استفسار الفرق بين المعيد والمحاضر في امتيازات الابتعاث؟

انا مثلك كمان.... وننتظر الترقيه
في بعض الجامعات الترقيه راح تاخذ وقت شوي ( فيه من سنتين وحده من صحباتي لسى معيد مع انها جابت الماستر)

الابتعاث مايختلف للمعيد او المحاضر
ففي كل الحالتين تحسب سنوات الخدمه وتمشي العلاوة السنوية
الفرق راح يكون في الراتب المعيد ينزل له نصف راتب المعيد والمحاضر نصف راتب المحاضر
واغلب الجامعات تاخذ وقت في الترقية للمحاضر لقلة الشواغر الوظيفية على وظيفة محاضر لذلك فهي تقوم بعمل الترقية لدرجة
دكتور مباشرة بعد الحصول على الدكتوراه دون المرور بدرجة محاضر
هذا الي اعرفة واذا كان هنالك احد من الاعضاء يعرف اكثر عن هذا الموضوع فماراح يقصرون

موفقين لكل خير

لو كنت مكانك، فإني راح أفضل الحصول على الدكتوراة أول، لأن الشواغر فيه أكثر حالياً، وكلما تأخرت كلما قلت الشواغر..

وأن تطلبي الترقية وأنت دكتورة، أقوى من طلبك إياها وأنت محاضرة.. والفرق المادي في مكافأة الابتعاث ما هو كبير بصراحة ..

وإن كانت جامعاتنا تعتبر إن أعضاء هيئة التدريس هم حملة الدكتوراة فما فوق، وأن المحاضر لا يفرق عن المعيد سوى في زيادة الراتب، فإني أنصحك إنك تستعجلي في البعثة، لأن حقوق عضو هيئة التدريس ( دكتور فما فوق ) أكبر بكثير من حقوق المحاضر..


والله يكتب لك الخير وييسر لك أختي ..

مثل ماقالوا الاخوان ..
مافيه فرق بين المعيد والمحاضر في الابتعاث إلا سلم الراتب فالمعيد ياخذ نصف الراتب الاساسي للدرجة التي عليها في سلم المعيد ناقص 9% للتأمينات .. والمحاضر ياخذ نصف الراتب الاساسي للدرجة التي عليها في سلم المحاضر ناقص 9% للتأمينات ..
ولو حصل تكملين الدكتوراة توكلي على الله ولا تنتظرين أن تكوني محاضرة .. وبالتوفيق لك اختي الكريمة ..

ياخوان فيه فرق لكن الكثير يغفل عنه

اولا من ناحيه الراتب .. مافي فرق بين نص راتب المعيد والمحاضر اذا كانوا على نفس الدرجه .. يعني حوالي مبلغ بسيط .. هذا موب مهم

في شي اهم منه .. تعرفون مكافاة نهايه الخدمه

سنوات خدمتك وانت برتبه معيد غير محسوبه نهائيا بمكافاة نهايه الخدمه .. الي راح يحسب لك هو سنوات خدمتك كمحاضر وفوق ..

لا احد يخلط بين سنوات خدمه التقاعد ومكافاة نهايه الخدمه ... المكافاة هذي الي اقرت مؤخرا ضمن البدلات الجديده

سنوات دراستك راح تحسب لك سوا معيد او محاضر ..

بس المكافاة لا .. طبعا المكافاة عباره عن اخر راتب لك بعدد سنوات خدمتك .. ماعاد سنوات الخدمه وانت كمعيد ..


بالتوفيق