كيف اكمل دراستي

تكفوون ابي اجابه لاتخلوني اصيح

ربي يجزاكم عني كل خير ويسهل امركم

أبحثي عن برامج للماستر لتفس تخصصك في جامعة الملك سعود أو جامعة الامام أوغيرها ، ثم اذا انقبلتي انشالله قدمي أوراقك للقسم وبذن الله يفرغونك علطول ، وهذا يسمى ابتعاث داخلي فيه كثير من الاخوات المعيدات على نفس الطريقة..


بالتوفيق والعقبال التعيين انشالله.

مشكوووور اخي خيال الشرق
بس حابه استفسر هل نحتاج نحن كميعيدين الى اختبارات قبوول للماجستير ؟؟؟

ارجو الرد
شاكره لكم

مرحبا
ع حسب نظام جامعتك
احنا بجامعة حائل جابت قبول بجامعة الأمام للمعيدات بدون اختبارات
بس انتي تقدمين عادي مع الغير معيدين وتختبرين وتنتظرين النتيجه

فيه كثيييييير معيدات عندنا يدرسون الرياض وجده والقصيم بس راحو اختبروا ونجحوا

ليتك تطلعين بره اسرع واحسن ولا رجعتي مميزات اكثر
اتمنى قدرت افيدك
التوفيق

والله جامعتنا فاتحة الخيار داخلي او خارجي ولكنها تشجع على الخارجي اكثر
اما من ناحية انك تختبري للماستر فالجواب نعم وانتي الي تجيبين القبول الجامعه ماتساعدك في هذا الموضوع
طبعا" هذا الكلام حسب جامعتنا وزي مانتي شايفة تختلف الانظمة بأختلاف الجامعات
لكن السؤال هل وقعتي على ورقه تعهد بأكمال الدراسة في الخارج ام لا؟؟؟
ربي ييسر امرك

هلا اختي الله يعنيك
بالنسبه لاكمل دراستك بالداخل فيحق لك انك تكملين بالداخل فيه معيدين واجد كملوا بالداخل
بس الجامعه بالبدايه تصر عليك انك تكملين بالخارج بس حاولي فيهم مع انه يبي له وقت كثير على ما يوافقون بس اهم شي الوظيفه انت باشري وظبطي امورك مع العميد الكليه ورئيس القسم وان شاء الله يوافقون جيبي لهم اسباب مقنعه..

وبالتوفيق