حوار الإعادة في الجامعة ؟؟ أم موظفة في ارامكو؟؟

وعليكم السلام ورحمة الله وبركاته..

Hola اسبانيولا..


صوتت للإعادة لعدة أسباب.. وهو مناسبتها لنا كفتيات أكثر من الوظائف في الشركات.. من ناحية الوقت وناحية طبيعة العمل.. واللي - من وجهة نظري - ما يتعارض وما يؤثر على دورنا المستقبلي كأمهات بإذن الله في حال كنا أكاديميات في حين أن الوظائف تستغرق وقت أطول للدوام..

إضافة لأن نفع الأستاذة الأكاديمية متعدي، من ناحية إخراج جيل متعلم مثقف واعي..

وعلى العموم.. الأمر يرجع لتفضيلك الشخصي وميولك وظروفك..

لا تنسي تستخيري وتدعي إضافة للاستشارة..

كل دعوات التوفيق لك أسبانيولا..

اختي الكريمة ... انتي مرشحه للاعادة فهذا يعني ان مستواكي التعليمي هو فوق المستوى المطلوب في ارامكو ولذالك يجب عليكي التفكير بجديه في الموضوع ...

اذا كنتي تظمنين الابتعاث اذا صرتي معيده يعني في خلال سنه اوسنتين بالكثير .. فانا انصحك بالاعاده طبعا ... اما اذا كانو بيجمدونك على وضيفه محاظر لسنين طويله مثل اكثر جامعات السعوديه .. فانا انصحك بالعمل في ارامكو موقتا حتى يتيسر لكي الابتعاث عن طريق ارامكو وتجتمع الخبره مع الشهاده ثم تكون لكي الحريه في الاستقاله من ارامكو والعمل في اي مكان اخر.
انا شخصيا انصح بالاعاده لان مجال الابداع فيها واضح وفائدتها للمجتمع اكبر وحتى لو لم تجدي التقدير من اداره الجامعه .. ستجدين التقدير من طلابك اذا كنتي مخلصه و مبدعه في عملك .. وهذا الشيء يعطيك دافع قوي للمثابره ويعطيك الراحه النفسيه في العمل

اما ارامكو فحدث ولا حرج ... اذا كانت وضيفتك بتكون من الدرجه 11 فما فوق فستجدين الظلم والواسطات امام عينك .. يعني صحيح البيئة راح تساعدك على ساعات العمل الطويل بس عملك الشاق وابداعك لايعني بالظروره حصولك على المكافئات التي تستحقينها ... وتجدين من هو اقل منك معرفه او كفاءه في العمل يحصل على الدورات والترقيات والمكافئات لسبب انه ابن فلان او انه صديق فلان .. وهذا الشيء موجود في كل الوضائف الحكوميه ... بس اللي يقهر في ارامكو .. ان بيئه العمل تعطيك انطباع خاطي واحساس زائف بالاحترافيه وان النظام والكفاءه فوق كل شيء ,, ممايجعلك تعملين باخلاص اكثر ... ولذالك تكون نتيجه الظلم مضاعفه والتحطيم اشد على النفس..... ولهذا تجدين العمل يمتص من طاقتك وشبابك تدريجيا بدون ماتشعرين ... وبدون مردود نفسي ...

اما اذا كانت وضيفتك اقل من المرتبه 11 .. او كنتي متعاقده حتى لو براتب ممتاز ... فانصح بالاعاده وعدم التفكير في هذه الوضيفه ... لانه في الحاله هذي سينظر لكي كموضفه من الدرجه الثانيه وستجدين هذا الشيء في تعاملك مع مديرك او حتى مع زملائك الاعلى رتبه منك ... وهذا الشيء هو الي يخلي معظم الشباب الجدد اللي يتوضفون على هذه الدرجات ..يستقيلون بعد سنوات قليله

طبعا اذا كنتي من اصحاب الواو فالكلام السابق لا ينطبق عليك وما اقول الا الله يوفقك

تحياتي

اضم صوتي ارامكو

Hola querida

اول شي احب اشكرك على تواجدك الدايم ودعمك للاعضاء


دوام ارامكو من 7 الى 4 ومايفرق كثير عن دوام المعيدات اللي احيانا يفضلو بالجامعة الى اذان المغرب

