مساعدة اللي انقبلت معيده بجامعه الملك سعود الاقسام الادبيه بعليشه تتفضل ( :

شكل مااحد انقبل وتعيين الا انا !

هلا اختي ناندا ماشاء الله الف مبروك الاعاده الله يطعمك خيرها ويكفيك شرها-
ابشرك انا معيده انقبلت بشهر 7 بس الدوام اللي عليه العلم بعد العيد ان شاء الله ب9-10
الحمد لله انقبلت بس الى هالحين احس اني مثلك مدري وش لي وش علي
انتي شو تخصصك يمكن اقدر افيدك من خبراتي
انا لغه انجليزيه

ماشاء الله تبارك الله , عالبركة .. الله يعطيكم خيرها ويكفيكم شرها

عندي سؤال .. انتوا سويتوا الكشف وكملتوا أوراقكم وصدر قرار التعيين ؟
لأني طلع اسمي بس باقي ما اكتملت الاجراءات .. سمعت اننا راح نباشر على شهر 11

* أنا مو بجامعتكم بس سؤال ..

أنا مو بجامعتكم ...لكن أحب أفيدكم
أولا مبروك.
...وأنصحك بالصبر...راح تسغربي كلامي...أنا كنت زيك...جديدة وتوقعاتي عااااااالية لكن بصراحة اللي لقيته خيبات أمل...بس هذا لأني كنت غلطانه في توقعاتي..لكن الحمدلله على كل حال
أوصيك بالصبر ثم الصبر ثم الصبر حتى يتعب الصبر منك
يعني راح تتفاجأي بأنه يطلبوا منك أشياء احتمال ماتعودتي عليها أو بالأحرى ماتوقعتيها مثل يكون لك ساعات معينة مراقبة شبكات في كل أسبوع أو تكوني مرشدة أكاديمية وحاجات ثانية يكون انتي معرفتك فيها قليلة..يعني ماراح يكون تدريس فقط ...راح تتحملي بعض الأمور الإدارية على صعيد يومي أو أسبوعي بإختيارك أو غصب ..انتي وحظك...لكن احمدي الله على كل حال واحتسبي أجر صبرك
خلي علاقتك بالكل كويسة وابتعدي عن المشاكل...وأقولك راح تستغربي نظرتك كطالبة لدكاترة ونظرتك كمعيدة لهم لأنه راح تنصدمي ببعض الشخصيات وخصوصا في مجتمعاتنا النسائية لكن برضوه احتسبي الأجر بأنك صابرة وابعدي عن القيل والقال.
خليك منضبطة لا تتأخري ولو ثانية واحدة دايما خلي صورتك قدام الكل كويسة...
راح تمر عليك مواقف تنظلمي فيها ومن كذا أرجع وأقول الصبر و أزيد عليها قولي " حسبي الله لا اله الا هو عليه توكلت وهو رب العرش العظيم".
اذا كانت جامعتكم فاضية احتمال تجمع المعيدات وتقولكم ايش لكم وايش عليكم لكن في الغالب لا تخلي آمالك كبيرة واعتمدي على نفسك واعرفي حقوقك.
لازم تعرفي أنه للمعيدة 16 ساعة بالأسبوع وهو أعلى حد ..اذا أضافوا عليها المفروض يعطوك زيادة في الراتب.
لازم تعرفي المنهج كويس من أول يوم وتحضري ولاتتركي المحاضرة الأولى حتى لو حضر فيها قليل على الأقل خذيها على أساس مقدمة تعريفية على نظامك وقوانينك. لازم يكون لك نظام وقوليه للطالبات من الأول ومايمنع تعيديه لهم أو حتى تكتبيه...مثلا اذا صار تأخير أو صار فيه ازعاج ايش عقوبات الطالبة خصم درجات أو يحسب غياب لها عدد معين من الساعات...وفيه أستاذات يتدخلوا حتى باللبس في محاضراتهم...يعني انتي حرة بقوانينك وبنظامك طول الفصل الدراسي (لا تصيري شديدة جدا على الطالبات ولا تصيري متساهلة جدا)...لازم تعرفي تقسيم الدرجات مع المشرفة وتبلغيه الطالبات من الأول عشان يستعدوا اذا فيه واجبات أو بحوث أو نشاط جماعي..
لازم تتطوري من نفسك بالقراءة في مجال تخصصك أو غيره وتاخذي دورات تدريبية في الجامعة أو حتى خارجها... واذا كان لك نشاط خارج الجامعة لخدمة المجتمع فهذا ممتاااااااااااااز. وعلى فكره كل هذا يدخل بتقييمك...لكن مانغفل عن احتساب الأجر وصقل الشخصية.
الراتب :::والبدلات::: يؤسفني أقول مافيه شئ يطلع بالساهل يعني لا تفكري انه راتبك بيجي كامل مع البدلات بدون ماتتعبي وراءه لااااااااا
لاأنهم راح ينزلوا راتبك لكن مرات ماينزل معه كل البدلات اللي انت تستحقيها فلازم تعرفي حقوقك المالية والبدلات المستحقة كلها ومن أول شهر.
بالنسبة للمحاضرات فيه جامعات تطالب بتوقيع وفيه جامعات لا تطالب بتوقيع حضور فاسألي في هالموضوع بالنسبة لقسمك.
الجداول راح تحضري على وقت محاضرتك أو وقت شغلك عموما يعني مثلا لو استلمتي شغل اداري . لأنك معيدة فأنت مكروفة لا محال فابتعدي عن التذمر ...على الأقل للقسم هههههههه وحاولي تستفيدي من أوقات راحتك في حاجة مفيدة مثل تفكير في الإبتعاث والإجتهاد في الماستر
سنة تعييني كانت سنة صعبة بالنسبة لي لكن الحمدلله على كل حال أنا أنصحك لأنه فعلا حابه الكل يكون مستعد لأي شئ.
إلزمي الأذكار وقراءة القرآن ولو كم صفحة يوميا راح تحتاجي قوة...واحنا نقول::: وبالله نستعين:::::.

