إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

جزاك الله موارد بشريه خيرالجزاء
ردود واضحه جدا ومرتبه
سؤالي ؟ هل يجوز للجامعه رفض اعطائي ضمان مالي ؟
لانهم رفضوا وقالوا جيبي قبول بعدين ارفعيه ويصير خير
طيب لو انا اضمن نفسي يعني كاني طالعه علي حسابي يؤثر علي استخراج الفيزا وممكن الجامعه تورطني لاني ضامنه نفسي

حياك الله يا شمالية,
أجابة السؤال الأول:إذا كنتي على وظيفة معيدة أو محاضرة بالجامعة فلا يحق للجامعة أن ترفض إعطائك الضمان المالي إذا كان الضمان يحتوي على أسمك الصحيح والتخصص الصحيح وأسم الجامعة اللي تحاولين الحصول على قبول منها شرط أن تكون متعرف بها لدى وزارة التعليم العالي.
الإسال الثاني عجزت أفهمه , ممكن أكثر نوضيح .

تحياتي
وشكرا لك على حسن دعائك

مرحبا اخوي موارد <<صار اسمك
ابشرك الحمدلله طلعت موافقتي اللي مابغت
يارب لك الحمد
ومرة شكرا ع كل خطوة دليتني عليها
وكل معلومة افدتني بها
بس الله يعينك اسألتي مابتخلص

ابغى اسألك عن القبول الجامعي
انا طالعة ع قبول لغة بس
لمدة سنة ان شالله
ولحين ماجبت قبول الجامعة
بس شلت هم هل لما اجيب قبول وانا هناك
راح يمر بكل المراحل التعيسة اللي مرت فيها معاملة اللغة
من مجلس قسم وكلية ...الخ
ولا كيف الطريقة
يعني انا اجيب قبول وارفعه للملحقية مو ؟
وبعدين؟
لانوي اذا نفس الحالة اكيد يبغالها مين يتابعها
وبالنسبة للضمان هل اخذو من الحين ؟؟امم بس اخاف تنتهي مدة صلاحيته؟
ولا اقدر وانا هناك اطلبه

معليش ع كثرة الاسئلة
احتسب الاجر والله يعينك
:$

الله يحييك يا شموخ,
موارد >> أحسه أسم هندي
أولاً مبارك عليك الموافقة ووصولك لإخر مرحلة من بداية الإبتعاث.
صراحة ضحكت عليك, شايلة هم على شي ناوية نسوينه عقب سنة!
عموما ,لا خلصتي اللغة بعد سنة بإذن الله يصير التالي:
1- تطلبين من الملحقية ضمان مالي وتعطينها الجامعة اللي بتأخذين منها قبول لدراسة الماجستير أو الدكتوره.
2- بعد ما يعطونك قبول ترفعين هذا القبول إلى الملحقية والملحقية ترسله إلى إدارة الموارد البشرية بجامعة الملك سعود.
3- ثم الموارد البشرية ترسل أوراقك إلى عميد الكلية اللتي تعملين بها, والعميد يرسلها إلى رئيس قسمك.
4- ورئيس قسمك يعرض الموضوع على مجلس القسم ثم مجلس القسم يرفع الموضوع عميد الكلية مرة أخرى.
5- ثم العميد يعرض الموضوع على مجلس الكلية ثم مجلس الكلية يرسل الموضوع إلى الموارد البشرية.
6- ثم الموارد الشرية تعرض الموضوع على لجنة الإبتعاث ثم للجنة الإبتعاث تعرض الموضوع على معالي مدير الجامعة.
7- ثم مدير الجامعة يرسل الموضوع على إدارة الموارد البشرية ثم تقوم إدارة الموارد البشرية بإصدار خطاب موجة إلى الملحقية الثقافية سواء بالموافقة أو الرفض.
8- ثم تقوم الملحقية بإرسال هذا القرار إليك وإنتي نايمة في بيتك بإمريكا مادري بريطانيا المهم إن الرجال تكرف على معاملتك وإنتي ما تدرين.

وبالنسبة لإستفسارك عن الضمان المالي فإنتي تأخذينه من الملحقية الثقافية في بلد الإبتعاث.

وإذا باقي عندك آي أستفسار عادي خوذي راحتك.

تحياتي

الله يبارك فيك ويخليك لعين ترجيك
ليش تضحك؟

والله بعد التوتر اللي عشته ما انلام يوم اشيل هالهم من الحين
بس من جد من جد
كلفت ع نفسك يوم تكتب كل هالخطوات
رحمتك وتعبت عنك
كان ريحت عمرك وقلتلي انو حتمر بنفس السلسلة والاجراءات التعبانة هذي لا وفيها حركات جديدة
على كذا يبيلها 4 شهور ولا خمسة <<مير ربعنا راعين طوييلة
يعني اول ما اروح ابدا اشتغل عليها
عموما الله يسعدك ماقصرت كفيت ووفيت وتكلفت

هلا يا شموخ,
ضحكت لإنك شايلة هم لكن لعلمك أن الإجراءات بعد ما تكوني في مقر البعثة تكون أسهل وترى 4 شهور كثيرة حدها بالكثير شهرين.
حطي في بالك أن أكثر ما يعقد أجراءات الإبتعاث هي البداية فقط بحكم أن خطاب وزارة التعليم العالي يإخذ وقت,
ولا ما تقدرين تشتغلين على إجراءا ترقية البعثة من دراسة اللغة إلى الماجستير أو الدكتوراه إلا بعد حصولك الإنتهاء من دراسة اللغة.

يالله ربي يعينك,
وشكرا لك

مرحبا الموارد البشرية ، أخبارك؟
كم الفترة من التعيين الى السفر؟
يعني لو على طول قدمت على ابتعاث للجامعة.

حياك الله يا عبدالله,
الاخبار زينه ولله الحمد

طبعأ جامعة الملك سعود تطلب من أحضار قبول للدراسة بالخارج مع فترة أستكمال إجراءات التعيين وقد تستغرق الاجراءات من شهرين إلى ثلاثة أشهر.

أتمنى وصلتك الاجابة.
مع التحية

مشكووووووووووووور

العفوووووو