قبلت معيدة ولكن____؟؟!!

شئ ثاني قبل لا أنسى الجامعه قالت لي لا تنتظري ان احنا الي نبتعثك انتي بنفسك دوريلك قبوول؟؟
ما ادري ايش سالفتهم انا ما اعرف بأممور الإبتعاث او الجامعات المعترف فيها عالميا او الي تدعمها السعودية؟؟!!

مبررروك التعيين يا زميله التخصص

بالنسبه للراتب على حسب جامعتك فيه جامعات تنزل بدلات وجامعات ماتنزل...

الواضح معاك خبره فممكن تتعينين على درجه أعلى

انا تعينت على الدرجه والاولى والراتب الاساسي كان 5700 وكنت فرش فرش من الجامعه ماعندي خبره الا شهر متعاونه... حتى ماقدمتها كخبره

بس كذا كذا مع البدلات ممكن يوصل الى تسعه الالاف واكثر وزميلتي جامعه ثانيه راتبها عشره الالاف


القبول مش ضروري بعد سنه .. كمان على حسب الجامعه ...بس يستحب تقدمين ابتعاث

وزي ماقلت لك الدرجات على الخبره أكيد تحسب

امكافاه الابتعاث تعتمد على البلد اللي رايحه له اتوقع

زي مثلا انا بدي اروح بريطانيا باخذ نص راتبي + مكافاه المبتعث ممكن حاولي 1400 باوند حاجه زي كذا..

اي استفسار حاضرررين

ههههههه الاسئله بالتقسيط..

اكيد ياقلبي انتي اللي تدووورين القبوول وتجيبينه وبعدين يسون مجلس قسم ويوافقون على ابتعاثك بعدين مجلس كليه بعدين مجلس جامعه سواء ابتعاث داخلي ( داخل الممكله) او خارجي ( خارج المملكه) الاختلاف الوحيد ان بالخارجي فيه قرار ابتعاث وفيزا وضمان مالي .. الخ ..

طمووووووووووح معيدة جزاك الله ألف خير ماقصرتي خيتووووووووو
على حسب اللي اعرفة ان الكلية الي انا قبلت فيها تصرف بدلات لان مديرة شؤون الموظفين تقربلي وهي الي قالتلي البدلات ترفع الراتب فوق وقالت لي مابيكون الراتب اقل من 8000 وكلامكم هنا انه اكثر يعني شكلهم مو كل البدلات تصرف<<<أبي اعرف الي لي واللي علي من الحين عشان اطالب فيه

صحيح لو كنت بكمل داخلي استلم راتبي كامل ولو طلعت ابتعاث اخذ النص؟؟؟<<<<ايش الفرق بين الداخل والخارج بالنهاية الثنتين طالبات تفريغ

طيب بعثات الملك عبدالله راح تفتح من جديد او المرة الي فاتت كانت الأخيرة؟؟
وانا معيدة الأفضل اني اقدم على بعثة تابعة للجامعة او اقدم على بعثات الملك عبد الله لو فتحت؟؟!!
ما اعرف شئ والله عن الابتعاث لاني ابغاها فالخارج والمحرم يبيها بدولة عربية وما ادري ايش الأفضل

صحيح لو توظفت على درجة أعلى كم بتكون؟؟ الثانية مثلا؟؟

أهلين عزيزتي البدلات مختلفه وفعلا راتبك ماراح يكون اقل من ثمان الالاف ويمكن يوصل لعشره الالاف زي صديقتي...


ابتعاث داخلي او خارجي الراتب راح يقل .. وفيه حاجه اسمها ابتعاث وحاجه اسمها تفرغ للدراسه واتوفع التفرغ للدراسه مايقل الراتب؟
بس والله اعلم .. ماعندي خبره بهالشي.... ولا احد اتوقع عطوه تفرغ .. لازم يقللون من راتبك..

انتي راح تبتعثين عن طريق الجامعه ومالك اي علاقه ببرنامج الملك عبد الله

جيبي قبول من جامعه من برى وسوي نفس الخطوات اللي قلت لك قدميها للقسم _ الكليه _ الجامعه ...

انصحك تروحين لامريكا او بريطانيا.. ولو تبين بريطانيا مرره حلوووه لو تبين بلد فيه مسجد وناس لابسين حجاب كامل براحه كامله..

لكن هذا خيار يعود لك...

الله يوفقك والف مبروك الوظيفة
بالنسبة للبدلات فهي تختلف من جامعه لجامعه ثانية وعلشان كذا راح تكون الاجابات مختلفة لكن بشكل عاام ماراح يقل راتبك عن 8 الاف ريال وعلشان تتاكدين شوفي جامعتك وايش البدلات التي تصرفها والبدلات هي
بدل جامهة ناشئة ، بدل تعليم جامعي ، بدل ندرة ، بدل حاسب الي

اما بالنسبة بين الابتعاث الداخلي والفرق بينة وبين الخارجي كل الاثنين تجيبين انتي القبول لكن وحدة من جامعه داخل المملكة والثانية من جامعه خارج المملكة وطبعا" الخارجي يصرف لك نص راتبك الاساسي + مكافاة الابتعاث +مكافاة مرافق وتقريبا" هي تساوي راتبك لو كنتي مبتعثة داخلي
اما دولة الابتعاث الي يحددها هي الجامعه نفسها وماعتقد ان الابتعاث للدول العربية متاح خصوصا" وانتي تخصصك انجليزي
والبعثة على حساب الجامعه برنامج خادم الحرمين مايبتعث الموظفين اصلا"

دمتم بحفظ الله..،،،

انا امنيتي بريطانيا بس موقعيني تعهد يوم قدمت اكون معيدة اني ادور على غير الجامعات البريطانية ما ادري ايش السبب
وايش اسم البلد اللي بتروحين لها؟؟ زميلات تخصص يمكن نكون سوى فالدراسة بعد
انا بنت عمتي كانت معيدة والحين تكمل ماستر بس مانقص من راتبها شئ هو نفسه يمكن طالبة تفرغ لانها كملت بنفس الجامعه الي هي تشتغل فيها وقبلت
مشكلتي المادة فالابتعاث الخارجي لان اللي بيروح معي قطاع خااص وبيتركه عشان يروح معي وماكمل تعليم يعني الاعتماد بالصرف وكل شئ علي بس عندي سؤال عن السكن فالابتعاث يكون علي او الدولة تساهم فيه ؟؟

الف مبروك التعين تانيا لو ابتعاث خارجي حيكون راتبكي نص الراتب الاساسي من غير بدلات ( يعني الراتب الاساسي قسمة 2) زائد مكافاة مبتعث واذا انتي ابتعاث داخلي ينزلون لك الراتب الاساسي فقط من غير بدلات بس زائد بدل ابتعاث هذا اللي اعرفه
لما سالت ليه كدا قالوا ليا لما تسافري احنا اللي ندرسكي على حسابنا يعني داخل اللمملكة تدرسي ببلاش بالجامعة اما خارج الممكلة دولة عربية او غير عربية تدفعي فلوس للجامعة عشان تدرسي فيها عشان كدا ياخذو من راتبكي ( والله ظلم بس حسبنا الله ونعم الوكيل ) وما حد يحس الا اللي مجرب
بالنسبة لبعثات الملك انتي لو موظفة ما يصير لانو شرط اساسي انو ما تكوني موظفة ( سيبي فرصة للبنات اللي مو متوظفين هههههه )
وافضل لك انك تبتعثي وانتي متوظفة من عدة نواحي وان شاء الله كلها تتسهل بوجهك وتتيسر لك ولنا لا تنسونا من خالص دعائكم