استفسار القبول المشروووط ... ورواتب المعيدين .. ساعدوووني ربي يسعدكم

اخوي , إذا كنت توك بتراسل على القبول المشروط في كندا فبقولك وش صار معي , فأنا راسلت عشان قبول مشروط لين طفشت لأن كندا فيها قبول مشروط ولكن صعب لعدة أسباب منا:
1- لازم يكون معك سكور للتوفل او ايلتس عشان تقدم , حتى لو كنت بتدخل معهد اللغة , فبيقولون لك جب أي سكور في الاختبار وكتب كم نتيجتك في التقديم حتى لو كانت تحت المطلوب في الجامعة , بعدين نراجع أوراقك وإذا لك مشرف متحمس معك في جامعتهم يفكرون عندها يعطونك قبول مشروط.
2- التقديم عندهم غبي جداً , يعني يستقبلون طلبات اللي بيدرسون بعد ستة إلى أربعة شهور(أقصد الدراسة الاكاديمية مش معهد اللغة) وأنت مثلاً دلقاك تبغا تدرس لغة لمدة سنة ثم بعد ذلك تبدأ بالدراسة الاكاديمية, فيقلون أصبر لين نبدأ باستقبال طلبات الالتحاق للسنة الي أنت تبغاها, وهذا يأخرك كثير على معهد اللغة و لين يجيك القبول ولين ترفعه للجامعة ويطلعلك قرار البعثة.
3- ما يربطون دراسة المعهد للغة بدراستك الاكاديمية , فيقلونلك هذا تقديم وهذا تقديم مالهم علاقة , وتضيع أنت بينهم.
بالنسبة لل GRE يمديك تأخذ دورات بعد ما تخلص من معهد اللغة يعني اقصد في نفس الوقت , فمثلا معهد اللغة من الصباح إلى العصر و دورة GRE بعد العصر.
وبالنسبة للراتب المعيد ينزله نصف راتبه الاساسي بدون بدلات , إضافة إلى مكافأة المبتعث , ولكن بالنسبة للوقت ماني متأكد بس أتوقع أنه مالهم علاقة , بمعنى راتب المعيد ينزل بالتاريخ الهجري , ومكافأة المبتعث حسب التوافيق ونظام الملحقية في بلد الابتعاث.

وعلى فكرة إذا كنت حصلت قبول مشروط من كندا , تكفأ دلني على الجامعة أنا مثل حالتك, وراسلني على الخاص وشكرا

الله يجزاك خير اخووي ويسهل امورك


ليش ما تاخذ قبول لغة بس واذا رحت هناك ضبط وضعك ,,كثير اعرفهم راحوا بس لغة لكندا


لكن انا بروح ان اشاءالله امريكا ..وما ادري ..الله يستر اذا كانت زي كندا..


والله يسهل ويكتب اللي فيه الخيرة ياااارب للجميع


وربي يسهل امووورك .. ماقصرت عالرد

بالنسبة لسؤالك الثاني جوابه عندي


الراتب حق الجامعه تستلم نصف الراتب الاساسي وينزل زي ماهو بالهجري

اضافة لمكافأة الابتعاث ايضا تنزل لوحدها في حسابك اللي راح تفتحه في الدولة اللي ميتعث لها

يعني هنا ينزل وهنا ينزل

طيب سؤال
الحين المعيد كل سنة يزيد راتبة 360 أتوقع
طيب في فترة الابتعاث يزيد كل سنة ولا ثابتة يعني فية علاوة سنوية فترة الابتعاث
ياليت الاخوان يفدونا

لا مو نصف الراتب واحد من اقاربي كان ينزله راتب كله مع مكأفاة الابتعاث فيليت تتأكد من المعلومة وبالتوفيق ان شالله..

41 % من الراتب الاساسي فقط ( من دون البدلات ) + المكافاة ... بالهجري

و انصح بالحصول على قبول جامعة و لغة قبل السفر لان الحصول على قبول جامعة مُتعب