إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

وش فيه ؟؟؟؟
هــه وش بهم ؟؟ وراهم عليك ؟؟؟؟
إذا كان مجلس الكلية هو اللي رفض أبتعاثك لازم يبررون الأسباب, ولازم يعطونك سبب الرفض.
ويعينك الله

أنا كلمتهم وقالو لي أن مجلس الكلية أوصى بالرفض
وقال لي احدهم أن الموافقه عالابتعاث تكون فقط بالدراسات العليا موب للغة
<< مع أن خطاب مدير جامعة الملك سعود وااااضح ومشكلة أنهم مايدرون عنه ..

مدري وش أسوي ضيقو صدري بصراحه ..
من جد صعبو الامور وهي مايبي لها شي


ما أقول الا حسبي الله على كل من تقاعس عن عمله وظلم الناس

وشو! . وراهم قلبوا عليك

عموما إنتي أرفعي مرة ثانية طلب الابتعاث وأرفقي ما يثبت أن مدير الجامعة وافق على الابتعاث لدراسة اللغة فقط.
بعدين إنتي اي كليه ؟؟؟
لا تقولين لي أن كليتك تابعة لجامعة الخرج أو المجمعة أو شقراء ؟؟؟
خبرك هذولي جامعات جدد وما يدرون وين الله حاطهم

رديت عليك اخوي برسالة خاصه عن الكلية الي اتبع لها

السلام عليكم اخواني

بصراحه انا مررررررررره محتاره

احد يفهمني دراسة اللغه في بريطانيا <<<<<<<<< بجد مافهمت شي :|

انا مبتعثه من جامعة الملك سعود
وحابه ادرس لغه + ماستر

بس المشكل انو مامعي نتيجه اختبار ايلتس يعني مبتدئ في اللغه

كلمت جامعتي قالو نعطيك ضمان مالي لمعهد تابع لجامعه <<< طيب المعاهد اللي تابعه لجامعه ماتقبل مبتدئين !!

يااااااااااااربي

وش الحل ؟؟
طيب نفرض اني طلعت ومشيت اموري على معهد غير تابع لجامعه لكن معتمد
كيف اطلع الفيزا <<<< شوي وانهبل

ساعدوني بلييييييييييييز

بسألك اخوي هل جامعتكم تقبل ابتعاث معيداتها لبريطانيا

ساااااعدوها بليز

سؤالك أجابته في كل ردود الموضوع واغلبها

نعم تبتعث لبريطانيا
وأصلاً من شروط التعيين احضار قبول

السلام عليكم..
أخوي أنا معاملتي موجودة الآن في ادارة الابتعاث (الموارد البشرية)
هل أقدر أحجز على الرحلات قبل ما يطلع قرار الابتعاث لأن موعد
دراستي قريب وأخاف ما ألقى حجوزات في مواعيد مناسبة لي...