مساعدة عاجل وهام وسري للغايه

August 4th, 2010, 04:46 AM

انا معيده في جامعة الملك سعود مضى على تعييني عامين ومنذ اكثر من عام وانا اطالب بالابتعاث ولكن دون جدوى في كل مره يتحجج العميد باعذار غير منطقيه ولا اعرف ايش يبغى بالضبط في البدايه طلب مني قبول لغه وتأشيره وبس طبعا بناء على موافقة معالي مدير الجامعه على ابتعاث المعيدين والمعيدات بقبول لغه فقط تسهيلا لاجراءات الابتعاث ولكن هيهات احضرت قبول اللغه وطلعت التأشيره وكملت اوراقي من موافقه ولي الامر والمحرم وكل شي ورفعت له خطاب طلب الابتعاث مرفق بجميع الاوراق المطلوبه ومرت الايام وموعد الدراسه قرب وهو لاحس ولا خبر احاول اتصل عليه مشغول طالع في اجتماع لحد ماجاء موعد دراستي وهو ماعطاني اي رد!!!
بعد عناء طووووووويل رد علي وقال لا لازم تجيبي قبول ماستر!! طيب يابني ادم ليه ماقلت من الاول؟؟
ليه تضيع علي وقت وجهد موعد بدء الدراسه انتهى يعني لازم تأجيل يعني قبول جديد برقم سيفيس جديد يعني فيزا جديده يعني ويعني ويعني.......ااااهـ
طيب فوضت أمري لربي وقلت اوكي نجيب قبول ماستر الشكوى لله قلتله التخصص الدقيق اللي ابغى ادرس فيه ماستر رفضه قلت طيب ماشي مع انه حلمي هالتخصص بس مومشكله امر ايش تبغاني ادرس قال تخصص ابدا مومقتنعه فيه ومع ذلك رحت وقدمت فيه وجاني القبول وجبت قبول لغه جديد وجددت الفيزا ورتبت اموري من جديد وقلت خلاص استعدي للسفر رفعت اوراقي مع الخطاب وانتظرت يوم يومين اسبوع شهرين واتصالات وبهذله ولا احد معطيني وجه اتصل على العميد يقول مو عندي عند الوكيل اتصل على الوكيل يقول لازم نجتمع والعميد مو فاضي قرب موعد بدء الدراسه وهما مو فاضين يجتمعوا علشان يشوفوا موضوعي سبحان الله ..
طبعا لما قربت دراستي ومحد عطاني وجه قررت استعين بوحدة مساندة المعيدين قلت يمكن وفعلا ارسلتلهم خطاب برغبتي بالابتعاث وجميع اوراقي جاهزه واطلب تسهيل اجراءات ابتعاثي قاموا ارسلوا الخطاب اللي ارسلته لهم للعميد حقي وفي نفس اليوم فضى الوكيل وكلمني معصب يقول ليه تكلمين وحدة مساندة المعيدين؟؟ وكلالالالالالالالام كثيييير
واخر شي قال عموما خليهم ينفعونك وعلى فكره محد يقدر يسوي لك شي اذا العميد ماوافق على ابتعاثك حتى لو كلمتي مدير الجامعه!!!
طبعا بدات دراستي وانا هنا ماتحرك في موضوعي اي شي وبعد خطابات ومحاولات واتصالات كلمني العميد وقال شفت اوراقك >>صح النوم<< بس ابيك تغيرين التخصص وتجيبي قبول ماستر جديد بتخصص ثاني!! تخيلوا وهو بنفسه اللي طلب مني التخصص اللي جبت في القبول بس غير رأيه الاخ!!
يعني الان مطلوب قبول لغه جديد وقبول ماستر جديد وفيزا جديده!!!
بالله عليكم اي احد مكاني ايش يسوي؟؟ المشكله اني اخاف اسوي كل شي ويطلع لي بشغله ثانيه لاني احسه يماطل وبس واخاف اكلم مدير الجامعه او احد مسؤول وتصير مشاكل ويعند وتجي على راسي
وربي تعبت ومليت من هالسالفه مااعرف ايش اسوي ولا لمين اشتكي ومااعرف مين بيعوضني عن وقتي اللي راح ومصاريف الفيزا ومراسلة المعاهد والجامعات؟؟
ارجوكم الحقوني بالحل

• نشر عبر تويتر
• نشر عبر فيسبوك
• نشر عبر جوجل