وبصفة عامة انا تدربت في ارامكو وماشفت انها ماتناسب البنات بالعكس بيئة رائعة للبنت وتصقل شخصيتها أكثر من غيرها

يعني من هالناحية ماتفرق عندي الاعادة او ارامكو

هالميزة هيه اللي خلتني احتار وأشوف الاعادة افضل


ومع ذلك فيه ميزة اخرى بارامكو انها توفر حياة متكاملة مش بس وظيفة

انا دخلت الكامب وشفت مرافق السكن من إلى

شغلات نادرة ماتتوفر خارج ارامكو .. يعني بالعربي كذا مدلعييييييينهم ع الاخر



تفضيلي الشخصي متساوي .. زي ماقلت فيه ميزة اضافية للاعادة وفيه ميزة لارامكو وهذا اللي دوخني



تصدقي ما استخرت الى الان استغفر الله ... اشوف شور الاغلبية وبعدين استخير والله يكتب اللي فيه الخير




الله يسعد قلبك ياعسل ماقصرتي .. مشكورة

عن جامعتي.. فالدوام الطبيعي من ٨ إلى ٢.. وأحياناً ممكن يوصل ل ٣ .. وإن وصل ل ٣ فهذا مرة في الأسبوع أو مرتين بالكثير.. وفي بعض الأترام فقط..

والدوام من ٨ - ٢ عادة يكون في أول أسبوعين فقط.. ومن بعدها يكون حسب جدولك.. وغالباً الدوام اليومي ٤ ساعات تقريباً + يوم أوف ..


أما مزايا الحياة الأرامكوية - إن صح التعبير - فمعك حق إنها مغرية كثير.. وفكرة الابتعاث من أرامكو ومن ثم العمل فيها .. وبعدها التقديم للجامعة بعد ما يكون عندك خبرة عملية حتكون فكرة لا بأس بها..


العفو حبيبتي ما سويت شي.. كلنا أخوات نعين ونعاون..

كلام مهم صراحة ويؤخذ بعين الاعتبار ..
بس اخاف ان متطلبات الاعادة صحيح افضل من ارامكو لكن في النهاية كموظف وكحقوق وظيفية وراحة نفسية تكون بارامكو!!



البعثة مضمونه في الجهتين


كلام جميل وفكرت ونقطة اضافية تحسب للاعادة


هالكلام سمعته صحيح من بعض موظفين ارامكو ولكن فيه منهم اللي قال العكس تماما
لذلك مقدر احسبه كنقطة ايجابية او سلبية
بس من ناحية ان ارامكو تمتص العمر والشباب هذي الكل اتفق عليها



ايوه طبعا مارح اقارن التعاقد او الرتبة الاقل بالاعادة ..



ماني من اصحاب الواو والله .. واسطتي مؤهلي واخلاصي في العمل


شكرا على الدعم ..

طيب بنظرك ايش الاسباب اللي تخلي ارامكو افضل ؟

حتى لو من وجهة نظرك الشخصية البحته يمكن نستفيد ؟

بخصوص عدد ساعات الدوام انا جربت ارامكو من 7 الى 4 ومو بطال

زي البنوك كمان سبق وتدربت في بنك كان من 9 الى 5 بردو اتز اوكي

ساعات العمل ماتهمني كثير لو الوظيفة افضل بدرجة كبيرة



لو دخلت ارامكو ماحفكر ارجع للجامعة لان ارامكو توفر حياة مستقرة وخاصة داخل الكامب
اللي يعيش هناك ما رح يتاقلم لو طلع بعد فترة من الكامب الا لو خارج السعودية



ونعم التعاون والله .. جزاكي الله خير

هذا يرجع لشخصيتك ..
فإن كنتِ تعطين قيمة كبيرة للشهادة العليا سواء لأجل العلم أو لأجل المكانة الاجتماعية التي يحظى بها أستاذ الجامعة عادةً فاتجهي للإعادة.
وإن كانت أهمية الدخل أكبر لديك من الرغبة في الدكتوراه فاتجهي لأرامكو ..

يعني اجلسي مع نفسك وانظري مالذي يعني لكِ أكثر ..