مساعدة هل من معيدات او معيدين بجامعة الملك سعود للعلوم الصحيه او اي جامعه اخرى محتاجتكم

هلا فيك

أولا:المقابلة تكون عادية جداً تتكون من أربعة أعضاء ورئيس اللجنة يعني 5 حسب معرفتي كلهم رجال غالباً
والأسئلة عادية جداً تعرفين بنفسك في البداية إسمك ومن وين تخرجتي ومعدلك ......إلخ

ثانياً: لا

ثالثاً:أغلب الأسئلة تكون عامة.

رابعاً:نظام الجامعة يختلف عن الجامعات الأخرى توقعين على عقد مدته سنة لازم خلالها تجيبين قبول (يعني الجامعة ماتسمح لك تطلعين لغة بس) ويقتصر الإبتعاث على أمريكا وكندا فقط .

خامساً:المستندات هو المفروض يجيك إيميل بس أهم حاجة صورة من الشهادة والسجل الأكاديمي والسيرة الذاتية وإذا كان عندك دورات .

توكلي على الله واهم حاجة الثقة في النفس واللي كاتبه الله يصير

بالتوفيق

جزاك الله خير ابو فراس وجعله بموازين حسناتك

كلامك كثير ريحني من القلق الله يريح قلبك ويوفقك

بالنسبه للمستندات هما لما اتصلوا علا البيت عشان يبلغوني بموعد المقابله فالوالده ردت وكتبت المعلومات الي قالتها لها الموضفه لكن خفت تكون نسيت تكتب شي فحبيت اخذ فكره لكن الي قلته مزبوط قالوا الوثيقه والسجل والسيره الذاتيه ولو في دورات وطبعا الوثاق الشخصيه و الرسميه

ربي يسهلها ويكتب الي فيه الخير

بالتوفيق إن شاء الله
على فكرة المقابلات تكون في المبنى الإداري بمستشفى الحرس بوابة رقم 1
وشفي هالموضوع ممكن تلقين معلومات تفيدك بعد جامعة الملك سعود للعلوم الصحية >فرص الابتعاث

اخ ابو فراس

هل يتم التدقيق على موعد المقابله لأني بوصل للرياض 8 صباحا وهو نفس موعد المقابله وحتى اوصل للمستشفى احتاج نص ساعه وخايفه مايسمحوا لي بالدخول للمقابله
هل لديهم مرونه او لا في المواعيد ؟

المقابلات عادةً تكون من 8 إلى 12 وإن شاء الله من هالناحية مافيه خوف بس كان لازم تعملين حسابك حتى الخطوط ماأحد يضمنهم لاقدر الله تتأخر الرحلة تتكنسل ،بس نقول إن شاء الله تتسهل امورك وتبشرينا بالقبول .

nnnnnnnnnnnnnnnnnnnnnnnnnnnnnnnnnnnn

شكرا ابو فراس على ردك


الحمد لله رحت الرياض بعد معاناة في المطار طبعا الخطوط بهذلونا وفي النهايه ماطلعنا معاهم طلعنا على طيران ثاني ووصلت لمكان المقابله قبل 9 وكانت مقابلتي بعد الظهر والحمدلله كانت مقابله جدا عاديه وسهله وخلصت ورجعنا عالمطار وبدأت معاناة اخرى مع الخطوط من 1 الظهر نحاول نطلع على كل رحله مافي مقاعد اخر شي طلعنا على طيران ثاني على 7 المغرب ووصلت جده بعد مشقه يارب مايضيع لنا تعب

اخوي ابو فارس
حبيت اسالك
عن الشروط الموجوده في العقد

اول شي
خلال السنه اللي ابحث فيها عن قبول في الجامعات برا
هل استلم راتب ؟ لو فيه يعين بحدود كم وهل فيه بدلات ؟

ومثلا لو ماسمحت الظروف خلال سنه
اني الاقي بعثه او قبول
او صار اي شي
يعني زواج نقل
وش يصير ؟؟؟؟

ارجع لهم مستحقاتهم ؟
العقد سنوي ماا اجدده معاهم ؟
اطلبهم مهله كمان سنه ؟

يعني وش تقريبا رح يصير

وبعدين لما اخلص ماجستير
لازم خلاص طول العمر اكون معاهم ؟؟

وابسالك كمان
عن بلدان الابتعاث
بريطانيا مافي ؟؟؟؟

حاولت اكلمهم
محد رد علي
ارجو تفيدني

الله يسعدك
انتظرك

هلا فيك

أكيد خلال السنة الأولى تستلمين راتب،الراتب الأساس يعتمد على التخصص فمثلاً إذا كان تخصصك علوم طبية راح يكون راتبك على النحو التالي:

7400 راتب أساس
1380 بدل مهنة
2500 بدل سكن
500 مواصلات
770 بدل غلاء

"الأرقام تقريبية"

وتخصمين منه 9% حق التأمينات

*بالنسبة إذا مضت سنة وماجبتي قبول حسب القسم إذا أثبتي فعلاً إنك إجتهدتي يعني إمتحنتي توفل وجي آر اي وراسلتي جامعات يمكن يمدد لك العقد أربع أشهر .

*من ناحية المستحقات ماترجعين لهم شيء .

*لازم تشتغلين عندهم نفس عدد السنوات اللي درستيها .

*بلدان الإبتعاث فقط أمريكا وكندا.

بالتوفيق إن شاء الله وأي إستفسار انا حاضر