*تجمع معيدي ومعيدات جامعة الدمام*

لاتعب ولاشي حبيبتي
بخصوص الفحص والمطابقه كلها بتكون من عند الخدمة المدنية اللي هنا ماينفع تسوينه بالاحساء وبالعكس تراهم مره متعاونين ويخلصون الإجراءات بسرعه وفيه تنسيق مباشر بينهم وبين جامعة الدمام والاحلى ان فيه فرع نسائي تقدرين انتي تخلصين امورك بنفسك
بس بالأول لازم تتأكدي من الجامعة انهم وجههوا خطابكم للخدمة المدنية لأنك على اساس هالخطاب راح يمشون بإجراءاتك من فحص وغيره ( تواصلي مع استاذ جمال سليمان بالجامعة هو المسئول عنكم )
بعد مايوجهونك الجامعة .. الخدمة المدنية بيعطونك ورقة الفحص تخلصينها من المستشفى وبس تطلع النتيجة تقدمينها للخدمة المدنية بيعطونك نموذج لبياناتك وخبراتك وبعدها يطابقون ورقك وخلاص هنا تنتهي مهمتك
تنتظرين بالبيت لين يقولون لك الكلية اللي تعينتي فيها ياواااحة الطموح تعالي باشري
بعد ماتباشرين بالكلية بتلقين فيها مكتب شئون الموظفات راح يخلونك توقعين على خطاب المباشره ويعطونك صوره من المباشره
ويطلبون صورة من رقم الايبان والحساب واوراقك كلها عشان يصير لك ملف عندهم
اما الراتب اول شهر مابينزل لك راتب .. على الشهر ال٢ بينزل لك مع بدل التعيين وراتب الشهر اللي مااخذتيه
مجرد ماينزل لك راتب ساعتها اطلبي التعريف من شئون الموظفات عندكم بالكلية وهم يراسلون الجامعة ويعطونك التعريف بدون لاتروحين ولاتجين يعني بيوصلك لين عندك من خلال شئون الموظفات

موفقه

الله يجزاك خير ياقلبي على ردك ماقصرتي
بس في شغلة شوي مخوفتني طبعا انا توني متخرجة العام الماضي الفصل الأول وكنت ناوية اطور نفسي بدورات او اي شئ بس ماكان في مجال اروح معاهد او اشتغل لأن وقتها كان ابوي مريض بعدها دخلت موقع و اخذت فيه 3 دورات درستهم و اختبرت فيهم و نجحت و كلها فادتني لأنها قريبة من تخصصي و طبعا عليهم شهادات بس مايعطوني الشهادات إلا إذا دفعت رسوم الدورات و رسومها مرة بسيطة بس كان وقتها ماعندي المبلغ و إلا الآن لأن مكأفاتي مقطوعة من زمان و حافز ماشملني المهم انا في وقت المقابلة قلتلهم انو عندي هالدورات بس نسيت ماقلت لهم ان الشهادات مابعد اطلبها وتوصلني و مادري خايفة انهم يكتبون باوراق المقابلة دوراتي و لا جاوو يسوون لي ملف بشؤون الموظفات يقولون وين هالدورات او الخدمة المدنية ممكن تسألني عنهم و اخاف يقولون غير مطابقة و يشوتوني مادري خايفة حدي انا الحمدلله الشروط منطبقة علي العمر و خريجة حديثة و التخصص و كل شئ بس خايفة من موضوع الدورات شسوي الحين هل ادفع رسومهم و اطلبهم حالا و إلا عادي لو بعد التعيين اجيبهم مادري خايفة طمنوني

ياحبي لك لاتشيلين هم ياعسل
الفايل بس فيه شهادة التخرج وحسن السيره والسلوك وكرت العائلة وتقييم الدكاتره وقت المقابله الشخصيه وورقة الاختبار التحريري وقرار التعيين والبطاقة اللي فيها رقم الآيبان وكذااا
لابيحطون دورات ولاشي المقصود من هالملف عشان اي شي يخصك من قرارات او تعاميم ينحط فيه يعني بيكون خاص بأمور الجامعه
انا عندي دورات الدنيا انجلش وحاسب الي ورخصة دولية وووووو ودورات في صميم تخصصي اخذتها لما كنت معلمة ولااخذوهم ولاطلبوهم رغم اني قلتلهم بالمقابله لأنهم مايهتمون إلا بشخصيتك ووقفتك واستخدامك للحاسب الآلي ومعلوماتك وثقتك بنفسك
اصلن الملف من اول عندهم من وقت ماقدمتي على الوظيفه يعني بتلقينه عند شئون الموظفات انا اول ماباشرت قالوا لي ملفك كامل بس ناقص صورة بطاقة العائله جيبيها ولليوم ماجبتها لهم
حتى الخدمة المدنية ماراح تطلب دورات لأن ماعليها نقاط بالتعيين زي التعليم العام اللي عليه نقاط الخبره فقط ولازم تكون سنه فأكثر وبماانك خريجة جديده اتوقع ماعندك خبره في التعليم العام
الخدمة المدنية ماطلبت مني الا شهادة البكالوريس وبطاقة العايلة فقط وفيه خانه اذا معك خبرات تعليمية تقدمينها لأنها تفرق بالدرجة اللي راح تتعينين عليها وبالتالي يفرق بالراتب اما الدوات ماتضيف لك اي شي
يعني تطمني حبيبتي ولاتخلين الوساوس تشغلك عن الطاعه بالعشر الآواخر
وكلي امرك لله وخليك متطمنه

اي و الله ياريت ينحل هالموضوع مو عدل انو يكون الابتعاث اجباري خصوصا للمعيدات
انا اقترح يسمحون لنا بدراسة الماستر فقط في السعودية و الدكتوراة امرها هين مو مشكلة لو كانت بالخارج قد يكون الأغلب ظروفهم تسمح
و الله سلبوا منا فرحة الوظيفة بهالقرار المجحف
الله يكتب اللي فيه الخير و انا معكم قلبا و قالبا

اخ مهتم جداً...
جزاااك الله خير وبارك في جهودگ

وانا عني مااقدر ع الابتعاث واغلب قسمي كذلك...

ياااارب تفرجها علينااا من حيث لانحتسب

الرجاء ابلاغ اكبر عدد من الاخوات اللاتي ظروفهن لا تسمح لهن حتى يدخلن ويضمون اصواتهن وشكرا لكم ,,,

طيب خواتي بسالكم اذا توظفت معيده بجامعة الدمام متى اقدر اروح ابتعث

و علي ابي من اليوم الثاني بس ابي اعرف الاجراءات

وسؤال الاهم عند تقديم هل يطلبون قدرات الجامعيين او لا

^^ وهم لو عليهم تداومين أول يوم بعد تعيينك في بلد الابتعاث .. فيه ناس ما داوموا إلا ايام بسيطة وسافروا ابتعاث ..