:: تجمـع معيدي ومعيـدات جامعة أم القرى ::

اهلا بك ..

سبحان الله قد يكون حالنا واحد في اننا مقدمين على قسم علم النفس وتخصصاتنا مختلفه تماما عن القسم

انا ماعندي للاسف علم عن القسم ابدا ولاادري وش وضع معيدة التربية خاصة عندهم ابدا وكثير حاولت احد يفيدني لكن ماتوصلت لااحد من القسم ابدا , خيره الحمدلله

لدرجة اني اتمنى اني مااترشح للمقابلة ولااقبل لكن الله يكتب الي فيه

لكن راح افيدك بالي اعرفه اذا انت تم قبولك قبول نهائي لازم تترك الماستر لان راح توقع على تعهد باكمال الدراسه بالخارج وهذي ميزة حلوه بالاعادة الدراسة بالخارج واكتساب لغة

الراتب اعرف ان المعيدين عموما رواتبهم نفس الشي الي هو 5000 ريال وشي وراها

البدلات مااقدر افيدك فيها ابدا خصوصا بجامعة ام القرى

والله ييسر لك وييسر لنا الخير وين ماكان

ويحقق لي مااتمنى يارب

اتمنى اكون افدتك لو بالقليل

شكرا
.

ممكن تفيدوني في أفضل معهد أخد فيه دورات انجليش لاني بأتعلم اللغه هنا في السعوديه ... و المهم يكون المعهد في مكه ... بليييز

إكمال الدراسات العيا يكون في التربية الخاصة

مبارك القبول وأسأل الله لك الإعانة والتوفيق
القسم جيد ، وله مستقبل واعد بإذن الله
وعموما الشخص المميز يفرض نفسه في أي مكان
والراتب لايقل عن راتبك في التعليم ؛ بل سيزيد بإذن الله خاصة مع البدلات ( بدل تعليم جامعي 25% ، بدل حاسب آلي 20% )
موفق لكل خير

أنا جربت معهد دايركت إنجلش في النزهة جيد نوعاً ما ، وبعض الزملاء درسوا في معهد بيرلز في العزيزية ويمدحونه .
لكن كلها لا تقارن مع المعاهد في جدة .
موفقة

انا جربت بيرلتز جدا ممتاز انصحك فيه

عندي سؤال ليه مايكتفون بالدورة اللي قاعدين ندرسها وخلاص ليه لازم اختبار وتعقيد. والله قهر ندفع فلوس عشان الدورة المكثفة للمعيدين والمعيدات نجي نتفاجأ أنهم لغوها وحطونا مع الناس العاديين وفي مستويات مختلفه نقعد اسبوعين ندرس في المستوى الثالث وبعدين يلغون المستوى الثالث وينزلونا للمستوى الثاني عشان عددنا قليل يعني عذر اقبح من ذنب قلت عددنا يخلينا ندرس في مستوى اقل من مستوانا ايش شغل الاستهبال هذا وآخرتها معاهم .ماعرف المعيدين زينا ولا الاستهبال هذا بس على روسنا احنا بالمعيدات .

صباح الخير والفل والياسمين لاعضاء هذا التجمع الرائع..
اود الاستفسار بخصوص موضوع الدراسة ( الابتعاث للخارج ) , هل من الممكن ان ابتعث داخليا او ان اكمل دراستي بجامعة ام القرى ... علما باني ( ما شاء الله ) وبفضله قد ترشحت لوظيفة مع اني ادرس دراسات عليا بنفس القسم الذي ترشحت للوظيفة فية ؟؟؟ فما العمل الان ؟؟؟ هل اقدم اعتذار عن الدراسة حاليا ؟؟ او اطالب بالايفاد الداخلي بعد المباشرة ؟؟ او استجيب للابتعاث الخارجي حيث انه تم مطالبتنا بالتوقيع على الموافقة على الابتعاث في حال الحصول على الوظيفة؟؟؟
ارجووووووو من الجميع التاوب والرد... فانا في حيرة من امري ؟ ودمتم بخير...

الله يوفقك دنيا واخرة

ومبروك مقدما على الاعادة
الابتعاث الداخلي مقفل او ممكن تقدر تقولي ممنوع منعا باتا الدراسة داخليا ولا تفكري اصلا بهذا الموضوع

ولكن اذا انتي الان تدرسي ممكن اذا عيونك رسمي ونهائي وباشرتي راح يخلوكي تكملي دراستك اذا كنتي ماستر وكان الاعادة في نفس تخصصك الي تدرسيه الان لان اغلب الي تعينوا وهم يدرسوا دراسات عليا ماجستير في تفس تخصصهم خلوهم يكملوا الماستر ولكن الدكتوراه بدون كلام ونقاش لازم تكملي خارجيا ومع الاخذ بعين الاعتبار بان بريطانيا مقفله واغلب الابتعاث متجه نحو دولتين امريكا وكندا حتى استراليا في الجامعات الثماني فقط

ونصيحة اخوية لكي اذا ما كان يمديك تكملي دراستك خارج المملكة بعدم وجود محرم او اي سبب اخر لا تقبلي بالاعادة في جامعة ام القرى راح يبهذلوكي اذا ما طلعتي وومكن يحولوكي ادارية

واي استفسار انا حاضر

السلام عليكم..

اولا اشكر القائمين على هذا الموقع واشكر جميع الاعضاء على تفاعلهم مع بعضهم..وارجو من العلي القدير ان يجعل ماتقومون به في ميزان حسناتكم

انا ولله الحمد رشحت للمقابله الشخصيه بكليه التربيه قسم طرق تدريس حاسب الي حبيت استفسر من قد مر على هذه المرحله في جامعه أم القرى ماهي نوعيه الأسئله..وايضا طريقه حساب الدرجه اذا فرضنا انهم يعتمدون على المعدل ودرجه الاختبار التحريري ودرجه المقابله الشخصيه..

اتمنى من يرى الرد ان يزودني بمعلومات..واكرر شكري للجميع

اخوكم غريب الدار