته العلمية من ماستر للدكتوراه وعنده قبول 3 ستوات وتبقى قي قرار الابتعاث 2 سنة فقط هل يغير قراره واذا كان من خارج الجامعات الثمان مالعمل علما بان قراره ينص على الماجستير والدكتوراه 3 ستوات...؟؟؟


في انتظار الرد
وبحاول الصبح اتصل
عالموارد عل وعسى يردوووووووووووووووووووووووووووووووووون

وشكرا

حياك الله يا شموخ,
منتب راعية مشاكل بعدين الله يهديك هي كلمة قلناها نمزح وأخذيتها بجدية >> بس تصدقين من أستفساراتك فوق كنك راعية مشاكل و موكلينك تسألين لهم >>>>> ترى نمزح لا تصدقين.

نجي للإجابة:
أستفسارك الأول:
أولا :بالنسبة لقرار الجامعات الثمانية في استراليا اللي سوي ضجة اعلامية واللي مادري وش يحسون فيه لما حطووه
المهم هذا القرار هل يشمل الناس اللي مبتعثتهم المستشفيات الجامعية يعني( مستشفى الملك خالد الجامعي )
لاني اعرف واحد مبتعث ماستر ودكتوراه ويدرس بنيو كاسل له وباقيله كم شهر وينتقل من الماستر للدكتوراه ....فهل القرار يشمله يعني اذا رجع بيقولون له شهادتك مو من الثمانية جامعات ...؟؟؟
القرار يشمل كل المبتعثين سواء برنامج خادم الحرمين أو مبتعثين الجامعات والجهات الحكومية.
لكن وزارة التعليم العالي كان لها خبر نصه:
أوضح وكيل وزارة التعليم العالي لشؤون الابتعاث الدكتور عبد الله بن عبد العزيز الموسى أن التعميم الذي أصدرته الوزارة بعدم ابتعاث أي من الطلاب إلى جامعات خارج ما سمي بمجموعة الثماني «***** of Eight» بأستراليا يختص بالمبتعثين الجدد.
وأوضح الدكتور الموسى، أن من تم ابتعاثهم قبل صدور القرار إلى جامعات أخرى ثبت تدني مستواها فإنه سيتم الاعتراف بجميع شهاداتهم وذلك للذين يدرسون في جامعات وتخصصات موصى بها من قبل الوزارة قبل صدور القرار.
وفي ما يخص بإمكانية تحويل الطلاب المبتعثين حالياً إلى الجامعات الثماني، ذكر وكيل الوزارة أن الوزارة تشجع بالفعل من يرغب التحويل إلى «***** of Eight» لكونها الأميز بين الجامعات الأسترالية، حيث تقوم الوزارة بمراجعة شاملة للجامعات المعتمدة على مستوى العالم وخاصة في الدول المعتمدة في برامج الابتعاث كما أن الوزارة لديها لجنة خاصة بدراسة أوضاع الجامعات بصورة دورية وفقا لمعايير عدة، من بينها درجات تصنفيها العالمية ومستوياتها التي تمنحها لها الجهات المرجعية في دولها، ومدى اعتمادها من جهات أكاديمية مرموقة، وهي لا تنحصر في دول الابتعاث فقط خصوصا في ظل الطلبات التي ترد من الدول الأخرى لابتعاث الطلاب السعوديين إلى جامعاتها ومنها المكسيك.

وللعلم أن مبتعث جامعة الملك سعود ومستشفى الملك خالد عندما يطلب ترقية لدراسة الدكتوراه بعد حصوله على درجة الماجستير فإنه يرفع طلب الترقية إلى الملحقية والملحقية ترفع الطلب إلى جامعة الملك سعود ثم من إدارة الجامعة إلى عميد كلية الطلب والمشرف على مستشفى الملك خالد ثم يعرض الموضوع على مجلس القسم ومجلس كلية الطب.
لذلك لا يستطيع المبتعث دراسة الدكتوراه في جامعة موقفة إلا إذا وافقت جامعة الملك سعود.

ثانيا :
اذا واحد يبي يغير درجته العلمية من ماستر للدكتوراه وعنده قبول 3 ستوات وتبقى قي قرار الابتعاث 2 سنة فقط هل يغير قراره واذا كان من خارج الجامعات الثمان مالعمل علما بان قراره ينص على الماجستير والدكتوراه 3 ستوات...؟؟؟
سؤالك ينص على كلمة (يغير) لم أفهم وش المقصود بالكلمة, علماً ان السؤال غير واضح بالإجمال لذا أرجوا التوضيح أكثر..

والسلام

اخوي الموارد البشرية ابشرك وصل خطاب الوزارة ازعجتهم كم يوم ادق لين خلصولي موضوعي
الحين انا انتهيت من مجلس القسم و مجلس الكلية و الاسبوع الي مراح مريت الموارد البشرية و قالت لي بعرضها على للجنة هذا الاسبوع
الحين الي باقيلي موافقه اللجنة و مدير الجامعه؟ صح كذا؟ و هل يمدي يخلص كل شي قبل 22 رمضان؟
و بعد ما يخلص هم بيتصلون علي ولا انشب لهم؟ "عجبني الوضع"

حياك الله,
مبروك دام خطاب الوزارة وصل فأمورك قربت تنتهي.
باقي اللجنة الدائمة للإبتعاث ثم موافقة مدير الجامعة ويمدي امورك تخلص خلال أسبوع.
أتوقع أوراقك تخلص خلال أسبوعين بالكثير.
الحين لا تنشبوا لهم بالحيل عطوهم وقت حتى يوم الأثنين القادم.

والله يوفقك