مالجأت لكم بعد الله الا بعد ما يأست من الجامعه !!

انا يا اختي ايضا معيد بجامعة اخرى
ومانزلوا لي الابدل جامعة ناشئة وانا مستحق بدل ندرة وبدل تعليم جامعي وكلمتهم اكثر من مرة ومافي فايدة تصريف
وبعدين خليت العميد يسوي لي خطاب اني مستحق هالبدلات وبعدها على طول وافقو جربي هذي الطريقة ان شاء الله تنفع

وانا بعد نفس الوضع لكن لا تخافين متى وافقوا على البدل راح يصرفلك من يوم المباشره
ويجيك اثر رجعي
وبالتوفيق

يابعد عمري انتي

اكيد توك جدييييددددده
ااااااااااه ياسارا
اش نقول احنا والله ندعي عليهم صبح ومساء
مايستحون ويلطون بدلات الدنيا
كلنا كذا واخس بعد
انامعيده من سنتين وتنزل بدلات جامعه ناشئه وغلاء وتعليم جامعي
وينخصم التقاعد بس مانزل ندره ولا ظنيت بينزل
الشهر اللي فات خصموا بدلات ناس وناس
ارفعي بدلاتك مره ومرتين وثلاث وراجعي من عند الرجال
الحرييييم مقطعه قلوبهم الغيره والحسد
يقولون الله من الفلوس والبدلات على قلوبكم يالمعيدات
واي شئ تبينه راسليني على الخاص

لازم الخطاب يكون معتمد من عميده كليتك وتختم علية ويرسل عن طريق صادر الكلية لادارة الجامعه
لان اي طلب يرفع مايكون معتمد من عميد الكلية لاينظر الية
انا مثلك اول ماتعينت نزل لي بعض البدلات وبعضها لا وارسلت خطاب معتمد من العميدة والحمد الله نزلوا لي البدل من شهرين تقريبا" وانا رافعة الخطاب في شهر 12
وبالنسبة لبدل التعليم الجامعي ارفقي مع الخطاب صورة من جدولك الدراسي وعدد الساعات المكلفة فيها علشان مايكون لهم حجة
فالموضوع يبي واحد يراجع وراه الله يوفقك اختي العزيزة

الله يسعدكم يارب على الردود


بس حبيت اقول ياليالي انو انا مو جديده ياحبيبتي انا من المعينات دفعه 2008

واكيد انتي نفس دفعتي


لكن بقول لكم الي سويته رفعت جدولي بخطاب الى العميد تبعنا لانو احنا تابعين لجامعه الطائف العزيزه وقال خلاص حيعتمد الخطاب ويرسله للجامعه والله لي ترم كامل هالكلام وكل يوم يقول لي ضاع الورق ارسلي غيره
غير انو لما راح زوج صاحبتي للطايف قسم الرجال قال لا يستحقون بدل ندره وكلمنا العميد قال لا انتم ماتستحقون
طيب اذا عميدنا مو راضي يرفع لنا ايش ممكن اسوي ؟؟

لانو والله حرام هالكلام

هل في طريقه ممكن اسويها ارسل يعني الوالد بالورق للجامعه يديه العميد باناجه ولا ايش الحل لانو يأست من عميدنا المباشر ؟؟

الله يؤنس وحشة كل مغترب،ويرده سالم غانم موفور الدين والعقل،مظفر.

هل انت متأكد انه تنزل من اول يوم المباشره ولا من وقت اقرار البدل لك بعد الطلب ؟

بالنسبة للبدلات في جامعه الطائف فحدث و لا حرج .

موظفين المالية يتفلسفون هذا تستحقه و هذا ما يصرف لك شيء يقهر.

مع انه النظام يسمحلك .

بالنسبة لبدل التعليم الجامعي 25% عندنا في كلية الطب و العلوم الطبية استاذ سعودي و لا يصرف له مع انه ما اعرف هل أكمل النصاب أو لم يكمله , زملائنا المعيدين في عبدالعزيز و أم القرى الله يبارك لهم ينزل لهم البدل مباشرة .

بدل الندرة 20% يقول خلو العميد يرفع لكم من أنه البعض يقول أنه ينزل لك مباشرة مثل الجامعتين المذكورة أعلاه.

بدل الحاسب الألي 25% أقصاه , هذا لايصرف بأمر وكيل الجامعه إلا للمتخصصين في الحاسب نقول مو مشكلة لأنه صراحه ما نستخقه إلا إذا سوو بوابة إلكترونية تقدر تنزل عليها السيرة و الإيميل و إلخ... هنا تستحق البدل 20% مثل الجامعات الأخرى .

لأهل التخصصات الطبية لنا بدل تفرغ 50% للصيدلة و 70% للطب الله يزيدنا و يزيدكم من نعيمه هذا البدل حاسونا فيه حوس اللي يقول ماتستحقة (هذا بغيت ارتكب فيه جريمة) و اللي يقول لازم تمارس العمل الإكلينيكي طيب اللي تخصصو كيمياء صيدلية أو عقاقير أو تخصص لايشمل التطبيق الإكلينيكي هل راح يلزم بهذا الشيء مع أنه نص المادة لايذكر هذا الشيء , هذا البدل يصرف من أكثر من 25 سنة قبل ما يدخل التطبيق الإكلينيكي المملكة و يصرف مباشرة في جميع الجامعات بدون قيد أو شرط.

فيه بدل خطر اللي حوالي 245 ريال شهريا للتخصصات الفيزيا و الكيميا و الأحياء و الصيدلة و جميع التخصصلات التي فيها تطبيق داخل المعامل هذا يحتاج إلى سعي إن شاء الله .

البدلات من المفروض تنزل بأثر رجعي هذا اللي سمعته.

نسأل الله أن تصلح الأحوال و تقتدي جامعتنا بالجامعات الأخرى لا نروح بعيد أقله أم القرى أو عبد العزيز لأنه في الآن جامعات ناشئة كثير أصبحت أفضل منا هذا ما حصل من فراغ ...............

والله الله يجزاك خير على المعلومات

بس للمعلوميه انو كلمه (( مايستحقون البدل )) صايره زي رد السلام


يعني مايفكرون انو احنا راح نشتكي او نتابع

لانو الشكوى تترمى ب ........

وعشان كذا صار ردهم لنا كذا

رفعت خطاب للوكيل وارفقت اوراقي


والى الان لا رد ولا خطاب ولا هم يحزنون


والله احس انو يأست من هالجامعه ونظامها التعبان الله يهديهم والله بيظلمون انفسهم بأخذ حقوقنا

ما اقول غير الله ينتقم من الي كان السبب

وعلى العموم
الى بجامعه الطايف لازم ينبح صوته ويتكسر عشان يعطونه حقه

الله يصبرنا عليهم