معيداااات ومعيدين جامعه الملك سعود حبايبي دشوووووو شوي

جامعه اللملك سعود بالرياض KSU

مو الجامعه الحرس حقت الملك سعود بن عبدالعزيز الصحيه لالالالا

ما شاء الله تبارك الله يا شوشو.. من فلوريدا لكاليفورنيا... فلة والله .. من جد رحلة دراسية ولا أحلى

الله ييسر لك ويوفقك...

شوشو.. أهم شي تجيبين قبول معهد لغة تابع لجامعة معترف بها من قسمك.. لأنه لما ترفعي أوراقك لقسمك، فسيتم مناقشة مدى قوة الجامعة في مجلس القسم، وبناء عليه يوافقون أو لا.. وهذا الموضوع بصراحة ما فيه قوانين واضحة ولاشي.. كلها من خبرة أو " مزاج " المجلس.. يعني ممكن تمشي وممكن لا.. الله أعلم.. عشان كذا حلو لو تكوني عارفة إيش الجامعات اللي ممكن يوافق عليها القسم، عشان ما تتعطلي ويقولوا لك جيبي قبول ثاني..


وبعد مجلس القسم تنرفع أوراقك لمجلس الكلية، وبإذن الله ما تتأخر.. وبعدها توصل لإدارة الموارد البشرية، هنا راح يتأكدوا إن المعهد تابع لجامعة موجودة في موقع وزارة التعليم العالي..


من ناحية ثانية.. قريب سمعت إن في دكاترة رجعوا لأحد الأقسام وكانوا توهم آخذين الدكتوراة، وواجهوا مشكلة لأنهم غيروا الجامعة بدون استئذان القسم!!! عاد ما أعرف عن موضوعهم أكثر من كذا، لكن أنصحك إن علاقتك بقسمك - في حال تغيير الجامعة الأمريكية - تستمر حتى وإنتي في أمريكا، تجنباً للمشاكل اللي ممكن تصير وتتأخر عليك ترقيتك لاحقاً بسبب مجلس القسم.. إلا إن كان قسمك ما يدقق في هذه الأمور .. يكون خير وبركة .. وتتواصلي مع الملحقية فقط..


نصيحتي هي:
- حاولي الحصول على قائمة بالجامعات المعترفة في مجال تخصصك، وهذه القائمة خذيها من كليتك أو قسمك ، وليس من موقع وزارة التعليم العالي لأنه قديم وغير محدث.. والملحقية أفضل من موقع الوزارة لأن عندهم آآآخر الأخبار.. وأرسلي لطارق اطلبي منه الجامعات المعتمدة في مجال تخصصك، وهو ما راح يقصر ... وإذا تأخر ارسلي له مرة ثانية وثالثة ليييين يرد..

- احصلي على القبول من معاهد جامعات منصوص عليها في القائمة، بحيث إنه أي تغيير لاحقاً لايضر بك.. يعني اختاري جامعة في فلوريدا ما عليها مشكلة وسجلي في معهدها.. ولما تبغي تنقلي لكالفورنيا أنقلي لجامعة موجودة في القائمة.. وبكذا تكوني ماشية في الأمان وما عندك أي مشاكل بإذن الله..



والله ييسر لي ولك عزيزتي..