إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

يعطيك العافية
مشكور

أخي الكريم
لو كان فيه طمع ما كان كلمت ادارة الجامعة!!!
أنا أسألك ﻷعرف الاجراء المتبع فقط... حتى لايصير الذنب علي بالأخير

السلام عليكم
اخوي موارد كم سؤال عالسريع ويارب تريحني
1/رفعت خطاب طلب الموافقة على ابتعاثي لاستراليا قسمي ووافقوا الحمدلله
وكمان الكلية وافقت من اسبوع بالضبط
وللحين احاول اعرف وين وصلت المعاملة مو عارفة
وهل موافقة القسم والكلية يضمن لي انو اوراقي تمشي على مايرام
لاني بديت ماستر هنا <<من باب الاحتياط قلت الى ماتمشي اوراقي ويصير كل شي اكيد
وبما انهم وافقوا ودي انسحب هاليومين لاني حامل ودخلت شهري التاسع وممكن اولد فاي وقت فأخاف ما افضى اسوي اجراءات الانسحاب


2/خطاب الوزير صار لي شهر وخمسة ايام من وقت ما ارسلته من طرف الموارد البشرية وقبل امس دقيت قالوا ماوصل شي
وخوفتني وحدة بالموارد قالتلي احيان ياخذ 4 الى 6 شهور ...هل هذا صحيح ؟علما بأن وحدة من زميلاتي رفعت اخطاب بعدي باسبوع وجاتها موافقة الوزير بس هي عى امريكا

وموظفة الموارد تقول تابعي بالوزارة
ولما راح اخوي قالوله من قالك تتابع هذي معاملة سرية وهي اتوماتيكيا تروح للجامعة
وش الحل؟؟؟

اسفة عاالاطالة
وشكرا

عزيزي ولا تزعل
خلاص مو طمع
واتمنى لك التوفيق وربي يسهل امرك ويرزقك
تحياتي

وعليكم السلام ورحمه الله

بالنسبة لسؤالك الأول, ما أنصحك تنسحبي من دراسة الماجستير حالياً حتى تصدر موافقة معالي مدير الجامعة النهائية.
وممكن أحد يتابع المعاملة عن طريق رقم المعاملة الصادر من مجلس الكلية على نظام مدار حتى تعرفي وين وصلت معاملتك.
وحتى لو جاك المولود وإنتي تدرسي الماجستير هنا فما عندك آي مشكلة.

وبالنسبة لسؤالك الثاني: فالأفضل لك تنتظري حتى يتم شهر ونصف على أرسال خطاب الوزير وترى الإجازات تزبد من تأخر الخطاب ولا تشيلي هم لإنها ما تتأخر لمدة 4 أشهر أو 5 أشهر إلا إذا كان المطلوب إبتعاثه لديه مشاكل أمنية أو مطلوب لإحدى الجهات الحكومية. وأيضاً الوزارة لا تعطي آي معلومات عن هذا الخطاب ومالك إلا إنتظار الرد.

وربي يسهل أمرك ويسهل حملك
وبالتوفيق
تحياتي

وعليكم السلام ورحمه الله وبركاته
حياك الله يا توليدو سواء ذكرتك أو لا
أولاً إنت وش وظيفتك في مدينة الملك عبدالعزيز للعلوم والتقنية؟
إن كانت وظيفتك إدارية فمثل ما قلت إجراءات ابتعاث الموظفين الإداريين شوي صعبة وللآسف لا علم لي بطريقة تسهل أبتعاثك عن طريق مدية الملك عبدالعزيز للعلوم والتقنية
ولكن ممكن تطلع على شروط إبتعاث الموظفين الإداريين على الرابط:
http://www.mcs.gov.sa/McsImages/006.pdf
ممكن لك التقديم على الإعادة بجامعة الملك سعود حتى لو كنت على رأس العمل في مدينة الملك عبدالعزيز للعلوم والتقنية.
وعندك برنامج خادم الحرمين الشرفين للسنة القادمة ممكن تقدم عليه يمكن الله يرزقك ببعثة.
والعفو
تحياتي

اشكرك على سرعة الرد
بس ضيقت صدري يوم قلت للاتنسحبين
لاني بصراحة مو قادرة اداوم
والدكتورة رفضت تعطيني مرضي
وهالاسبوع اختبارات


بستخير وربي يكتب اللي فيه الخير
وربي يسمع منك وماتطول المعاملة
ورد الوزير يجي خلال هالاسبوع عشان اتطمن

العفو

لا تنسحبين حتى ما تخسرين الثنتين (دراسة هنا أو في أستراليا)
الأجازة المرضية لك الحق من طبيب في مستشفى حكومي ولا احد يقدر يقولك لا
وإن شاء الله ما تطول المعاملة.

وربي يسهل امرك في كل شي
تحياتي

يعطيك العافية ماقصرت