إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

حياك الله,
جامعة الملك سعود ممكن تعوضك عن المراسلات وذلك برفع خطاب من عميد الكلية بطلب التعويض. أما التأشيرة فلا يتم التعويض حتى يصدر قرار الإبتعاث.
وبعض الملحقيات في بعض الدول تعوض عن رسوم إصدار التأشيرة فقط ولا تعوض عن المراسلات. لذا يفضل أن تطلب التعويض من الجامعة اللتي تعمل بها.

تحياتي

أخوي الموارد البشرية
زوجتي معيده مبتعثه وكان موعد بداية الدراسة في المعهد30 سبتمبر 2010 وبسبب تأخر موافقة التعليم العالي تم تأجيل قبول المعهد إلى 6 يناير 2011م
بالصدفة اليوم مريت القنصلية عشان استفسر هل إذا تأخر المبتعث عن موعد السفر تلغى التأشيرة حيث استخرجت التأشيرة الاولى شهر اغسطسطس 2010م فأفادوني أن التأشيرة تكون ملغيه بسبب أن الكاس نمبر القديم يختلف عن الكاس نمبر الجديد
سؤالي هل الوقت يكفي لاستخراج تأشيره جديد حيث أن الموعد الجديد لبداية المعهد 2 يناير 2011م
وثانيا من سيتحمل قيمة التأشيرة الاولى والثانيه ممكن يكون الاجمالي ثمانية الاف ريال
ولك كل الشكر والتقدير

حياك الله , أرجع من السفر وباذن الله اركز معك وارد لك

صباحك أنس اخوي موارد بشرية
ترجع بالسلامة ان شاء الله
بس حابة اسألك
توني مسكرة من ادارة الابتعاث
دقيت اسأل عن معاملتي وين وصلت
قال لي
خلاص ان شااء الله بتعرض عاللجنة
واتصلي بعد شهر ..وش معنى هالكلام؟؟؟
انا دراستي تبدأ في 14/2
2011
واعرف ان القرار مايصدر الا قبل شهر من دراستي
بس بديت اقلق ..مافي مجال اعرف من قبل ما اذا تمت الموافقة او لا
ولو ابغى اعرف اتصل على مين ؟
لاني بصراحة وراي اجراءات كثيرة لازم اخلصها او ابدا فيها
من استخراج جواز للبييبي الجديد اللي جاي باطريق
والفحص الطبي
والفيزا لي وله
وفيزة اخوي المرافق
وكل هالامور معلقة
وماودي ابدا فيها لين اتأكد انو ك شي اوكي ..بس كيف اتطمن؟


شي ثاني
بخصوص خطاب الوزير كمان للحين ماجا رد بالموافقة وانا مرسلته من 25 شوال
ماكأنه طول ؟؟

يقولون لي راجعي الوزارة والوزارة تصرفنا
ايش الهرجة ؟

السلامـ عليكمـ
أنا محتارة في أمري ..
أنا حجزت حجز مؤكد من الرياض لواشنطن وآخر مدة لتسديد هي 26 ديسمبر وإلا يعتبر الحجز ملغي ! مع العلم أمام موعد دراستي يومين فقط متفرقين يوجد بهم حجز أما باقي الأيام لا يوجد مقاعد..
أخاف لو تأخرت إلى صدور أمر الإركاب ما راح يكون في حجز وأضطر الذهاب في موعد قريب جداً من موعد دراستي يعني ما يمديني أستقر بالمدينة اللي راح أسكن بها بإذن الله..
السؤال هنا : لو دفعت التذاكر و أعطيتها الموارد البشرية لإصدار أمر الإركاب يتم تعويضي أم لا ؟ وش الحل في هذه الحالة؟

شكراً مقدماً .. تحياتي ~

حياك الله يا عزيزي
غلازة وخفه دم: لو أنا منك أحول البعثة من أمريكا لبيروت أملح و أوسع صدر >>> توه جاي من هناك

صراحة ما أقدر أفيدك عن الوقت لكن اللي أخبره أن إصدار التأشيرة الامريكية من شهر 9 ما تأخذ أكثر من شهر وأنت وحظك.
وبالنسبة لرسوم لتعويض رسوم التاشيرة التعويض يكون للتأشيرة الأولى لكن منتب خسران شي لو وافق لكم عميد الكلية برفع طلب تعويض عن إصدارة التأشيرة الثانية ويكون موجه لعمادة شئون الموظفين , ولا تعلم الموظفين هناك إنه التعويض لثاني مرة حتى ما ينشبون لك, وحتى لو رفض عميد الكلية رفع التعويض أو رفضت عمادة شئون الموظفين تعويضك تقدر ترفع مباشرة لمدير الجامعة وبإذن الله أنه يوفق لك بالتعويض.

