إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

مرحبا

متى انقطع عن العمل
اذا سويت اخلاء طرف
والا اذا صدر امر اركاب
ولا متى

الف شكر على ماتبذل من جهد

إذا استلمت صورة قرار ابتعاثك بعدها تترك العمل
وحياك الله

هههههههههههه عليك ردود
يعطيك العافيه .. مره بالك طويل ماشاء الله

المهم << الله يعينك ههههه

عشان ابتعث لابد من الخطوات التالية :
1- اجيب ضمان بنكي من الموارد البشريه الدور الرابع نساء
2- اراسل المعهد التابع للجامعه اللي فيها تخصصي
3- يجي قبول المعهد ارفع خطاب لقسمي + اروح للموارد البشريه عشان يرفعون خطاب للوزاره يطلبون الموافقه + اطلب موعد للسفاره عشان الفيزه
4- بعد مايجي القبول من مجلس الكلية احجز امر اركاب
5- يجي قبول نهائي قبل شهر من الدراسه اخذه واسوي اخلاء طرف .

كل اللي فوق صح ؟
اذا صح
خذ الاسئله .. 1- وش الاوراق اللي يحتاجونها الموارد البشريه عشان يعطوني ضمان بنكي + كم المده عشان يعطوني الضمان ؟
2- صيغه الخطاب اللي ارفعه لمجلس القسم + ماهي الاوراق اللي ارفعها معه ؟
3- صيغه الخطاب اللي برفعه لوزاره التعليم العالي + الاوراق اللي معه .؟
4- امر الاركاب عالسياحيه طيب لو بغيت عالاولى كيف الطريقه ؟
5- التعويض عن المراسلات يعني لمن اخلي مكتب يراسل عني .. الجامعه تعوضني بالمبلغ اللي دفعته للمكتب ؟

بتقولي اتصلي على ... ههههههههههه بقولك اجل وشوله عارض خدماتك << يعني جاوبني

ترى ردي هذا لخص موضوعك هههه انصحك تحط النقاط ببدايه الموضوع ..:-)

ايه صح قريت تو موضوع واحد يسال يقول ان فيه شئ اسمه زياره للمكان اللي راح تدرس فيه يعني ممكن يعطونك الجامعه زياره استكشافيه هههههههه مدري بس احسها واحد عاجبته وحاب انها تصير صدق فا وش رايك عندنا بسعود والا لا ؟

تحياتي لك

اولاً حياك الله,
وبالنسبة للردود مادر هي جت كذا, يتحمس الواحد ويكتب لعلها صارت 70 صفحة
الخطوات اللي قلتيها صحيحة.
وبالنسبة لإسئلتك
1- الموارد البشرية لا تطلب أي أوراق لإصدار الضمان البنكي, فقط يكتفى بحضورك أو حضور من ينيب عنك ويأخذ الضمان وهو واقف أبو عشر دقايق ولو عندك أحد بمبنى إدارة الجامعة يجيب لك الضمان إلى غرفتك
2- صيغة الخطاب >> هذي يبي لها قعده لذلك إسالوا اللي راحوا يعطونك صيغته الخطاب, بعدين معيدة ومربية اجيال وما تعرفين تكتبين خطاب (يا عيب الشوم ):

سعادة عميد/ عميد كلية كذا وكذا حفظه/حفظها الله
السلام عليكم ورحمه الله وبركاته ,,,
تحية طيبة ,,, وبعد,,,
نظراً لتوجّه جامعة الملك سعود للإبتعاث الخارجي كتطوير وتأهيل لكوادرها وتسليحهم بالعلم والمعرفة أفيدكم بأنني أنا المعيدة/ فلانه بنت فلان الفلاني بكلية (أسم الكلية اللتي تعملين بها) وقسم (اسم القسم اللذي تعملين به), الرقم الوظيفي (0000) قد حصلت على قبول لدراسة اللغة فقط/اللغة والماجستير/اللغة والدكتوراه في أمريكا/بريطانيا/قريح أبا زنه من جامعة قريح أبا زنه في مجال كذا وكذا ولمدة كذا (مرفق صورة القبول).

كما أمل منكم التكرم برفع طلب إبتعاثي إلى إدارة الجامعة علماً أن موعد بداية دراستي للغة بتاريخ كذا/ وكذا/2010/2011م
وأشكر لكم دعمكم الدائم لنا.
وتقبلوا مني فائق التحية والإحترام.
أبنتكم المعيدة:
فلانه بنت فلان الفلاني
كلية كذا (أسم الكلية اللتي تعملين بها)
قسم كذا (أسم القسم اللذي تعملين به)
الرقم الوظيفي: 0000

والأوراق اللي مع خطاب طلب الإبتعاث:
1- صورة قبول المعهد أو الجامعة موضحاٌ به مدة وتاريخ يداية الدراسة والتخصص إذا كان القبول أكاديمي.
2- صورة الـ I20 إذا كانت دولة الإبتعاث هي أمريكا.
بس

3- الخطاب الموجه لوازرة التعليم العالي مالك فيه شغل, إدارة الموارد البشرية هي اللي تكتب وترسل الخطاب إنتي بس تعطينهم رقمك الوظيفي وأسمك الثلاثي. أقري الردود زين أغلبها عن هالخطب وأنا اعيد لهالجواب >>> يهاوش .
4-معاليك تبين أمر أركاب عادي يحق لك, إنتي لما تستلمين أمر الإركاب من جامعة الملك سعود تروحين لوكالة الطيار وتطلبين أنهم يحولون لك الدرجة من سياحية إلى أولى وتدفعين الفرق. سهله جداً
5-دام معك فواتير مراسلات قمتي بها بنفسك أو سواء فاتورة وحدة شاملة أتعاب من مكتب مراسلات فالجامعة ملزمة تدفع لك بس الله لا يهينك كأنها فوق عشرة ألاف فلا تطالبين بها.

