إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

<<<<< احس هالمستخدم بينجلد ....

سؤال ... القبول ابيه من جامعه سعود ومثلك عارف القبولات تكون على بدايه السنه الجديده ... يعني بتطوف مدتهم ...

سؤال .. عادي لو طافت المده ؟؟؟ وطيب لو انا موظفه يصير ادخل اختبارات قبول مثل البنات اللي مو موظفات ؟؟؟ ولو اقدر اجيب قبول قبل المده كيف الطريقه ؟؟؟؟الله يسعدك ادري اني نشبه ,,,

هو مهوب منجلد لكن وراه ما خرطتي كل أسئلتك مرة وحدة
أنا مالي علم بالقبولات بجامعة سعود لكن اللي أعرفه أنها مع بداية كل فصل جديد.
بالنسبة للإختبارات فهي تعتمد على القبول إذا كان فيه متطلبات مثل التوفل وغيرها فأتوقع أن الموظفين أو غير الموظفين سواء في المتطلبات.
والله اعلم

مره مشكوره ,,, والله يجزاك الف خير .... غلبتك معي .... دز لي رقم مكتبك وباي دور ... وحلاوتك عندي ( :

أخوي الموارد .. يعطيك العافيه والله يجعل ما تعمله وما تتعب عليه في ميزان حسناتك وربي يحرم وجهك ووالديك ومن تحب عن النار في هذا الشهر الفضيل

اخوي أحب أسألك بخصوص القرار الصادر من الوزارة أنا صدر لي قرار من الوزارة بالموافقة على الابتعاث وتم ارسالها للجامعة قبل فترة تزيد عن الشهر لكن للأسف الآن اراجعهم ويبلغوني انه لم يصلهم شيء .. أو يتعذرون ويقولون بعثتك على عام 2011 م علماً ان بعثتي راح تكون بسبتمبر عام 2010 اي بعد أقل من شهر .. واجابات كثيرة ما عرفت لها أي تبرير بصراحه وعميدة الكلية لم يصلها شيء من خطاباتي ..

ممكن أعرف ما هو العمل بهذه الحاله ؟؟
علماً أني أحضرت قبول آخر من جامعة مقاربة للجامعة التي رفعتها للقسم مسبقاً وهي أقوى من الجامعة التي تم قبول الابتعاث عليها ، فما الذي يجب علي بهذه الحاله ؟؟
هل اقدم لمجلس القسم القبول الجديد واعمل جميع الخطوات من أول وجديد ؟؟
رغم أن اللغة راح تبدأ بنهاية السنه الميلادية وأكيد ما راح يكون عندي وقت من أجل انهم ينتهون من مشاويرهم اللي تعودنا عليها من زمان ..

أتمنى تجاوبني وربي يسعدك دنيا وآخره ،،،

أختك / نوره

العفو بس حلوة منك مشكورة
الحلاوة ما تبي مكاتب ولا أدوار, التحويل من النت على طووول

ولا نبي شي, الله يرزقك من واسع فضله

ولك مثل ما قلتي وجراك الله خير الجزاء.
للآسف إني ما فهمت أستفسار فيه شوي غموض >> حلوة غموض.
أولاً إنتي لازم تفرقين بين موافقة الوزارة وقرار الإبتعاث, الوزارة ترسل خطاب موافقة والقرار يصدر من الجامعة اللتي تعملين بها ويكون بعد وصول موافقة الوزارة إلى الجامعة وبعد أستكمال أجراءات الابتعاث من داخل الجامعة.
ثانيا: من قصدتي في جملتك: (الآن اراجعهم ويبلغوني انه لم يصلهم شيء .. أو يتعذرون ويقولون بعثتك على عام 2011 م).
ثالثا: وش هي الخطابات المرسلة منك إلى العميدة ؟؟
رابعاً: تقولين أن بعثتك راح تكون بسبتمبر عام 2010 وإنتي تقولين أن قبول ثاني معك بداية اللغة في نهاية السنة إنتي حددي وش القبول ووشو الدرجة وأي القبولين اللي إنتي تختارينه.

