إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

اخوي الموارد البشرية

ماقصرت يالغالي على توضيح الامور

والسرعة في الرد

بس ياخوك انا موضعي مختلف شوي انا ماعندي حساب في سامبا

سويت عمليت ايداع يدوي في البنك وعطوني وصل ورقة صفرا واخذوها حقين السفاره يوم المقابلة بس مع منها صوره

والسيفيز سددتة بالنت عن طريق حساب اخوي

وش السواه ياخوك في مثل حالتي ؟؟؟؟؟؟؟

والف شكر يالغالي

على تعاونك وجزيت خيراً

صباح الخيرات
الصراحه مادري وش اقولك يا محمد,
أنا برايي انك تروح سوق العزيزية جنوب الرياض وتأخذ لك ونيت جح وتبسط بمخرج 14 وتسترزق
تدري , أنا اقول دراهمك يخلف الله عليهن
الحين الجامعة دافعه عليك مصاريف الدراسة وراتب وانت بالخارج يعني ما قصروا , لذلك انا اقول اللي دفعته أعتبره (صدقه ودفعه بلاء)
وكشف حسابك أخوك يفيدك كثير واللي ما عندك فيه وصل أطلب الله.
ايييييييييه فمان الله

هههههه
ضحكني اخر رد

طيب اخوي انت مافهمت قصدي
انا الحين كل خوفي تكون الجامعة ماعندهم الا مستويات عليا في اللغة
يعني مايقبلون الا اللي يجيب الدرجة المطلوبة
واللي مايجيب اخاف حله انه يرووح معهد خارجي يدرس الين يوصل للمستوى المطلوب ؟مادري فهمي صح ولا غلط؟؟

أخوي موارد بشريه

انت كتبت في بداية الموضوع
الجمله هذي

" مراجعة إدارة تنمية الموارد البشرية أو مكالمتهم عن طريق الهاتف للتأكد من مخاطبة وزارة التعليم العالي حيال عدم ممانعة الوزارة على إبتعاثك."

انا مافهمتها وبصراحه اول مره اسمع فيهاا..؟؟

انا معيده تبع جامعة شقراء..
هل مطلوبه مني الخطوه هذي ..؟؟

آآآآآآآآه يا ألبي
شوفي شموخ الصراحة أمور الدراسة بالخارج مالي فيها علم مجرد أطقطق ولا أعرف عن تفاصيلها لذلك شوي غيري
ترى المبتعثات رفيقاتك عندهم معلومات كثيرة بحكم أنهم دخلوا جو المعاهد والدراسة.

ايه نعم مطلوبه منك الخطوة هذي بحكم أن جامعة الملك هي التي تستكمل أجراءات ابتعاثك, لذلك تاكدي منهم.

مرحبا
أن كان طلب الابتعاث بقبول لغة فقط, المعهد لازم يكون تابع لجامعة فيها تخصصك ومعترف به ,
ولكن أن رفعتي طلب الابتعاث بقبول لغة ومعه قبول أكاديمي فبإذن الله ما عندك مشكلة مهما كان المعهد.
وإن كان ودك ترفعين طلب ابتعاث لغة فقط ومن معهد غير تابع لجامعة معترف بها في تخصصك بالحاله هذي اشرحي بخطاب طلب الابتعاث انك ما قدرت تحصلين على قبول لغة غير من هالمعهد بحكم أنهم يطلبون درجة جيدة في اللغة وبعده تابعي طلبك هل وافقت عليه الكلية او لا وإذا وافقت كليتك فبإذن الله أن لجنة الابتعاث بالجامعة ما يخالفون وبيوفقون بناء على موافقة الكلية والله يكتب لك الخير

اشكرك والله يجزااك جنات النعيم ومايوريك هم ولا كربة
ماقصرت اخوي

العفو ولك مثل ما قلتي وأكثر والله يوفقك ويسهل أمرك