مبروك مرة ثانية ...الله يعيط خيرها ويكفيك شرها...
دعواتك أحتاجها

الله يعطيكم العافيه ماقصرتوا ,,, اشراقه كفيتي ووفيتي جزاك الله خير ,,,

كتارين ,,, الحمد لله في وحده مثلي ,,, قسما بالله ماادري وش لي وش علي ,,, الحين جداولنا شلون ,, ومن وين ... تقسيم الدرجات من مزاجي ولا فيه نظام ؟؟

الحضور فيه توقيع له ولا لا؟؟؟

ومكاتبنا وينها ؟؟ هههههههههههه جد وين بقعد ؟؟؟

واجازاتنا وشلون ؟؟؟ كم يوم وش الاستثناءات ؟؟؟

الاستاذه ,,, ايه بعد ماسوينا الكشف الطبي وعبينا الاستمارات اللي اعطونا ,,, قعدت اسبوع وصدر القرار ... اذا وافقوا ع التعيين على طول روحي لهم واطلبي ورقه الكشف الطبي والاوراق المتعلقه فيك ... منوره قمر

اول شي ناندا قولي لا إله إلا الله وصلي على نبيك ..

وش فيك حبيبتي خايفه كل شي بالهداوة ..

كلنا مرينا بزي خبرتك واللي يشوفنا الحين يقول خبرة 50 سنة ماشاء الله

كل شي راح تعرفينه لكن شرط انك انتي اللي تبحثين عن حقوقك لا تتوقعين احد بيجي يعلمك

ومثل ما قالت الاخت اشراقه الزمي الصبر

وأزيد عليها الزمي الصمت كماااااان وهذا اهم شي خليك متلقي وباحث عن اي شي ما تعرفينه ..

اولا افهمي اللي حولك حتى عشان تعرفين تتعاملين معاهم

ولا تتوقعين انك راح تعرفينهم من اول شهر

ممكن بعد سنة على حسب المواقف اللي تكشفهم

والاخت اشراقه قالت معظم اللي كنت باقوله كفت ووفت جزاها ربي كل خير

خليك هاديه وخذي في بالك ان شخصيتك راح تصقلها الوظيفه بشكل ايجابي

اهم شي ابغى اذكرك فيه ..

انتي الآن مسكتي امانة عظيمة خصوصا اذا كنتي بتدرسين

بين يديك جيل راح يتلقى منك وراح ينتبه لكل تصرف وكل كلمة

مو معناته انك تتصنعين امامهم !!!لالالالا .. معناته انك راح تغيرين اشياء سلبيه فيك وتعززين من ايجابيتاك يعني هذا مسلك مفيد لك قبل طالباتك ..

عموما في اشياء كثيرة راح تعرفينها بالممارسة ولا تشيلي هم كلنا مرينا بنفس وضعك لكن هاذي الصعاب صقلتنا بدرجة كبيرة مش في مجال الوظيفة بس حتى في مجال حياتنا ..

ربنا يوفقنا واياك ...

مشكوره بريق امل ,,, ماقصرتي ... بس تعرفين شايله هم ماااااااااااااااااااااااااااااااااره ,,, لاني مااعرف احد <<< فيس يبكي

وكلامك فعلا صحيح ... كلها سنه وبكمل الدكتوراه الله يعين عليهم .. ادعي لي بالتوفيق ...