حوار الإعادة في الجامعة ؟؟ أم موظفة في ارامكو؟؟

يطالب الكاتب الصحفي عبد العزيز السويد الدولة بالتدخل لوقف موجة تسريح موظفين

مواطنين في الشركة الحكومية العملاقة "أرامكو" السعودية، في الوقت الذي تتعاقد فيه

الشركة مع شركات توفر موظفين «غير سعوديين»، محذراً من النتائج السلبية لزيادة

الاستقدام وإحلال غير المواطن مكان ابن البلد، ويشير الكاتب إلى أن هذه الموجة

تجتاح أيضاً شركات القطاع الخاص، ففي مقاله "أرامكو.. والباي باي آوت" بصحيفة

"الحياة" يقول الكاتب: "بعض موظفي شركة أرامكو السعودية هذه الأيام في حالة لا

يحسدون عليها، بعدما أبلغتهم الشركة بعرض التسريح "الباي آوت"، أو إنهاء الخدمة،

في مقابل منحة مالية لموظف لم تتوافر لديه شروط التقاعد المبكر، فَهِمَه المستهدف

إبعادهم أنه "الباي باي آوت"..



يبدو العرض للوهلة الأولى مغرياً، 36 راتباً، إضافة إلى خمس سنوات علاج للموظف

وزوجته وأولاده إذا وافق خلال المهلة، أما إذا وافق بعدها تتبخر ميزة العلاج، في حين

إذا رفض يتم نقله إلى منطقة أخرى"، ويعلق الكاتب على عرض الشركة قائلاً:

"تحجير لا يشير إلى وفاء من الشركة لموظفيها، وللعرض تبعات، فالموظفون

المستهدفون لم يمضوا المدة النظامية المستحقة للتقاعد المبكر ليحصلوا على راتب

تقاعدي، وربما يخسر بعضهم ما اقتطع من راتبه للتأمينات إذا لم يبادر باستمرار

التسديد من جيبه، يضاف إلى هذا حصولهم على قروض للسكن ولا بد من تسديدها،

ثم يكشف الكاتب حقيقة غريبة حين يقول: "في مقابل هذا تتعاقد أرامكو مع شركات

توفر موظفين غير سعوديين"، ويعلق الكاتب على موجة الاستغناء عن السعوديين

وتوظيف غير السعوديين بقوله: "هذه الصيغة التي انتشرت لدى البنوك والشركات

الكبيرة وأخذت بها أرامكو، وهي الشركة المملوكة للدولة، تسهم في نتائج سلبية عدة،

إضافة إلى زيادة الاستقدام وإحلال غير المواطن مكان ابن البلد، فهي لا توطن الخبرة،

هذه الصيغة تجب مراجعتها من الجهات المعنية، لأن نتائجها على المدى الطويل بالغة

الضرر".

نقطة لم تذكر،،
انا لدي تجربه مع قطاع الشركات ،،
يا اختي اذا تفكرين بالمستقبل ،، وتفكرين انك بكرا باذن الله بتتزوجين وبيصير عندك اطفال ،،
فااختيار ارامكو متعب جدا ،،
تخيلي بتداومين بعد شهر ونص من الولاده ،،
ودواام طوييل ومو هين ومتعب
وما فيه احد راح يسامحك او يعذرك لو تأخرتي
وتخيلي البيبي مانام ذيك الليله او مريض
الاجازات مو سهله ويحسبوها عليك ،،

يالجامعه الموضوع سهل
تقدرين تكنسلين المحاضره
وتقدرين ماتجين الا ساعة المحاظره وتطلعين


كأم بالمستقبل الموضوع بيفرق معك واجد
غير كذا ،،

انت طالعه 4 توصلين البيت 4:30
وقايمه من 6:30

متى الوقت اللي بيمديك تطالعين البيت والاطفال


انا موظفة شركه حاليا
اوصل للبيت حوالي 5

صدقيني اكون تعباانه ومافيني اطالع البيت
او اسوي اي شي تكون طاقتك كلها استهلكت بالدوام
وما اتخيل اقدر اكون ام بهذي الوظيفه


اما بالنسبه للوقت الحالي وانت ما تزوجتي احس متساويين

وفكرة اذا تظمنين ابتعاث ارامكو
فوق 90%
ادخلي ارامكو وخليهم يبعثونك

وارجعي واستقيلي
وروحي للجامعه


الله يعينك الخيار صعب


وبالنسبه للرواتب

ترا عدلوا رواتب المعيدات
صارت مرره حلوه
قد تكون افضل من ارامكو


وتأكدي منهم كم بالظبط بيكون راتبك

كلام ابو عمر في الصميم

بس زي ما ذكرت الاخت بيئة عمل الفتاة في الجامعة احلى

واخيرا الجامعة رااااااااااااااااااااااااااحة بال، واقل ضغط عمل

وتقدري تشتغلي بره لو كنتي صاحبة مهنة

كلام جميل انا الحقيقه ماصوت لانكل وظيفه لمها مميزاتها والقرار صعب
اسال الله لك التوفيق والهدايه لما فيه خير لك
بس عفوا بخرج شوي عن الموضوع
اش تخصصك لانه باين ماشاء الله انه مطلوب
وبالوقت ذا صعب تلاقي تخصص مطلوب