ومنيب قايل لك أتصلي علي لإنك شكلك نشبة
وأنا ما عرضت خدماتي بدراهم, أنا أساعد وببلاش لك ولحبايبك
جداً متحمسه بالكتابة يا دموع
واللي يقولك زيارة لدولة الأبتعاث ويستكشف قبل ما يجيب قبول هذا ما عنده سالفة, كانوا اول يطلعون دورة لمدة 3 شهور حتى يجيب قبول لكن الحين على طول أبتعاث.
تحياتي لك وبالتوفيق.

ههههههههههههههههههههههههههههههههه قريح << بغيت اشرق

وراك تهاوش انا اقصد الخص الصفحات كلها ..

وبعدين انا طلعت الخطابات من راسي وانا اكتب .. ياكثر هالخطابات بس مثل هالخطاب احس يبي له اسلوب وانا مكروفه بالدوام لدرجه اني فقدت التركيز << الله يعينك بدت تتشكى ..

وليتك تحط رقمك ههههههههههه كان والله ها احلفلك ان يشيب باقي راسك << عارفه انه مشيب نصه

بس صراحه ردك لي منظم ومرتب حسب الخطوات هذا يدل على انك نظامي ( احسك لابس بدله رسميه وكرفته ذهبيه )

تحياتي لشخصك الكريم على تعاونك ومساعدتك

اهلين
طبعاً قريح هذي تعبيراً عن مكان بعيد وأنا ما أعرف.
وأنا أهاوش لأن خطاب وازرة التعليم العالي سهل وكثير تجي عليه أسئلة غبية >> ترى أنا ما أقصدت أستفسارك عن خطاب الوزارة

بس حلوة يبي له أسلوب, ممكن أعرف وش نوع الإسلوب المطلوب الزبدة إن الخطاب اللي كتبته أنا ممتاز وإلا !

أجل فقدت التركيز , سلامته التركيز
ومنيب حاط لك شي أبداً, ولا شيب ولا شي ولله الحمد تونا بعز صحتنا

وإذا إنتي تشوفي ردي منظم فهذا بسبب تسأولاتك المنظمة وحسن أستخدامك لمفردات اللغة >> قلب أخلاق

وحنا ما نبي إلى الدعاء وشكرا على كلامك الجميل ,

وفقك الله لما يحبه ويرضاه

السلام عليكم ...
سؤالي عن إجراءات ترقية بعثة ..بعثتي ماجستير فقط ..كيف أطلب ترقية وأنا في بلد البعثة؟
هل لازم أرجع للجامعة بعدين أقدم للدكتوراه من جديد؟ أو أقدر أكمل وأنا هناك؟ وأبدأ دكتوراه بمجرد انتهاء الماجستير؟
كم تاخذ وقت عادة ومتى يفترض أبدأ فيها؟ ؟
وكيف طريقتها والوثائق المطلوبة؟ وهل الموضوع سهل بشكل عام؟
وشكرا

وعليكم السلام
بعد حصولك على درجة الماجستير ترفعين خطاب طلب ترقية بعثة عن طريق الملحقية الثقافية وترفقين شهادة حصولك على درجة الماجستير وقبول الدكتورة الذي حصلتي عليه موضحا به الدرجة والتخصص ومدة وتاريخ بداية الدراسة ثم الملحقية ترفع طلبك إلى الجامعة السعودية اللتي تعملين بها ثم يعرض طلبك على مجلس القسم و الكلية اللتي تعملين بعد موافقة الكلية يعرض الطلب على لجنة الابتعاث ثم مدير الجامعة للموافقة النهائية يتم أرسال قرار لموافقة على ترقية بعثتك إلى الملحقية والملحقية ترسل لك قرار الموافقة. وهذه الإجراءات غالباً تستغرق من شهر ونصف إلى شهرين.
والأجراءات جداً سهله وتبدا بعد حصولك على درجة الماجستير مباشرة لذلك كثير من المبتعثين يرفع طلب الترقية إلى الملحقية ثم يأخذ أجازة و يرجع للسعودية حتى يتم اصدار قرار الموافقة على الترقية
والله يوفقك

ألف شكر لك..
لكن مو المبتعث تنتهي بعثته بمجرد حصوله على الدرجة المبتعث لأجلها؟
يعني لانتهت بعثتي بكون مضطرة أرجع أباشر في الجامعة ولا..؟
أو في حال طلب التمديد الملحقية تنتظر الجواب؟ وبالتالي مايقفلون ملفي عندهم لين يوصلهم رد الجامعة؟

الخيار لك بإكمال الدراسة أو إنهاء البعثة لذلك أول ما تحصلي على الماجستير ولك رغبة بتكمله الدراسة أرفعي طلب الترقية وبعد الموافقة الجامعة اللتي تعملين بها بالسعودية يمكنك إكمال الدراسة وعند عدم الموافقة يتم إنهاء بعثتك من قبل الملحقية,
هذا والله أعلم, والعفو