استفسار اختبار تحريري ومقابلة لدى جامعة المجمعة تخصص محاسبة

في البداية الله يجزاك كل الخير على المعلومات القيمة جدا جدا جدا الي قدمتيها لي اختي الكريمة ويعلم الله قد ايش كنت محتاجها

وثانيا اختي كان فيه اختبار لغة انجليزية مستقل او بس نفس الاسئلة الي قلتي لي عليها ..؟

في المقابلة الشخصية وش اكثر الاسئلة الي ركزوا عليها وش طبيعة الملعومات العامه الي يسالون فيها

لانه قالي الدكتور اختبار محاسبة - انجليزي - معلومات عامه - ومقابلة شخصية

اعتذر عن ازعاجك والله يعينك علي لكن ماصدقت لقيت واحد دخل الاختبار

لك كل الود والتقدير اختي اميرة

اخوي انا كنت ابحث عن شغله ودخلت هنا بالصدفه هههه
لكن ابشر ان شاء الله بفيدك باللي عندي...
شوف الجامعات الجديده زي المجمعه اكيد يهمهم انك تكون فاهم بتخصصك بشكل جيد ماهو بس بشكل نظري حاول تتكلم عن تطبيقات موجوده وبين ثقافتك بالموجود بسوق العمل حاليا بتخصصك,,,,
لكن اللي يهمهم اكثر من كذا هو شخصيتك !!
رئيس القسم راح يقزك قز ههههه لازم تبين انك متفهم ومتعاون وتقدر تتحمل ضغوط العمل لأن الكليه جديده فتحتاج لناس نشيطين يشتغلون في كل اللجان ويكونون متعاونين,,, لكن لاتنسى تتكلم عن اللي يخصك يعني اسأل وش موجود بالكليه من تجهيزات تساعد بالتدريس وكذا وبينلهم انك مستعد ومتحمس للعمل,,,
اهم صفات لازم تبينهم (متعاون , متحمس للعمل ,كلامك واضح ومقنع) لان المعيد ماهو بس معدل فيه ناس معهم معدلات لكن مايعرفون يتكلمون ولايشرحون,,, هذا الفرق بين باحث ومعيد
ربي يوفقك وحاول تطور نفسك شوي بالانقلش لاني سمعت انهم يهتمون بهالشي كثير لكن لاتخاف اذا اثبت نفسك ماراح يدققون,,,

ربي يوفقنا واياك ودعواتك

الله يسعدك يالغالي معلوماتك قيمة وعلى العين والراس واشكرك جزيل الشكر

والله يوفقك ويسعدك دنيا واخره

اخوي اذا اتصلو عليك الله لا يهينك ردي خبر بالمنتدى لان واحد من الشباب مشغول باله مقدم بس قسم تربية خاصه هو بالتوفيق و فالك البيرق خخخخخخخخخ(الاعاده)

ابشر وانا اخوك اول مايتصلون تلقى الخبر هنا

وللعلم رئيس القسم قالي راح يتصلون عليك بعد اجازة الاسبوع الي انتهت هذي

*بالنسبة للمك سعود ماكان في اختبار انجليزي مستقل بس الاسئلة اللي قلت عليها . وجامعة الامام ماعملو اختبار بس مقابلات ..
**المقابلة الشخصية تعتمد على نفس الجامعة وتوجهها انا عملت 3 مقابلات في جامعة الامام
الاولى كانت علمية (عن تخصص المحاسبة واتوقع انو في محل الاختبار التحريري اللي راح تختبرة ان شاءالله).
الثانية شخصية (كانت مع وكيلة القسم وكانت اسئلة عامة يعني ايش الكتب الي سبق قريتها ايش المواد الاعلامية اللي تهمك كانت مثل المحاورة اكثر من انها سؤال وجاوب يعني ماتوقع في اسئلة مجهزة لهذي المقابلة بس من خلال شخصيتك وكلامك يتحاورون معاك ).
المقابلة الثالثة كانت على مستوى الجامعة يعني مع وكلاء الاقسام الادارية يسألونك عن الابتعاث والماجستير عن السيرة الذاتية يعني يعرفون ايش خططك بالحياة ) >> هذي المقابلة ممكن خاصة بجامعة الامام فقط لانو هي جامعة اسلامية وتبي تتأكد من توجهات منسوبيها...
*** عموما اهم شي لازم تكون واثق من نفسك ويكون عندك معلومات كافية عن الجامعة المقدم عليها وليش مقدم عليها ؟؟
وتكون صادق معاهم بكل شي وتكون نيتك صافية وبأذن الله ربي ماراح يضيع تعبك
الله يوفقك يااااارب وعقبال مانسمع الاخبار الطيبة

الله يسعدك ويوفقك ويعطيك على قد نيتك دعواتك وانا اخوك وبإذن الله ما انساك من الدعاء

والله يكتب لي هالوظيفة وبإذن الله انزل الخبر في نفس هذا الموضوع

اطيب الاماني

الحين طريقة الاسئلة كيف مقالي ولا خيارات ؟