إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

معاملتي عند ادارة الابتعاث وقالوا لي انها بتدخل مجلس الجامعه بعد 3 اسابيع ومن ثم يرفعونه الى وزارة التعليم...شكلهم بيطولون واسلوبهم جدا ينرفز وانا مره شايله هم التاشيره لاني بسافر الي انديانا وتعرفون تاشيره امريكا تاخذ وقت....والسفاره الامريكيه طالبه من ضمن شروطهم "خطاب ابتعاث" الحين السوال ممكن اطلب "خطاب ابتعاث" من الاداره وانا لسه ما استلمت قرار الابتعاث ؟؟؟؟ ولا وش الحل

حياك الله يا سارة,
أولا سمي بالله وخوذي نفس
وترى خابرين القسم النسائي نفسياتهم شينة ولا يعطونك العلم الصحيح.
عموما سؤالك عن أصدار التأشيرة,عادي كل ما عليك الآن تأخذين ضمان مالي من القسم النسائي حتى تعطينه السفارة حتى يعطونك التأشيرة وقرار الإبتعاث بإذن الله تتزامن ويصدر لك بالموافقة من الجامعة ويعطونك السفارة التأشيرة

تحياتي

شكرا !!! شكرا !!! شكرا !!!...الله يوفقك في الدنيا والاخره يارب

العفو!
وإذا كان هناك آي أستفسار أخر بإذن الله نحاول نساعدك.
تحياتي

السلام عليكم ..
طلبوا مني الجامعة اكون { متعاونــة } عندهم بعقد ..
اووكي

المتعاااوناات ماادري وش وضعهم بالضبط..
سألت احد الدكتورات و قالت احتمال 5 سنين على بال ما يثبتونكم و تصيرون معيدات
و دكتورة ثانيه تقول سنتين ـ سنة و نص و ان شاء الله يثبتونكم .

سؤالي ..
انا ما ودي اضيع سنين عمري بانتظار التثبيت ..
و افكر اقدم على برنامج الملك عبدلله للابتعاث.. بعدين اروح للجامعة اقدم اوراقي كـ معيدة...
و انه جاء قبولي للماستر مو من حسابكم ..<.. اوفر لهم
صرااااحــه ما اعرف وش اسوي ..
اقبل العمل كمتعاونة على امل التثبيت ، و بعد ما اتثبت اقدم ع طلب ابتعاث .؟؟

و لا ابتعث و ادرس برا و اسفههم
ثم بعد ما اخذت الماستر اجي اقدم عندهم كـ (استاذة)
أو بعد ما انقبل كـببرنامج الابتعاث اطلب التوظيف عندهم كمعيدة و انه البعثة مو على حسابكم

و لا وش الدبره

ربي يعافيكم

الله يحقق حلمي و اصير استاذة في جامعة الملك سعود يارب يا كريم

^^
^
^
^
السلام عليكم ..
اخوي الموارد البشرية قريت ردك هنا ..
و حبيت استفسر ..
بالنسبة للكلمة الي بالاحمر تحتها خط (المحاضر)
وش المقصود فيهاااا ؟؟
الي اعرفه ان المعيد مجبور ياخذ الماستر من برا ..

طيب على كذااااا حتى المحاضر مجبور ياخذ الدكتوراه من برا ..؟؟
معقووووووووووووووووووووووله الله يعين ورانا ورانا ..هالبعثة
ان شاء الله اضمن نفسي اقدر آخذ الماستر من برا

بس الدكتوراه ما ادري ><
الله يحينا حياة طيبة

وعليكم السلام ورحمه اللة وبركاته,
صراحة صعبة الإنسان ان يتنباء بالمستقبل ولكن لكل زمان ومكان أفضاله ومحاسنة.
عموما أن جينا للمتعاونات والعقود مع الجامعة هي جيدة وأغلب عقود الجامعة تم تثبيتهم بناء على الأوامر الملكية.. و رواتبهم كويسة.
لكن الإبتعاث ضمن برنامج خادم الحرمين جيد بحكم أكمال الدراسة و من مميزات أنك ممكن التعيين على وظيفية معيدة وإنتي تدرسي بالخارج.
انا طبعا أتكلم عن وجه نظر و اللي أنا أشوفه ممتاز ومتوفر ومضمون هو الابتعاث ثم طلب التعيين وقد يوفقون وقد يرفضون والأمر بأوله وأخره بيد الله, والله ولي التوفيق.
هذا والله أعلم
تحياتي.

وعليكم السلام..
المحاضر هو عضو هئية التدريس الذي يحمل مؤهل شهادة ماجستير وتم تعيينه أو ترقيته إلى وظيفية محاضر ويجب أن يكمل دراسة الدكتوراه ولكن أذا لم يستطع لظروف صعبة فالجامعة لا تمانع ولكن الأفضل له أكمال الدكتوراه.
والله يحينا حياة طيبة..
والله ولي التوفيق.
تحياتي

السلام عليكم قريت الموضوع وتقل شلت هم
الحين انا خلصت ماجستير بامريكا وقدمت اعادة بالسعودية على كذا جامعة وان شاء الله يقبلوني
بس انا خلاص جبت قبول دكتوراة وابي ابد بالفول؟؟ يصلح والا لازم خدمة ؟؟
انا كني فهمت الموضوع انهم يبون يبتعثون خصوصا سعود عشان كذا تحمست وقدمت
انا وضعي المشكلة اني مرافقة لمبتعث يعني ما اقدر اباشر

ويبدوا ان اجراءات الابتعاث تطول كم تاخد بالضبط ؟ شهرين 3 اشهر؟

السلام عليكم قريت الموضوع وتقل شلت هم
وعليكم السلام ورحمه الله, ولا تشيلي هم ولا حاجه.
______________________________
الحين انا خلصت ماجستير بامريكا وقدمت اعادة بالسعودية على كذا جامعة وان شاء الله يقبلوني
إن شاء الله يقبلونك, وفهمت من كلامك أنك مبتعثه على برنامج خادم الحرمين ولستي بمعيدة ولا محاضرة.
__________________________________________________ ___________
بس انا خلاص جبت قبول دكتوراة وابي ابد بالفول؟؟ يصلح والا لازم خدمة ؟؟
حلو حصولك على قبول الله يوفقك, لكن وشو الفول, هل هو مدمس وإلا قلابه , وشو اللي يصلح أو لازم خدمة؟؟
__________________________________________________ _______________
انا كني فهمت الموضوع انهم يبون يبتعثون خصوصا سعود عشان كذا تحمست وقدمت
ايه أكيد يبون يبتعثون وإلا وش رأيك أنتي؟
__________________________________________________ _____________
أنا وضعي المشكلة اني مرافقة لمبتعث يعني ما اقدر اباشر
التعيين مهوب لازم مباشرة إنتي قدمي على الإعادة ويسهل الله الأمر.
__________________________________________________ _______________
ويبدوا ان اجراءات الابتعاث تطول كم تاخد بالضبط ؟ شهرين 3 اشهر؟
الأجراءات للحالات العادية تأخذ من شهر إلى 3 أشهر. بس أنا اللي فهمته أنك مبتعثة, يعني مالك شغل بالإجراءات الأولية للإبتعاث إذا كنتي تطلبين أن تستكملي بعثتك على حساب جامعة الملك سعود.
__________________________________________________ __________________________________________________ _____________
أتمنى إيضاح التسأولات حتى أقدر أعطيك أجابة مفيدة.
تحياتي