معليش لو كلفت عليك وأوضحتي لك أستفسارك أكثر
وبإذن الله احاول اقدر أجاوبك. (طبعاً أنا أتكلم عن التابعين لجامعة الملك سعود).

أخوي الموارد البشريه
عندي سؤالين
الأول: أنا رحت لجامعة الملك سعود ووزارة التعليم العالي عشان اسأل عن قرار الابتعاث وقالوا لسى سألتهم انتم تداومون في عطلة رمضان كلهم قالوا ايه نداوم وممكن قرارك يصدر في الاجازه ما عندك مشكله فهل كلامهم صحيح ؟
الثاني : هل من الممكن أقدم على إجازه مرافق بخطاب موافقة الجامعة او لازم قرار الابتعاث لان موافقة الجامعة أخذتها من عندهم طبعا انا موظف حكومي راح ارافق زوجتي المبتعثه علما ان موعد سفرنا راح يكون 13 شوال
ولك كل الشكر والتقدير

حياك الله,
أنت لازم تفرق بين خطاب موافقة الوزارة اللي يجي من وزارة التعليم العالي وقرار الإبتعاث اللي يصدر من جامعة. بالنسبة للسوال الأول:الملك سعود بالنسبة لجامعة الملك سعود عندهم نظام يسمونه تكليف خلال أيام أجازة عيد الفطر المبارك. وكلامهم صحيح ممكن يجي الرد بالموافقة من الوزارة ثم جامعة الملك سعود تصدر قرار الإبتعاث, لكن خطاب الموافقة مثلك عارف فيه طرف ثاني اللي هو وزارة التعليم العالي. يعني إذا الجامعه يعملون أيام العيد فالوزارة لازم تكون بالمثل حتى تجي الموافقة ودامهم قالوا لك يمكن تجي فعسى ربي يسهل أمركم.
وبالنسبة للسؤال الثاني:إن كان عندك الخطاب المرسل من عمادة شئون الموظفين إلى عميد الكلية اللتي تعمل بها المعيدة, وكان مضمون الخطاب:
الإفادة بموافقة الجامعة على إبتعاث فلانه بنت فلان إلى كذا وكذا.
وطلبهم بمراجعة العمادة لإصدار قرار الإبتعاث في تاريخ كذا مقدم معك صورة الجواز والتأشيرة وإخلاء الطرف إلخ.
فهذا الخطاب تأخذه لجهة عملك وكثير أستخدموه وأصدرت لهم جهات عملهم أجازة أستثانئية بدون مرتب طيلة مرافقة المبتعثة.
والله أعلم

أخي الموارد البشرية
أولا : جزاك الله خيرا على ردودك وإجاباتك الوافية لجميع الأعضاء
ثانيا : استفساري هنا عن المرافق..
ارغب بدراسة اللغة في بداية الأمر لحالي وبعد مضي سنة أرجع وآخذ زوجتي وأطفالي وأرجع أكمل دراستي ..
برأيك احجز لي موعد لحالي بالسفارة واسدد رسوم فيزتي وخلافة وآخذ فيزتي ثم بعد مضي العام أعيد الكرة لزوجتي وأطفالي من أجل الفيزا علما بأني سأحاول من هناك أن أحضر لزوجتي قبول دراسة بالمعهد إن تسهلت الأمور.
أو ترى أن أحجز لها معي موعد وأفتك من هم المواعيد .. لكن لو فرضنا وطلعوا لها ولأطفالي فيزة F2 هل تنتهي بفترة محددة يعني شهر أو شهرين؟ أو عادي ممكن تبقى الفيزة مفتوحة التاريخ وبعد سنة أرجع آخذهم معي..

آسف على الإطالة
وجزاك الله خيرا

حياك الله,
بالنسبة لموضوع الفيزا ما اقدر أفتيك فيه واعطيك العلم الأكيد.
لكن أنت ما تقدر تطلع فيزا لزوجتك إلا ومعك قبول دراسي.
ولو معك قبول في الفيزا والـ آي توني محدد تاريخ لدخول الدولة يعني لو تعدى هالتاريخ تعتبر الفيزا لاغية.
لذلك زبط أمورك على بعد سنة والله يسهل أمرك

والله اعلم