عطوني رايكم محاضر او موضف؟؟ تعبت من التفكير

الله يوفقك اخوي
كلاهما ممتاز .... اعتقد ان التفكير المطول بمثل هذي الامور ضرره اكثر من نفعه
لاتجهد نفسك بالتفكير .. ببساطه شف انت وش ميولك ووش جوّك انت مجرب العمل الاكاديمي الان قارنه بالعمل بالمستشفى وشوف وين ترتاح اكثر ... كل انسان وشخصيته
لكن نصيحتي لك "خذ الأمور ببساطه"

الرزق بيد ربنا سبحانه وتعالى.. فلا تشيل هم تكوين مستقبلك..

الله أعلم، يمكن الجامعة توفر لك سكن لاحقاً بحكم إنه معك الدكتوراه، وبالتالي تقل مصاريفك وتصير قادر تدخر أكثر..
ويمكن تتوفق في عمل استشاري ويوفر لك دخل إضافي..

ومسألة ثانية، بافتراض طلعت بعثة، هل راح تكون مرتاح فيها، أم راح يجلس هم المادة والمستقبل منكد عليك؟! وبالتالي يؤثر على أدائك!؟

وعلى كل حال، استخير، واكتب مزايا كل وظيفة وقارن بينها بحياد، واختار الوظيفة اللي تغلب حسناتها واللي تشوف نفسك فيها بعد 20 سنة واللي تعتقد إنها تحقق طموحاتك وترضيك..

واستخير استخير استخير..

والله يوفقك وييسر لك اتخاذ القرار المناسب..

ممكن اعرف التخصص؟

والله يسهل امرك

انا قريب من وضعك بس مشكلتي ان مامعي وقت لازم اقرر قبل نهايه رمضان

ابوقصي صراحه انا متابع لمشاركاتك وتعجبني ردودك
لك رساله عالخاص

شكرا عالنصيحه عزيزي
المشكله ان الموضوع راح يحدد مستقبلي يا هنا او هنا واذا اخترت طريق صعب اتراجع بعدين
العمل الاكاديمي عاجبني جدا بس ماديا ماينفع يعني قهر ادرس بجامعه قويه دكتوراة 5 سنين اقل تقدير عشان ارجع اخذ راتب اقدر اخذة الحين ولاكن الوضيفه جدا مريحه وحلوة وانا نفسي اصير د

صح كلامك الرزق بيد الله بس لازم الواحد يعمل ويخطط للمستقبل من كل النواحي
انا مشكلتي ابي كل شي علي مزاجي هههههه
المشكله ان المزايا بالجامعه حضوض مو واضحه وصعب الواحد يعرفها
فيه دكاترة اكاديميين صارو وزراء وفيه ناس للحين مامعهم حتي بيت يسكنو فيه وتقاعدو وراحت البدلات ووو
بس مثل ماقلتي الاستخارة
شكرا

تخصصي تقنيه طبيه

انصحك تاخذ الوظيفة بما ان مردودها المادي مماثل لمردود الدكتور الجامعي .. تقدر تقارن بين وضعك في الوظيفة بعد خمس سنوات ووضعك لو اخترت ان تكمل الى الدكتوارة .. شوف ايهما افضل واتجه اليه .. وبالتوفيق

اهم شئ الراحه النفسيه ,, يعني شف وش الي ترتاح فيه أكثر واختاره
انا أنصحك بالمجال الأكاديمي
المجال الأكاديمي :
1- بعثه لدراسة الدكتوراه في أحد أفضل دول العالم وأكثرها تقدم مثلا أمريكا
2- تعليم على مسوى عالي جداً
3- اكتساب ثقافة جديدة, والسفر له فوائد عديدة وتكسبك خبرة.
4-ابنائك سيستفيدون من تعلم اللغة الانجليزية فأنت ستختصر عليهم الطريق إن شاء الله.
5-الجامعة توفر سكن لإعضاء هيئة التدريس .
6-بعد ما ترجع دوامك جدا مريح, تقدر تستغله بماء ترييييد,وإجازة ثلاث شهور في الصيف, ليس فقط 30 يوم في السنه !!.
7-المجال الأكاديمي علاقتك مع العلم متواصله, اما الوظيفه فهي عمل إداري وروتيني.
8-الدكتور في الجامعة يستطيع ممارسة أكثر من عمل لأن لديه الوقت مثل الكتابه في الصحف أو الاستشارات وغيرها

هذي بعض الإيجابيات الي جت في بالي ع السرررررريع
وأتمنى أكون أفدتك ولو بشئ بسييط
بالتوفيييق عزيزي