تحياتي لك

حياك الله يا شموخ,
والله يسلمك من كل شر

لو أنا منك شفت لي أحد يطمر لإدارة الموارد البشرية يتأكد أن موضوعك يعرض على اللجنة بإقرب جلسة للجنة لانهم كل أسبوع يكون لهم جلسة واللي قالك تكلميهم بعد شهر حتى تأخذ المعاملة أجراءاتها الرسمية على رواق لكن لو راح لهم أحد من طرفك يعجلون فيها لكن لازم يصير واحد لحوح
ورقم مدير الإدارة هو 4678122 كلموه حتى يعجل لكم في المعاملة.
وبالنسبة لخطاب الوزارة فهو تأخر كثير من نهاية شوال إلى نهاية ذوالحجة هذي شهرين لازم واحد يأخذ رقم المعاملة الصادر من الجامعة ويروح للوزارة وينشب لهم ويتأكد يمكن وصلت موافقة الوزارة للجامعة وهم ما حطوا منها صورة في ملفك الوظيفي. واللي يروح للوزارة ومعه رقم الصادر للوزارة يعلمونهم إذا هم ردوا على الخطاب أو لا ومثل ما قلت لك لازم يصير لحوح.
والله يسهل أمرك ويسهل عليك حملك
تحياتي

وعليكم السلام ورحمه الله وبركاته.
ولا تحتار ولا شي
طبعاً الموارد البشرية ما يعوضونك بقيمة التذاكر ولكن أنت أمامك ثلاثة أمور:
الأول: أنك تحجز عن طريق وكالة الطيار وقبل إلغاء الحجز بيوم رح لهم وخليهم يمددون لك تاريخ إلغاء الحجز.
الثاني: أن تخربها وتشتري التذاكر على حسابك والجامعة تعطيك أمر الإركاب تروح لوكالة الطيارة وتبيع أمر الإركاب على الطيار ويعطوك قيمة التذاكر لكن الطيار بخصمون من قيمة التذكرة بنسبة معينة وأضنهم يخصون 20 بالمية من قيمة التذكرة و رح أو كلم وكالة الطيار تأكد كم يخصمون من قيمة التذاكر.
الثالث: أن تخربها مرة ثانية وتشتري التذاكر على حسابك والجامعة تعطيك أمر الإركاب تروح لوكالة الطيارة وتفتح عندهم حساب وتدخل أمر الإركاب بحسابك عندهم وتصرفها لتذاكر في آي وقت ثاني.

أتمنى إني قدمت لك معلومة مفيدة
وعمار يا لبنان

 المشاركة الأصلية كتبت بواسطة الموارد البشرية

حياك الله يا شموخ,
والله يسلمك من كل شر

لو أنا منك شفت لي أحد يطمر لإدارة الموارد البشرية يتأكد أن موضوعك يعرض على اللجنة بإقرب جلسة للجنة لانهم كل أسبوع يكون لهم جلسة واللي قالك تكلميهم بعد شهر حتى تأخذ المعاملة أجراءاتها الرسمية على رواق لكن لو راح لهم أحد من طرفك يعجلون فيها لكن لازم يصير واحد لحوح
ورقم مدير الإدارة هو 4678122 كلموه حتى يعجل لكم في المعاملة.
وبالنسبة لخطاب الوزارة فهو تأخر كثير من نهاية شوال إلى نهاية ذوالحجة هذي شهرين لازم واحد يأخذ رقم المعاملة الصادر من الجامعة ويروح للوزارة وينشب لهم ويتأكد يمكن وصلت موافقة الوزارة للجامعة وهم ما حطوا منها صورة في ملفك الوظيفي. واللي يروح للوزارة ومعه رقم الصادر للوزارة يعلمونهم إذا هم ردوا على الخطاب أو لا ومثل ما قلت لك لازم يصير لحوح.
والله يسهل أمرك ويسهل عليك حملك
تحياتي

الله يحييك اخوي
ومشكور عالدعوات الحلوة

اوكي بخلي اخوي يكرة يروح لهم
بس لمين بالضبط ؟
فيصل الحربي؟
ولا في احد غيره ؟
وترا الرقم اللي انت حاطه هو اللي دقيت عليه اليوم وقال بعد شهر
قال لي انتي دراستك تبدا في 14 /2 يعني كنه يقول لي ليش العجلة ؟

بالنسبة للخطاب عندي رقم الصادر حقه
وراح فيه اخوي بعد اسبوع ونص من رفعه
قالو له المعاملة سرية وما مفروض تجي تراجع واليوم حق الموارد يقول لي ازعجوهم
وان شالله بكرة الوالد بيروح
ويطلع عيونهم
بس على الله يطلع بنتيجة
طيب الحين بعد ماتوافق اللجنة وش يبقى بالضبط ؟ وكم يبغاله ؟

حياك الله,
إيه نعم فيصل الحربي الرقم اللي عطيتك هو رقمه, وهو قالك شهر حتى ما تنشبون لهم لكن عاد راعي الحاجه لحوح
مروهم حتى يدخلون معاملتك بأقرب جلسة للجنه, وهو لمح لك أنه بدري وهو صادق بقولته بدري من ناحية الاجراءات في داخل الجامعة لكن هو ما يدري ظروفك وحملك ولا فكر في إجراءات إصدار التأشيرة لذلك لو راح له أحد وقاله عن الظروف متأكد انه بيخدمكم.
وبالنسبة لخطاب الوزارة ما يضر لو يمرهم ثانية والان الوزارة بتعطيكم العلم الأكيد بإذن الله لان موظفين الوزارة إذا تأخرت عندهم أكثر من شهر ونصف لازم يعطونك هي راحت للجامعة أو لا .
والله يعينكم على المشاورير

واللجنة إذا وافقت ترفع لمدير الجامعة ويوقع عليها بالموافقة (ممكن بنفس يوم أجتماع اللجنة أو بعد الإجتماع بيوم) ويحق لك إصدار قرار الإبتعاث.

تحياتي