إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

عزيزي الموارد البشريه

أنا أخذت قرار الأبتعاث وخلصت أخلاء الطرف وباقي علي الرحلتي أسبوع

السوال هل قدر أمدد فترة الأبتعاث مده شهرين وهل يوفقون لانه بعد شهرين راح أكمل سنه

لانه سمعت بعد سنه من التعين راح ينظرون في الملف ليش ماطلع الابتعاث أو يحول أداري

من أقدر أكلم في هذا الموضوع

حياك بالوافي.
أستفسارك غير واضح بشكل كامل.
وش تقصد إنك بتكمل سنة؟ هل تقصد أنك على رأس العمل من مدة 10 أشهر؟
أو عشرة أشهر في مقر البعثة؟
وهل أنت تقصد تمديد أو تأجيل البعثة؟
معليش ممكن تفصلي سؤالك حتى اعرف أعطيك أجابة مفيدة
تحياتي

اخوي يعطيك العافيه رجعت بكم سؤال..

1- الاوراق المطلوبه للأبتعاث واللي انت حاطهم ( استماره الابتعاث وخلو الطرف والتعهدات ...الخ هذي متى اقدمها ولمين اقدمها ؟.. خلو الطرف فهمت من الردود انه اول مايصدر قرار الابتعاث طيب باقي الاوراق متى اقدمهم ..؟ ولمين ؟ شئ ثاني خلو الطرف هذي جدول من راح يعبيه اقصد بمر على كل واحد فيهم عشان يعبي لي ويوقع ..!!!

2-هل مده دراستي في مقر البعثه تحسب كسنوات خبره ؟ بمعنى هل لمن ادرس 5 سنوات وانا موظفه من 3 سنوات لمن ارجع يكون لي = تحسب 8 سنوات ؟

3- حسب قرائتي للوائح مذكور ان ممكن يكون الابتعاث لأكمال الماجستير او الدكتوراه او (الماجستير والدكتوراه مع بعض ) ان شاء الله راح اكمل الماستر والدكتوراه فكيف اطلب هالشئ ومن مين ؟ هل اكتبه في الخطاب اللي ارفعه لعميد الكليه ؟
( لاتقول خذي الماستر بعدين يصير خير .. لأن الدكتوراه يحتاج قبولها على ماقريت من شهرين وطالع واطلبها لمن اخلص الماستر واحتمال العميد مايقبلها .. فا حابه من اولها اطلع على هالاساس ..؟ لأن الظروف تحكمني ادرس الدكتوراه هناك ..
ملاحظه / الجامعه اللي راح ادرس بالمعهد التابع لها فيها فقط ماستر لقسمي يعني بعد مااخلص الماستر فيها راح اروح لجامعه ثانيه عشان اخذ الدكتوراه ..
( وحالياً معي فقط قبول معهد )
فا وش المطلوب ؟

اتمنى احصل اجابتك في اسرع وقت لأني راح ارفع الخطاب الأحد ..


يعطيك العافيه خيو ..

حياك الله يا دموع معليش إبي أسميك دعسة من العجلة اللي فيك

1- نصف الإجابة على سؤالك الأول هي بالموضوع الرئيسي.
2- وإخلاء الطرف يتم تعبئتة وتوقيعه من جميع جهات الجامعة المذكورة في نموذج إخلاء الطرف, وطبعا يحتاج أحد من الرجال أن يقوم لك بتلك المهمه.
3- لا أضن أن سنوات الدراسة تحتسب كسنوات خدمة عملية.
4-يمكن طلب الإبتعاث لدراسة الماجستير والدكتوراه وذلك برفع خطاب طلب الإبتعاث وإرفاق قبول اللغة والماجستير والدكتوراه. ولكن كما ذكرتي أنك لم تحصلي حالياً إلا على قبول لغة وبهذا القبول يكتفى على إبتعاثك لدراسة اللغة على أن تبحثي على قبول لدراسة الماجستير.

أتمنى لك التوفيق

أنا اللي أعرفة ان سنوات الابتعاث تحسب من سنوات الخدمة

أنا اللي خابره إنها ما تحسب لكن يا ليت يتم التأكيد بصورة خطاب أو رابط يثبت أن سنوات الإبتعاث تحسب من سنوات الخدمة العملية.

دعسه خخخخ

اشكرك على اجابتك
بعدين كيف اجيب قبول دكتوراه وانا مادرست ماستر !!
بس اللوائح تقول ان ممكن اطلب الاثنين مع بعض ..
مشكله الجامعة مافيه احد يعطيك اجابه اصلا مافي احد يعرف الاجابه !! الله يعين

المعيدين في التخصصات الطبية يمكنهم الحصول على قبول لدراسة الماجستير وقبول للدكتوراه ويبتعثون لدراسة الدرجتين.

معليش أكثر الأخوة في جامعة الملك سعود ملمين في لوائح الإبتعاث ولكن المطلوب منك هو أن تحددي وتذكري تفاصيل عن تخصصك وتكوني مطلعة على مصطلحات الإبتعاث حتى يمكن ان تكون الإجابة لك محددة ومفيدة.
وإذا عندك آي أستفسار أو تساؤل ممكن أحاول أن أعطيك أجابة مفيدة.
تحياتي

السلام عليكم
حصلت على امر اركاب ولم يتبقى لي الا السفر باذن الله سؤالي
سفري سيكون الى المدينه التي بها الجامعه دون المرور بالملحقية
ارسلت الجامعه لي ايميل بان احضر اول يوم معي الجواز والتأشيره والضمان المالي
هل الضمان المالي نفس الضمان الذي من جامعة الملك سعود ام هذا الضمان من الملحقيه يختلف
هل اطلب من الملحقيه ضمان مالي
وشكرا

وعليكم السلام ورحمة الله,
لا اعلم آي ضمان مالي هو المطلوب ولكن يمكنك أن تستلم ضمان مالي من الجامعة اللتي تعمل بها قبل ذهابك إلى مقر البعثة وإذا طلبت الجامعة اللتي ستدرس بها ضمان مالي من الملحقية يمكنك التواصل مع الملحقية وهم يقومون بإرساله إليك في مقر سكنك بدولة الإبتعاث. هذا والله أعلم.