:: تجمـع معيدي ومعيـدات جامعة أم القرى ::

السلام عليكم و رحمة الله و بركاته

انا تم تعييني كمعيد بكلية العلوم الطبية التطبيقية و حاب أسألكم بعض الاسئلة
و ياليت القى تجاوبكم مشكورين .,.

اولاً كم راح يكون راتبي الاساسي + البدلات ؟

ثانياً كم يوم تأخذ فترة اجراءات توقيع العقد و الكشف الطبي ؟

ثالثاً يقولوا الراتب راح ينزل بعد مرور شهرين من توقيع العقد ؟
هل هذا صحيح ام راح استلم راتبي يوم 25 من اول شهر من توقيع العقد ؟

و شكراًً لكم ..

عليكم السلام ورحمة الله وبركاته
مبارك ، وأسأل الله أن يجعلها عوناً لك على طاعته
الراتب الأساسي الدرجة الأولى 6650 طبعاً إذا كانت مدة دراستك في البكالوريوس أربع سنوات
وإذا كانت أكثر من ذلك فكل سنة تعادل درجة إضافية ( خمس سنوات الدرجة الثانية 7065 ، وست سنوات الدرجة الثالثة 7480 )
يخصم من الراتب الأساسي 9% للتقاعد
وأما البدلات فهي :
700 بدل نفل
25 % بدل تعليم جامعي ( تصرف غالباً للجميع ، وضابط صرفها إكمال النصاب 16 ساعة ، لكن أصبحت تصرف لمن أكمل النصاب ومن لم يكمله ، وأمر صرفها لمن لم يكمل نصابه بيد رئيس القسم أو عميد الكلية ، بمعنى آخر تصرف للجميع إلا من رفع فيه عميد الكلية خطاباً أنه لا يستحق )
20 % بدل حاسب آلي ( لا يصرف إلا باستيفاء بعض الضوابط والشروط " تجدها في موقع الجامعة في صفحة عمادة شوؤن أعضاء هيئة التدريس ، ولا بد من التقديم للحصول عليه )
بدل ندرة لا أدري هل يصرف لكم أو لا ، تأكد من زملائك في الكلية أو القسم .

وأما الأجراءات فهي غالباً لا تأخذ أكثر من أسبوع
وأما وقت نزول الراتب فحاول أول ما تباشر تقوم بإعطاء رقم حسابك البنكي للإدارة المالية ، وبإذن الله لا يتأخر .

وفقك الله لكل خير

السلام عليكم ورحمة الله وبركاته ,,,
اولا:
اخواني واخواتي انا معيدة في جامعة ام القرى عمادة التطوير الجامعي ,,, وطالبين مني ماستر في إدارة الجوده,, وابغى الماستر في بريطانيا نظرا لقربها ومدة الدراسه فيها سنتين (مقارنة بامريكا ثلاث سنوات ) هل إدارة البعثات رح توافق على طلبي وإلا فيها تعقيد المسأله,,,
ثانيا:
بالنسبه لاختباراللغه بليسمنت ارجو إفادتي عن افضل معهد لغة انجلش في مكه لاني ناوية ادرس عشان اعدي هالاختبار ان شاء الله,,

السلام عليكم ورحمة الله وبركاته

عدنا ....... ولدينا سؤال

مرافقي اللي هو اخوي قدم على جامعة ام القرى للدراسة فيها الترم الأول والترم الثاني راح نسافر انا وياه إلى امريكا وانا بصراحه اللي اصريت ان يقدم على الجامعة هنا ويدرس اول ترم وبعدين يقدم تأجيل ويسافر معايا وإذا ناسبته الدراسة بأمريكا كان بها وسحب ملفه من جامعة أم القرى وكمل معاي البعثه وإذا ما ناسبته لا قدر الله يرجع السعوديه ويكمل دراسته في أم القرى ويكون كذا ماضيع مقعده هنا ودراسته بس الحين بدأت الوساس فيني بخصوص الفيزا اللي معذبتنا أخاف اذا عرفوا انه طالب بالجامعة يرفوضون الفيزا . أسأل مين وكيف اطمئن . هل من مجيب . شكرا للمره الألف

أخوي أولا:
اتصل على الدكتور احمد الغامدي واسأله بنفسك بس اعتقد أنه لازم تجيب نتيجه التوفل اللي هم طالبينها كثير بنات عطلوا اوراقهم بسبب هذا القرار ومامشت المعامله إلا لما جابوا النتيجه
ثانيا : لو شايف انه اختبار التوفل صعب ادخل اختبار بليسمنت اللي احنا دخنلناه وهذا الاختبار له نماذج كثيره على موقع الجامعة العربية المفتوحه حمل النماذج وذاكر منها معظم الأسئلة تجي منها وأحنا بهذي الطريقة عدينا الاختبار وجبنا الحمد لله الدرجه المطلوبة وبدأت معاملات ابتعاثنا تمشي جرب الطريقة هذي اسهل .

أخيرا بالتوفيق للكل

اخواني ما في احد رد عليا
خلاص بالنسبه للطلب الثاني سجلت بمعهد برلتز لكن ابغى عن الموضوع الأول

ياجوده ماحد يفيدك في ذا الموضوع إلا الدكتور أحمد الغامدي عموما اعرف وحده كانت معاي في الدورة اللي في الجامعة طلبت ابتعاث لبريطانيا ووافق بس اعتقد لها ظروفها أولا أفضل الجامعات اللي تدرس تخصصها هي جامعات بريطانيا في سبب ثاني كان يخص امها بس ماني فاكرته المهم بعد تعب وافق الدكتور على ابتعاثها لبريطانيا .

مشكوره اختي والله يحنن قلبه ويوافق يارب,,,,,

السلام عليكم..

انا اختبرت امس اختار البيسمنت في الجامعه ,, الخاص بالمعيدات

مدري كم الدرجة المطلوبه للنجاح ,, ومن كم انا حليت تقريبا 25 فقره من 44

ومتى راح تطلع النتائج اتمنى اي وحده اختبرت وتقدر تفيدني لا تبخل عليا شاكره لكم....