إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

هههههه والله اني قاريه كله
بس ما كملت ثالثا

مشكور مرة ثانية

العفو
والمرة الثانيه أقراه زين
تحياتي

مرحبا
ابي اسأل هل عند صدور قرار الابتعاث يقطع الراتب ويرجع يصرفلي نصفه عند بداية الدراسة؟
هل من الافضل تأخير عمل اجرآت اخلاء الطرف لضمان الحصول غلى آخر راتب قبل السفر؟
وشكرا

حياك الله,
الراتب لا ينقطع الراتب بل يقتص منه نصفه مع تاريخ بداية الدراسة.
يعني لو بداية دراستك في يوم 23/11/1432هـ ينزل لك يبوم 25 راتب كامل لـ 23 يوم,
ويوم 24 و25 وينزل لك نصف الراتب في يوم 25/12/1432هـ إلى نهاية دراستك بالخارج.
وأجراءات أخلا الطرف لا تؤثر على الراتب ولا يتم أقتصاص آي مبالغ مالية من راتبك إلا مع أول يوم من بداية دراستك.
هذا والله أعلم

ابسأل ياجماعة يعطيكم العافية هل اذا جبت قبول لغة او جامعة هل تطول المدة حتى يصدر امر الموافقة على الابتعاث من مجلس الجامعة لاني سمعت انه مجلس الجامعة يعقد كل ستة شهور يعني هل ممكن يصدر القبول بشهر واحد
للعلم ( انا معيدة بجامعة ليست جامعة الملك سعود)
وشكــــــــــرا

حياك الله يا ميمو مادري سوسو

أضن سنة أشهر كثيرة حتى تصدر الموافقة إذا كانت المعاملة نظامية ولا يوجد بها نواقص أو أشكاليات.
وإن كانت نظامية فاقصى حد لها هو ثلاثة أشهر, والله أعلم

عزيزي الموارد البشرية .. يعطيك العافية على هالموضوع إلي استفدت منه وما زلت استفيد

انا معيد في جامعة الخرج ومثل ما أنت عارف ما زلنا تابعين لجامعة الملك سعود ( ملفي وراتبي عن طريق جامعة الملك سعود )

سؤالي يتعلق ببدل الندرة .. الآن زميلي في جامعة الباحة مبتعث ويصرف له بدل الندرة وانا أطلعت على الخطاب الموجة لجامعة الباحة ( من أمانة مجلس التعليم العالي ) رداً على سؤالهم وكان الجواب إن بدل الندرة يصرف للمبتعث وبعد فترة تقريبا بدأو يصرفون لهم وبعد كذا بدت الجامعات تتبع هذا النظام مثل الملك عبدالعزيز في جده وصرفولهم بأثر رجعي ايضا وما ادري عن الجامعات الثانية.

سؤال هل اطلعت على هذا الخطاب ؟ إن اذا كان الجوال لأ علمني عشان ارسله لك

إذا عندك علم عنه فأرجوا تعطينا آخر الأخبار ,, وهل ممكن توصل ( الخطاب ) للشخص الي تراه مناسب .

شكرا لك مقدما وانا مبتعث من ثلاث شهور .

حياك الله يا عزيزي
وشكرا على متابعتك للموضوع وأتمنى لك دوام الفائدة والإستفادة.
ولكن للإسف لم أطلع على الخطاب الذي ذكرته.
ممكن ترسل الخطاب نوصله للشباب, لكن إذا كانت جامعة الملك سعود لا تصرف بدل الندرة فأكيد أن جامعة الخرج مثلها. وإذا كنت تريد أن يصل هذا الخطاب إلى من له الصلاحية.
فأنصحك أن ترفعه إلى مدير جامعة الخرج. وتاخذ عليه رقم صادر للتأكد من وصوله والرد عليه .
وإلى مدير جامعة الملك سعود ونفس الشي رقم صادر للمتابعة وعل الله أن يكتب لك الخير.

تحياتي
وشكرا

الموارد البشرية ، يعطيك العافية ودي أسألك عن المرافق
مرافقي أخوي ، تبتعثه الجامعة معي كطالب وتعطيه ضمان مالي ؟
أو أن الجامعة مالها دخل فيه إلا كمرافق وهو يدبر نفسه بضمان مالي شخصي ، ويلتحق بالبعثة بعدين بمراجعة الملحقية ؟

أدري أنك متخصص بابتعاث المعيدين والمعيدات فقط ، لكن يمكن يكون عندك علم : )

حياك يالله يا نورة

العلم عند الله
لكن بالنسبة للمرافق فالجامعة اللتي سوف تبتعثك لا تتحمل آي مصاريف مالية للمرافق سوء تذكرة السفر إلى مقر البعثة.
أما إذا كان المرافق يطمع بإكمال دراسته بالخارج فعند وصوله إلى مقر بعثتك كمرافق فله الحق أن يبحث عن قبول بعد حصوله على ضمان مالي من الملحقية وبعد موافقة الملحقية على إلتحاقه بالبعثة يكون مبتعثاً رسمياً ضمن برنامج خادم الحرمين الشريفين.
هذا والله أعلم والله يكتب لكم الخير
تحياتي