الإعادة بلا شك افضل بكثير

لكن ابسألك سؤال اختي كيف سجلتي في ارامكو؟؟

بصرراحه الاختيار بدون وضع ضوابط ونقاط من خلالها تقدرين تختارين منها الوظيفه راح تشتتين نفسك ..
خلينا نبدأ بأول شي ..
الدوام : الجامعة جداً أفضــل .. فـ مهمتك تكون القاء المحاضرات ، الاشراف ، التصحيح ، ألقاء المحاضراات العملية .. نوعاً مو كل الوقت دوام .. يعني عالاقل بتلاقين فيه وقت إنك تقرين كتاب .. تتناقشين مع دكتور حول مووضوع معين .. إنك تكون عضو في مشروع بينك وبين الكلية ... ووالدوام هنا ع حسب جدولك .. مو مظطره تداومين الوقت كله بنفس الروتين ..

في هذه الحالة من الناحية النفسية دوام الجامعة أفضل .. لانك راح تداومين من ثمان .. عندك وقت تفطرين .. تقرين أخبار العالم .. عندك وقت مستقبلاً إنك تفطرين عيالك .. وعندك وقت إنك تنامين فيه بالليل .. وغالباً مراح تكون أول ساعه دوام يمكن بعد 10 أو من تسع .. بعكس آرامكو الي الدوام من سبع .. فظطره إنك تصحين من الفجرر .. فأول شي ضحيتي فيه آخذت ساعه من وقت نومك بالليل .. وغير كذا ما يمديك تفطرين أو ع الاقل راح تفطرين بالسياره وغالباً مالك الا ساعة الغدا ..

الاحتكاك بأصحاب الخبره / في كلا الحالتين انتي مستفيدة .. سوى في الجامعة أو في آرامكو .. ولكن على المدى البعيد الجامعة أفضل في حالة اذا صرتي دكتوره .. ( فالي يحكمك بحوثك وهي الي راح ترقيك ألى أستاذ دكتور .. والترقية بالجامعة كل أربع سنوات .. ) فتخيلي بعد 8 سنوات من حصولك ع الدكتوراه اذا ثابرتي وجديت راح تترقين لاستاذ دكتور .. وشوفي كم بيكون الراتب .. وغير ارتباطك مع الجهات الحكومية كـ مستشارة أو باحث ..

التفضيل النفسي / هل انتي عنندك ميول تدريسي أم كأدراي في مكتب .. وانا اعتبر هالسؤال المحك الرئيسي ..

أرامكو / انا معلوماتي فيها قليله .. ولكن الي اعرف بمجرد إنك ما تتوظفين وابتعتي مراح تستقيلين بالساهل لازم تاخذين فترة وبعدين تطلبين الاستقالة .. ونفس الشي بالجامعة ... لانهم صرفو دم قلوبهم عليك بالخارج ..

بالنسبة للراتب .. / آرامكو تعتمد ع الخبره .. بالعاده الي معاه بكالوريس بدون خبره يتوظف ع القريد 11 بيكون راتب بحدود 9000 واذا معك خبره يمكن يوصل لـ 11.000
وفوق هذا بدل السكن قوي عندهم يعطونك سنوياً ضعفين الراتب ..
بالنسبة للجامعة تقريباً بيكون نفس الراتب والي يفرق بدل السكن ..

اممم / هذا الي جا في بالي ..
والله يوفقك ..

فرق كثير بين:
1- عضوة هيئة تدريس...وممكن تتقليدين مناصب عليا...و بين مجرد موظفة بارامكو!
الاعادة هي الافضل بلا شك لانها مدخلك للمناصب العليا...
موفقة يارب.

يا زين الاعادة بس

عز وتقدير وراحة باااااال

هالموضوع من يوم سجلت بالمنتدى وهو موجود

شكل البنت تعينت وخلصت وانتم قاعدين تقترحون هههههه .

على العموم الله يوفقها وأنا برأيي أن أرامكو أفضل وراح تخلي شخصيتك أقوى وأفضل كامرأة.

للمعلومية فقط ، بدا السكن ثلاث أضعاف الراتب يضاف له الراتب الثالث عشر (البونس) وراتب رمضان (عيدية) و 60% من الراتب في الإجازة يعني مامجموعة 6 رواتب تقريبا سنوياً
شكرا